Аршба еиҭеиҳәеит Аԥсны аибашьра анцоз Адыгатәыла иҳанаҭоз ацхыраара атәы

12
(ирҿыцуп 17:05 05.10.2020)
Жьҭаара 5 рзы Адыгатәыла амш азгәарҭоит. 1993 инакрны 1994 шықәсанӡа Адыгатәылан Аԥсны ахаҭаранакс иҟаз Валери Аршба арадио Sputnik аефир аҟны еиҭеиҳәеит Аԥсны Аџьынџьтәылатә еибашьраан ҳашьцәа адыгаа иҟарҵаз ацхыраара атәы.
Хра злоу ахҭысқәа: Аршба Адыгатәыла Аԥсны аибашьраан ианаҭоз ацхыраара атәы

1991 шықәсазы Адыгатәи аобласт Жәлар рдепутатцәа рхеилак изаамҭанытәым аилатәараҟны Адыгатәи автономтә област республиканы ирыларҳәеит. 29 шықәса раԥхьа Адыга Ареспублика Урыстәылатәи Афедерациаҟны хаз иҟоу субиектхеит. Аҳәынҭқарратә-зинтә статус ашьҭыхра ареспублика иаҳа алшара анаҭеит асоциал-економикатә ҿиара аганахьала.

"…Аибашьраан Адыгатәыла даара ирацәаны агуманитартә цхыраара ҟанаҵон Аԥсназы. Аԥсшьарҭақәа рҟны аҳәсеи ахәыҷқәеи ихҵәаны инеиуаз рыдыркылон. Аԥсны аибашьра ишалагаз адырхаҽны Адыгатәылантәи хатәгәаԥхарала еибашьра иааз неит Гәымсҭа ҳахьыҟаз. Адыгатәылантәи Аԥсныҟа иааит Адам Хәааде инапхгарала аҷкәынцәа, быжьҩык ара иҭахеит", - иҳәеит Аршба.

Шәазыӡырҩла арадио Sputnik Аԥсны.

12

Џьергьениа аԥсыӡ ақәырҭ аҟьараан ахылаԥшразы: амлагәыр иацло иалагеит

1
Риҵатәи Амилаҭҭә ареликттә парк аҟны абнахылаԥшҩы хада Ҭенгьыз Џьергьениа арадио Sputnik аефир аҟны еиҭеиҳәеит аԥсыӡқәа ақәырҭ анырҟьо аамҭазы , урҭ реиқәырхаразы аҷаԥшьара шымҩаԥырго.
Џьергьениа аԥсыӡ ақәырҭ аҟьараан Риҵа ахылаԥшразы: амлагәыр иацло иалагеит

Жьҭаара 25 инаркны ԥхынҷкәын 10-нӡа аԥсыӡқәа ақәырҭ аҟьара иалагоит. Ари аамҭазы аԥсыӡкра азин ыҟаӡам.

"Аинспекторцәа, аиҳабацәа зегьы ҳазҿу ҳаԥсабара, ҳаԥсыӡ ахьчара ауп, ҳхәыҷқәа ирбартә еиԥш аус ҳуеит. Акалмаҳи амлагәыри ари аамҭазы ақәырҭ рҟьоит, аԥсыӡкра аанкыланы иҟоуп. Аҷкәынцәа уахынлагьы иҷаԥшьоит. Ҵыԥх амлагәыр ахьыҟоу 26 жрақәа ыҟазҭгьы, сынтәа иҵегьы иацлароуп ҳәа агәаанагара ҳамоуп. Иубаратәы иҟоуп ахылаԥшра амҩаԥгара ашьҭахь аԥсыӡ ишацлаз. Аԥҟарақәа рықәныҟәара иабзоураны ҳӡиасқәа рҟны аԥсыӡ аҽеиҵнахо иалагеит", - иҳәеит Џьергьениа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

1

Гәарамиа акалмаҳааӡарҭа "Кәыдрытәи аӡыхь" акурорттә аамҭазы аусуразы: хар амам

1
(ирҿыцуп 17:01 27.10.2020)
Гәылрыԥшь араион Дранда аҳаблан иҟоу акалмаҳааӡарҭа "Кәыдрытәи аӡыхь" аԥшәма Беслан Гәарамиа арадио Sputnik арубрика "Раионк аԥсҭазаараҟынтә" аҿы еиҭеиҳәеит акурортә аамҭа русура ишаныԥшыз атәы.
Раионк аԥсҭазаараҟынтә: Гәарамиа акалмаҳааӡарҭа "Кәыдрытәи аӡыхь" аусура иазкны

"Нанҳәазы аҳәаа аадмыртызҭгьы ҳусқәа башахон, ҳуал иҳақәыз абжеиҳара ҳшәеит. Асезон кьасаны иалагеит, ҳаилыркаап ҳәа ҳгәыӷуеит зуал ҳақәу. Хар ҳамаӡам, ауаа ыҟан. Иахьа шьҭа хыцҩыцқәак роуп иҟоу. Аишәак аҟны итәо ҟалар алшоит, имааиргьы ауеит. Ԥхынҷкәынмзазы иҟалоит рҳәоит аԥсшьаҩцәа. Сынтәа ҩ-тоннак рҟынӡа аԥсыӡ цеит. Хәбаҟа тонна цозҭгьы иманшәалахон, аха ауаа амчымхара рымоуп, хҩык ԥсыӡк анаархәозгьы ыҟан", - иҳәеит Гәарамиа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

 

1

COVID аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь

1
(ирҿыцуп 20:25 27.10.2020)
Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

АҞӘА, жьҭаара 27 - Sputnik. Аԥсны COVID-19 аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь, абри атәы арадио Sputnik иазеиҭеиҳәеит Урыстәыла иҟоу Аԥсны ацҳаражәҳәаҩ Игор Ахба.

"Аиԥылара еиҿнакааит Москва иҟоу Аԥсны Ацҳаражәҳәарҭа. Уахь инаԥхьан акоронавирус зыхьуа рҟны аус заухьаз ҳџьынџьуаа-амедусзуҩцәа: Владимир Аргәын, Викториа Тарԥҳа, Мераб Арӡынба, Астан Мышәба, Едуард Быҭәба. Бжьаниа ирзеиҭеиҳәеит Аԥсны иҟоу аепидемиологиатә ҭагылазаашьа зеиԥшроу. Нас аҳақьымцәа рабжьагарақәа дырзыӡырҩит. Авирус аҿаԥҽра еиҳа хра аманы иҟаларц азы аԥкырацҵақәа алагалахоит", - иҳәеит Ахба.

Иара иажәақәа рыла абжьгарақәа ахәышәтәра апроцесси апациентцәа онлаин-режим ала аконсультациақәа рыҭареи роуп ирыҵаркуа. Ацҳаражәҳәаҩ иҳәеит ишалацәажәаз Москвантәи Аԥсныҟа амедусзуҩцәа ргәыԥ аарагьы.

Аслан Бжьаниа усутә ныҟәарала Москва дыҟоуп жьҭаара 26 раахыс.  Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

Иара убас шәаԥхьар ҟалоит:

1