Барцыц ауал зқәу рмазара аҭиразы: уажәраанӡа ари аус ашьапы иаҳзықәмыргылацызт

9
(ирҿыцуп 11:31 07.10.2020)
Ауал зқәу рмазара иаарту аҭиразы алаҳәара ҟанаҵоит аҳәынҭқарратә мазареи ахатәтәреи рзы аилак. Аԥсны аиустициа аминистрра иаҵанакуа аусӡбаратә нагӡаҩцәа рмаҵзура аиҳабы Зураб Барцыц арадио Sputnik аефир аҿы еиҭеиҳәеит избан уажәраанӡа ари аус нап задкыламыз.
Барцыц ауал зқәу рмазара аҭииразы: уажәраанӡа ари аус ашьапы иаҳзықәмыргылеит

"Ауалқәа рахьынтә ҳара иҳадаҳкыло аҭира рыдҵоуп аҳәынҭқарратә мазареи ахатәреи рзы аилак. Уаанӡагьы амалуаа ирықәынкылаз амал ҭитәын, аха усҟантәи ашықәсқәа рзы ишақәнагаз уи аус ашьапы иаҳзықәмыргылеит. Еиқәыршәаны иҳамоуп асиа, ирацәаны иуҭиртә иҟоу, аха аилак ахаҭагьы усҟак макьана иазыхиам ари аус анагӡара, аҭыԥ ақәҵара. Иҟоуп изықәныҟәатәу аинструкциа: аиқәыршәашьа, аҭишьа атәы ахьаҳәо. Аспециалистцәа ахьыҟам аҟынтә маҷ-маҷла, мызкала акы-ҩба материал ҳашьҭуа ҳаицәажәан ҳаҟоуп. Уажәтәи аҭитә зегьы ишақәнагоу аԥҟарақәа ишырҳәо ишьақәырӷәӷәаны иқәыргылоуп, ԥыҭк аамҭа анцалак, ирзымҭиз ахә иагырхан еиҭа иқәдыргылоит, анаҩс еиҭа ус", - ҳәа еиҭеиҳәеит Барцыц.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

9

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

15
Гал араион ахадара азиндырратә ҟәша аиҳабы Инал Қәычбериа арадио Sputnik аефир аҿы еиҭеиҳәеит иарбан зҵаарақәоу ирызцәырҵуа араион ауааԥсыра, есыҽнытәи иусура шеиҿкаау атәы.

 

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

"Еиҳарак аусура ахьыҟоу араион ахадара ирыдыркыло аԥҟаԥҵәақәа реилыргараҿы ауп. Уи ҳауаажәлар ирызнагатәуп, рхы иахьадырхәаша, ишадырхәаша раҳәатәуп. Насгьы ҳара иаҳзаауа Аԥсны ахада идҵақәа роума, аԥыза-министр идҵақәа роума, дара зегьы еилырганы ажәлар ирызнагатәуп, урҭ адҵақәа инарықәыршәаны аусура мҩаԥысларц азы. Уи адагьы мчыбжьык ахь ҩынтә ауааԥсыра рызҵаарақәа рыла исыдыскылоит. Иара уи аамҭа абжьарагьы ианааиуа иҟоуп. Ауааԥсыра еиҳарак изыргәамҵуа атәылауашәҟәы аиура азҵаароуп, иҟоуп иара убас ашәахтәқәа ршәараҿы азҵаарақәа анрызцәырҵуагьы, анаҩс ауалафахәы ацҵара иаҵанакуа уҳәа, иаҳзааиуа рацәаҩуп, иахьынӡаҳалшо ҳрыхәоит", - ҳәа еиҭеиҳәеит Қәычбериа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

15

Ануа амобилтә госпиталь Аԥсныҟа аашьҭразы: иҟаҳҵаз аҳәара иаразнак ахаҵгылара аиуит

11
(ирҿыцуп 15:50 19.10.2020)
Аԥсны атәылахьчара аминистр, аинрал Владимир Ануа арадио Sputnik аефир аҟны еиҭеиҳәеит Урыстәыла Атәылахьчара аминистрра аруаа амобилтә госпиталь аусура шеиҿкаахо атәы.
Ануа амобилтә госпиталь Аԥсныҟа аашьҭразы: иҟаҳҵаз аҳәара иаразнак ахаҵгылара аиуит

"Урыстәыла атәылахьчара аминистр Сергеи Шоигу иахь иҟаҳҵаз аҳәара иаразнак ахаҵгылара аиуит. 30 машьына инареиҳаны Будионовскынтә иаҳзааит агоспиталь. Дара рнаҩсгьы Ҟрымынтәи адәахьы атехникала ахәшәқәа ақәызҭәо ааит. Урҭ абыжьбатәи абазаҟны (Гәдоуҭа - аред.) иаангылеит ашамҭазы. Ҩажәаҩык инареиҳаны арратә базаҟынтәи аруаа агоспиталь ахьчараҟны ацхыраара ҟарҵалоит. Ас еиԥш агоспиталь маншәалоуп, аспециалистцәа ацуп. Иахьа убасгьы Адлер аҳаиртә баӷәазаҟынтәи хԥа-ԥшьба машьына рыла ахәшәқәа ааргоит. Иахьа иаҳзааз агоспиталь, аиҳабыра изларҳәо ала, 100-110-ҩык рҟынӡа ачымазцәа рыдкылара, рхылаԥшра рылшоит", - иҳәеит Ануа.

Урыстәыла Атәылахьчара аминистрра аруаа амобилтә госпиталь аргылара иалагеит Аҟәа, асасааирҭа "Аиҭар" аҵакыраҿы. Агоспиталь амедицинатә персонал асасааирҭа "Аиҭар" иҩнаҵахоит. Ара агоспиталь аҳақьымцәа авирус COVID-19 зыдбалоу апациентцәа рыхәышәтәра нап аларкуеит.

Амобилтә госпиталь ареспубликахь идәықәҵан Аԥсны атәылахьчара аминистрра иҟанаҵаз аҳәара ашьҭахь, акоронавирустә инфекциа змоу апациентцәа рыхәышәтәраҿ ацхырааразы. Уи аҿы ишьақәыргылахоит арԥҳақәа иԥсабаратәымкәа аҳауа рҭазырсуа аппаратқәа, апациентцәа интенсивла ргәаҭаразы амониторқәа, арентгенографиатә аппаратқәа, УЗИ аппаратқәа, ашьа анализҟаҵагақәа.

Иара убас шәаԥхьар ҟалоит:

11