Джумбер Мушба

Мышәба аколлеџь иаиуз амаруга ҿыцқәа рзы: аҵаратә процесс иақәшәо алабораториа ҳауит

13
Аԥснытәи аусхкырацәатә коллеџь аиҳабы Џьумбер Мышәба арадио Sputnik аефир аҿы еиҭеиҳәеит аколлеџь иаиуз амаруга ҿыцқәа ртәы, урҭ хархәашьас ирымоу.

Европатәи аидгылеи Еиду Амилаҭқәа реиҿкаара Аҿиара апрограммеи еицеиҿыркааз аус иабзоураны Аԥснытәи аусхкырацәатә коллеџь еиқәыршәоуп ахәыҟаҵарҭатә лабораториа ҿыцла.

 

Мышәба аколлеџь иаиуз амаруга ҿыцқәа рзы: аҵаратә процесс иақәшәо алабораториа ҳауит

"Аколлеџь аибашьра ааилгеижьҭеи аус ауеит, усҟан зда ԥсыхәа амамкәа еиқәҳаршәаз ала ҳалагеит. Иахьа ҿыц иааҳартит алабораториа, ауада аремонт ҟаҵоуп. Афымцатә цәаҳәақәа зегьы ԥсахуп, аӡқәа ртәгьы ус. Амаругақәа ракәзар, ишахәҭаз еиԥш зегьы аагоуп, архьшәашәага ҿыцқәа, апечкақәа, аҳәызба инаркны зегьы рыла хаиқәшәоуп ҳҳәаратәы ҳаҟоуп. Анапынҵа анҳау ишәҭаху еиқәшәыршәа ҳәа, зегьы рсиа ҟаҵаны ираҳҭеит. Иахьа зегь рыла еиқәыршәоу, аҵаратә процесс иақәшәо ахәыҟаҵарҭатә лабораториа ҳамоуп ҳәа уҳәаратәы иҟоуп", - ҳәа еиҭеиҳәеит Мышәба.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

13

Џьергьениа аԥсыӡ ақәырҭ аҟьараан ахылаԥшразы: амлагәыр иацло иалагеит

1
Риҵатәи Амилаҭҭә ареликттә парк аҟны абнахылаԥшҩы хада Ҭенгьыз Џьергьениа арадио Sputnik аефир аҟны еиҭеиҳәеит аԥсыӡқәа ақәырҭ анырҟьо аамҭазы , урҭ реиқәырхаразы аҷаԥшьара шымҩаԥырго.
Џьергьениа аԥсыӡ ақәырҭ аҟьараан Риҵа ахылаԥшразы: амлагәыр иацло иалагеит

Жьҭаара 25 инаркны ԥхынҷкәын 10-нӡа аԥсыӡқәа ақәырҭ аҟьара иалагоит. Ари аамҭазы аԥсыӡкра азин ыҟаӡам.

"Аинспекторцәа, аиҳабацәа зегьы ҳазҿу ҳаԥсабара, ҳаԥсыӡ ахьчара ауп, ҳхәыҷқәа ирбартә еиԥш аус ҳуеит. Акалмаҳи амлагәыри ари аамҭазы ақәырҭ рҟьоит, аԥсыӡкра аанкыланы иҟоуп. Аҷкәынцәа уахынлагьы иҷаԥшьоит. Ҵыԥх амлагәыр ахьыҟоу 26 жрақәа ыҟазҭгьы, сынтәа иҵегьы иацлароуп ҳәа агәаанагара ҳамоуп. Иубаратәы иҟоуп ахылаԥшра амҩаԥгара ашьҭахь аԥсыӡ ишацлаз. Аԥҟарақәа рықәныҟәара иабзоураны ҳӡиасқәа рҟны аԥсыӡ аҽеиҵнахо иалагеит", - иҳәеит Џьергьениа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

1

Гәарамиа акалмаҳааӡарҭа "Кәыдрытәи аӡыхь" акурорттә аамҭазы аусуразы: хар амам

1
(ирҿыцуп 17:01 27.10.2020)
Гәылрыԥшь араион Дранда аҳаблан иҟоу акалмаҳааӡарҭа "Кәыдрытәи аӡыхь" аԥшәма Беслан Гәарамиа арадио Sputnik арубрика "Раионк аԥсҭазаараҟынтә" аҿы еиҭеиҳәеит акурортә аамҭа русура ишаныԥшыз атәы.
Раионк аԥсҭазаараҟынтә: Гәарамиа акалмаҳааӡарҭа "Кәыдрытәи аӡыхь" аусура иазкны

"Нанҳәазы аҳәаа аадмыртызҭгьы ҳусқәа башахон, ҳуал иҳақәыз абжеиҳара ҳшәеит. Асезон кьасаны иалагеит, ҳаилыркаап ҳәа ҳгәыӷуеит зуал ҳақәу. Хар ҳамаӡам, ауаа ыҟан. Иахьа шьҭа хыцҩыцқәак роуп иҟоу. Аишәак аҟны итәо ҟалар алшоит, имааиргьы ауеит. Ԥхынҷкәынмзазы иҟалоит рҳәоит аԥсшьаҩцәа. Сынтәа ҩ-тоннак рҟынӡа аԥсыӡ цеит. Хәбаҟа тонна цозҭгьы иманшәалахон, аха ауаа амчымхара рымоуп, хҩык ԥсыӡк анаархәозгьы ыҟан", - иҳәеит Гәарамиа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

 

1

COVID аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь

1
(ирҿыцуп 20:25 27.10.2020)
Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

АҞӘА, жьҭаара 27 - Sputnik. Аԥсны COVID-19 аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь, абри атәы арадио Sputnik иазеиҭеиҳәеит Урыстәыла иҟоу Аԥсны ацҳаражәҳәаҩ Игор Ахба.

"Аиԥылара еиҿнакааит Москва иҟоу Аԥсны Ацҳаражәҳәарҭа. Уахь инаԥхьан акоронавирус зыхьуа рҟны аус заухьаз ҳџьынџьуаа-амедусзуҩцәа: Владимир Аргәын, Викториа Тарԥҳа, Мераб Арӡынба, Астан Мышәба, Едуард Быҭәба. Бжьаниа ирзеиҭеиҳәеит Аԥсны иҟоу аепидемиологиатә ҭагылазаашьа зеиԥшроу. Нас аҳақьымцәа рабжьагарақәа дырзыӡырҩит. Авирус аҿаԥҽра еиҳа хра аманы иҟаларц азы аԥкырацҵақәа алагалахоит", - иҳәеит Ахба.

Иара иажәақәа рыла абжьгарақәа ахәышәтәра апроцесси апациентцәа онлаин-режим ала аконсультациақәа рыҭареи роуп ирыҵаркуа. Ацҳаражәҳәаҩ иҳәеит ишалацәажәаз Москвантәи Аԥсныҟа амедусзуҩцәа ргәыԥ аарагьы.

Аслан Бжьаниа усутә ныҟәарала Москва дыҟоуп жьҭаара 26 раахыс.  Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

Иара убас шәаԥхьар ҟалоит:

1