Миқаа Гал абираҟ зыблыз изы: иус мариахаӡом

33
(ирҿыцуп 19:50 05.10.2020)
Гал араион ахадара апресс-маҵзура аиҳабы Ерик Миқаа арадио Sputnik аефир аҟны еиҭеиҳәеит аԥсуа бираҟ араион аҟны изыблыз иганахьала ашьаус шхацыру, аҭыԥантәи ауааԥсыра ари ахҭыс шрыдыркылаз атәы.
Раионк аԥсҭазаараҟынтә: Миқаа Гал абираҟ зыблыз иус иазкны

Цәыббра 30 рзы асоциалтә ҳақәа рҿы ицәырҵит Гал араион аҿы аԥсуа бираҟ амца азыркыз ауаҩы даанкылоуп ҳәа адырра. Араион иқәынхо Иракли Бебуа Гал Акультура ахан аҿаԥхьа икнаҳаз Аԥсны абираҟ аԥшшәқәа символра рзызуаз аш амца ацразҵаз иганахьала ашьаус хацыркуп.

"Уажәы 30 мшы ҳәа макьана ддырбаанадаҩит административтә закәанла, уи ашьҭахь ишахәҭоу иус ӡбахоит. Иара иус мариахаӡом, избанзар хԥа-хәба рҟынӡагьы ашьауӷатә хәҭаҷқәа еилеигеит ҳәа сгәы иаанагоит, иара ус иагьыҟоуп", - иҳәеит Миқаа.

Иара иазгәеиҭеит араион аҟны инхо рыбжьара ацәгьара ҟазҵаз ишахәҭоу дахьырхәтәуп ҳәа зҳәаз шмаҷым.

Шәазыӡырҩы аудио.

Иара убас шәаԥхьар ҟалоит:

33

Жьиба ацитрустә шәырқәа рзы: иҿала иҿамла есышықәса ихәшәтәлатәуп, аҩара рзымариоуп

3
(ирҿыцуп 18:42 22.10.2020)
Гагра араион Асычқәа ақыҭан иҟоу ацитрустә ааӡарҭа қьырала измоу Аркади Жьиба арадио Sputnik аефир аҿы еиҭеиҳәеит ашәырҵлақәа ишахәҭоу рааӡаразы ихымԥадатәны иҟоу.
Раионк аԥсҭазаараҟынтә: Жьиба ацитрустә шәырқәа рзы

"Ара еиҭаҳау ацитрустә шәырқәа асовет аамҭазы иаԥҵаз абаҳчақәа роуп. Аибашьра ашьҭахь дара рышьақәыргылара уадаҩын аҟнытә ажәлар ишаны ирырҭеит қьырала. Жәашықәсаҟа ҵуеит ҳхала нап адкыла иныҟәаҳгоижьҭеи. Аколнхара аҟынтә ииасыз 300 шьапы рҟынӡа сымоуп, иара ус схатәгьы 200 шьапы рҟынӡа ыҟоуп. Ацитрус анапы адукылар, ианахәҭоу ахәшә ауҭар, уацхраар, аҽаҩра уоуеит, аха иара акалашәа иҟоуп, шықәсык аҽаҩра бзиоуп, шықәсык ибжьанажьуеит. Аха иҿамла иҿала есышықәса ихәшәтәлатәуп, мамзар, иҩоит, уи рзымариоуп, избанзар, ақәра ду рымоуп шьҭа. Аиҭаҳатә аԥшаара уадаҩуп, иара ахәгьы маҷӡам, шықәсык зхыҵуа ашьаҭа 250 -500 мааҭ рҟынӡа инеиуеит", - еиҭеиҳәеит Жьиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

3

Ҭыжәԥҳа еиҭалҳәеит ахәыҷбаҳча аусура аиӷьтәразы Казантәи аконференциаҟны илылкааз

2
Ашколхәыҷқәеи ахәыҷбаҳчақәеи ҳаамҭазы аус рыдулашьа азнеишьақәа ирызкны Казань имҩаԥысуа аконференциа иалахәу Аҟәатәи ахәыҷбаҳча "Алашара" аиҳабы Мадина Ҭыжәԥҳа арадио Sputnik аефир аҟны еиҭалҳәеит иззаҭгылаз азҵаарақәа.
Ҭыжәԥҳа еиҭалҳәеит ахәыҷбаҳча аусура аиӷьтәразы Казантәи аконференциаҟны илылкааз

Апрофессионалтә ҿиара Ацентр "Конвентус" ааԥхьарала Аҟәа ақалақь администрациа рыцхыраарала аҳҭнықалақь аҵараусбарҭа ахаҭарнакцәа Казанҟа ишьҭын. Дара уаҟа иалахәуп "Ҳаамҭазы ашколқәеи ахәыҷбаҳчақәеи напхгара рыҭара" захьӡу аконференциа. Уи мҩаԥысуеит жьҭаара 18 инаркны 22-нӡа.

"Араҟа иқәгылоу атемақәа рацәоуп, аха хԥа хадоуп ҳәа азысыԥхьаӡеит. Иахцәажәон згәы бзиам ахәыҷқәа рызнеишьа, ахәынҭқарратә фондқәа еиҿкааны ус еиԥш ахәыҷқәа ацхыраара ду шрырҭо, ршьапы ишықәдыргыло. Иахцәажәон убасгьы, аҟыбаҩ ҷыда злоу ахәыҷқәа ралкаара аметодқәа, урҭ анаҳҵеит, ҳхы иаҳархәап ҳәа сгәы иаанагоит. Ҩышықәса инаркны фышықәса рҟынӡа анихыҵуа ахәыҷы дгәоуҭар ауп, ашкол ахь данцо деиҭауҳәар ауп, уи илоу аҟыбаҩ имырӡырц. Ахԥатәи амш азы иҳазнаргеит абиуџьет иалам аԥхьаӡарақәа ахәыҷбаҳчақәеи ашколқәеи радԥхьалара, ацхыраара рыҭара аформақәа", - лҳәеит Ҭыжәԥҳа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

2

Аԥсны 134-ҩык акоронавирус рыдырбалеит, аӡәы лыԥсҭазаара далҵит

3
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Ачымазара ҿкы – акоронавирус Аԥсни адунеи аҿи: иалкаау