Сусана Садзба.

Саӡԥҳа еиҭалҳәеит сынтәа аџьықәреи азы аҽаҩра зеиԥшроу атәы

26
(ирҿыцуп 19:36 08.10.2020)
Ҽаҩраҭагалан ишаԥу еиԥш ақыҭақәа рҿы анхацәа ҩ-напыкала аус руеит. Иааит амхҭагалара аамҭагьы. Изеиԥшроузеи сынтәатәи аҽаҩра, анхацәа рџьабаа бзабаан ирԥылеит уҳәар алшома? Абри атәы арадио Sputnik аефир аҿы еиҭалҳәеит аус ҳацызуа арадиомҩаԥгаҩ Сусана Саӡԥҳа.
Саӡԥҳа еиҭалҳәеит сынтәа аџьықәреи азы аҽаҩра зеиԥшроу атәы

"Аҽаҩра сынтәа ицәгьам, алаԥҟьақәагьы бзиоуп, ҵыԥх аасҭа иаҳа имаҷны иҭаҳгалеит, аха аҽаҩра ахаҭабзиара ус ак ахуҳәаауа иҟам. Акызаҵәык, саб есышықәса арашәара анаҩс ацәаҳәақәа рыбжьара ицәаӷәоит, аха сынтәа уи ҳзыҟамҵеит аҟнытә, аҭәа рацәаны иаҵалеит. Ахәшә ақәаҳҭәеит, аха иахьахәаз ҳәа акгьы ҳамбеит", - ҳәа лҳәеит Саӡԥҳа.

Сусана иазгәалҭеит егьырҭ ашықәсқәа рзы анхацәа ԥырхага ду рызҭоз амармалташьтә пты сынтәа акырӡа ишмаҷхаз.

"Афҩыгарақәа ыҟоуп, аха уаанӡа аасҭа еиҵоуп. Ахәшәқәа ақәаҳҭәеит, уи ахәазаргьы ҟалап, аха ана-ара уарлашәарла акәзаргьы дара убоит", - ҳәа еиҭалҳәеит Саӡԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

26
Владислав Габния

Габниа: агәыдкылареи анапеимдареи убаӡом, ауаа рхы рыхьчо иалагеит

3
(ирҿыцуп 16:36 25.10.2020)
Аҟәа араион Баслаҭа ақыҭа ахада Владислав Габниа арадио Sputnik аефир аҿы еиҭеиҳәеит анхацәа аԥкрақәа ишрықәныҟәо атәы.
Раионк аԥсҭазаараҟынтә: Габниа ацәгьеи абзиеи рзы аҿкы чымазара аамҭазы

"Аԥкрақәа шалагалазҵәҟьа адәқьанқәа рҿы аус зуа адырра раҳҭеит, ауаа еилагылартә еиԥш аҭагылзаашьа аԥырымҵарц. Ачарақәа руразы акәзар, амилициа араионтә ҟәша аҟынтә иааны ҳгәы ҳҽанырҵеит, ҳаргьы ауааԥсыра ирылаҳҳәеит, иааиргьы азин ылырхырцаз, ихыргартә еиԥш ирабжьаҳгоит. Анхацәагьы ирықәныҟоит аԥкрақәа, ачымазара иаҳа иацәшәоит, ауаа ак рыхьыр ҳәа иазхәыцуеит. Ацәгьара акәзар, ауаа заа аԥсы анышә дарҭоит, абжьааԥны еиԥш еилагылаӡом. Атәарақәагьы ирҟәаҵит ҳәа иазгәасҭарц сылшоит. Инеит, иаадышшылан ицоит. Агәыдкылареи анапеимдареи убаӡом, ауаа рхы рыхьчо иалагеит", - ҳәа еиҭеиҳәеит Габниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

3
Атемақәа:
Ачымазара ҿкы – акоронавирус Аԥсни адунеи аҿи: иалкаау

Гәниаԥҳа еиҭалҳәеит ахәыҷқәа COVID-19 шырхырго атәы

46
(ирҿыцуп 10:41 25.10.2020)
Ахәыҷтәы ҳақьым Есма Гәниаԥҳа арадио Sputnik аефир аҿы еиҭалҳәеит COVID-19 зманы хылаԥшра зылҭо ахәыҷқәа рҭагылазаашьа зеиԥшроу, насгьы ахәыҷқәа ачымазара еиҳа имарианы ирхыргоит ҳәа иҟоу агәаанагара ахҳәаа азыҟалҵеит.
Гәниаԥҳа еиҭалҳәеит ахәыҷқәа COVID-19 шырхырго атәы

"Сара хылаԥшра зысҭо ахәыҷқәа еиҳарак 6-7 шықәса зхыҵуа роуп. Аҭаацәа ианаамҭоу аҳақьым идҵаалар, ианаамҭоу ахәшәқәа рыдкылара иалагазар, ахәыҷы ичымазара нап адыркылазар, имарианы имҩасуеит. Ахәыҷқәа имарианы ирхыргоит ҳәа иҟоу агәаанагара аԥышәагьы ишьақәнарӷәӷәоит", - ҳәа еиҭалҳәеит Гәниаԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

46
Атемақәа:
Ачымазара ҿкы – акоронавирус Аԥсни адунеи аҿи: иалкаау