Анқәаб: Аҟәа кварталцыԥхьаӡа аӡы амчхара аанкылагақәа ықәгылоуп, аха аус руӡом, иажәуп

13
(ирҿыцуп 20:42 09.10.2020)
Аҟәа ақалақь аҿы аӡазы иҟоу ауадаҩрақәа зыхьҟо атәы арадио Sputnik аефир аҿы еиҭеиҳәеит аҳҭнықалақь "Аӡыканал" анџьныр хада Мераб Анқәаб.
Анқәаб: Аҟәа кварталцыԥхьаӡа аӡы амчхара аанкылагақәа ықәгылоуп, аха аус руӡом, иажәуп

"Џьонуа имҩаду аҿы аӡцарҭатә ӡымҩангагақәа рыԥсахран иҟоуп, аусурақәа мҩаԥысуеит Аинвестпрограмма аҳәаақәа ирҭагӡаны. Аха Лакоба имҩаду аҿы аӡы аанкылара цәгьахеит. Аҵеиџь анырԥсах ашьҭахь аусурақәа шцоз аӡы рыжәлеит, уи ауп ари амчыбжь азы лассы-лассы аӡы зыҟам. Ҳаргьы ари аамҭа ҳхы иархәаны аремонттә усурақәа мҩаԥаагоит. Иахьагьы аӡы аанкылоуп аҟнытә, Гәымсҭа аиҭашьақәыргыларатә усурақәа ҳарҿуп. Аӡцрыҵтә мҩангагақәа ахҭнықалақь аҿы ирацәаны иԥсахтәуп. Ақалақь кварталцыԥхьаӡа иқәгылоуп аӡы амчхара аанызкыло амаругақәа, аха дара аус руӡом, иажәуп, убри иахҟьаны аремонттә усурақәа раан аӡы аанкылатәуп", - ҳәа еиҭеиҳәеит Анқәаб.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

13
Владислав Габния

Габниа: агәыдкылареи анапеимдареи убаӡом, ауаа рхы рыхьчо иалагеит

1
(ирҿыцуп 16:31 25.10.2020)
Аҟәа араион Баслаҭа ақыҭа ахада Владислав Габниа арадио Sputnik аефир аҿы еиҭеиҳәеит анхацәа аԥкрақәа ишрықәныҟо атәы.
Раионк аԥсҭазаараҟынтә: Габниа ацәгьеи абзиеи рзы аҿкы чымазара аамҭазы

"Аԥкрақәа шалагалазҵәҟьа адәқьанқәа рҿы аус зуа адырра раҳҭеит, ауаа еилагылартә еиԥш аҭагылзаашьа аԥырымҵарц. Ачарақәа руразы акәзар, амилициа араионтә ҟәша аҟынтә иааны ҳгәы ҳҽанырҵеит, ҳаргьы ауааԥсыра ирылаҳҳәеит, иааиргьы азин ылырхырцаз, ихыргартә еиԥш ирабжьаҳгоит. Анхацәагьы ирықәныҟоит аԥкрақәа, ачымазара иаҳа иацәшәоит, ауаа ак рыхьыр ҳәа иазхәыцуеит. Ацәгьара акәзар, ауаа заа аԥсы анышә дарҭоит, абжьааԥны еиԥш еилагылаӡом. Атәарақәагьы ирҟәаҵит ҳәа иазгәасҭарц сылшоит. Инеит, иаадышшылан ицоит. Агәыдкылареи анапеимдареи убаӡом, ауаа рхы рыхьчо иалагеит", - ҳәа еиҭеиҳәеит Габниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

1
Атемақәа:
Ачымазара ҿкы – акоронавирус Аԥсни адунеи аҿи: иалкаау

Гәниаԥҳа еиҭалҳәеит ахәыҷқәа COVID-19 шырхырго атәы

44
(ирҿыцуп 10:41 25.10.2020)
Ахәыҷтәы ҳақьым Есма Гәниаԥҳа арадио Sputnik аефир аҿы еиҭалҳәеит COVID-19 зманы хылаԥшра зылҭо ахәыҷқәа рҭагылазаашьа зеиԥшроу, насгьы ахәыҷқәа ачымазара еиҳа имарианы ирхыргоит ҳәа иҟоу агәаанагара ахҳәаа азыҟалҵеит.
Гәниаԥҳа еиҭалҳәеит ахәыҷқәа COVID-19 шырхырго атәы

"Сара хылаԥшра зысҭо ахәыҷқәа еиҳарак 6-7 шықәса зхыҵуа роуп. Аҭаацәа ианаамҭоу аҳақьым идҵаалар, ианаамҭоу ахәшәқәа рыдкылара иалагазар, ахәыҷы ичымазара нап адыркылазар, имарианы имҩасуеит. Ахәыҷқәа имарианы ирхыргоит ҳәа иҟоу агәаанагара аԥышәагьы ишьақәнарӷәӷәоит", - ҳәа еиҭалҳәеит Гәниаԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

44
Атемақәа:
Ачымазара ҿкы – акоронавирус Аԥсни адунеи аҿи: иалкаау