Нора Аджинджал

Џьынџьалԥҳа Аԥсны ахортә капелла азы: иахьеиқәҳархаз сара сзы иҳамҭа дууп

111
(ирҿыцуп 11:25 10.10.2020)
Аԥсны Жәлар рартист, Адыгатәыла аҟазара зҽаԥсазтәыз аусзуҩ, Аԥсны Аҳәынҭқарратә хортә капелла асахьаркыратә напхгаҩы, адирижиор хада Нора Џьынџьалԥҳа лиубилеи мшуп иахьа.

Ааигәа аиубилиар ачымазара ҿкы COVID-19 лхылгеит, иахьазы лхы цәгьамкәа илбоит, аҩны дыҟоуп ҳәа еиҭалҳәеит арадио Sputnik аефир аҟны.

 

Еицырдыруа ахьыӡқәа: Нора Џьынџьалԥҳа

"Уи (аира мшы азгәаҭаразы - аред.) инакәзаалак сазҿлымҳаны ацәыргара хәыҷык сгәы иаҭахым, аха сааԥсара ыҟазар акәхап аҟазараҟны сышәгәалашәаны иахьсыдышәныҳәалаз. Инарҭбааны азгәаҭара ҳәа ус сгәы иҭамызт, ҳара-ҳара ҳаидтәаларын", - лҳәеит Џьынџьалԥҳа.

 

Лара иазгәалҭеит аибашьра ашьҭахьтәи ашықәс уадаҩқәа рнаҩс Аԥсны аҳәынҭқарратә хортә капелла аиқәырхара ахьалыршахаз иҳамҭа дуны ишылԥхьаӡо лыԥсҭазаараҟны.

Шәазыӡырҩы аудио.

Иара убас шәаԥхьар ҟалоит:

111
Владислав Габния

Габниа: агәыдкылареи анапеимдареи убаӡом, ауаа рхы рыхьчо иалагеит

2
(ирҿыцуп 16:36 25.10.2020)
Аҟәа араион Баслаҭа ақыҭа ахада Владислав Габниа арадио Sputnik аефир аҿы еиҭеиҳәеит анхацәа аԥкрақәа ишрықәныҟәо атәы.
Раионк аԥсҭазаараҟынтә: Габниа ацәгьеи абзиеи рзы аҿкы чымазара аамҭазы

"Аԥкрақәа шалагалазҵәҟьа адәқьанқәа рҿы аус зуа адырра раҳҭеит, ауаа еилагылартә еиԥш аҭагылзаашьа аԥырымҵарц. Ачарақәа руразы акәзар, амилициа араионтә ҟәша аҟынтә иааны ҳгәы ҳҽанырҵеит, ҳаргьы ауааԥсыра ирылаҳҳәеит, иааиргьы азин ылырхырцаз, ихыргартә еиԥш ирабжьаҳгоит. Анхацәагьы ирықәныҟоит аԥкрақәа, ачымазара иаҳа иацәшәоит, ауаа ак рыхьыр ҳәа иазхәыцуеит. Ацәгьара акәзар, ауаа заа аԥсы анышә дарҭоит, абжьааԥны еиԥш еилагылаӡом. Атәарақәагьы ирҟәаҵит ҳәа иазгәасҭарц сылшоит. Инеит, иаадышшылан ицоит. Агәыдкылареи анапеимдареи убаӡом, ауаа рхы рыхьчо иалагеит", - ҳәа еиҭеиҳәеит Габниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

2
Атемақәа:
Ачымазара ҿкы – акоронавирус Аԥсни адунеи аҿи: иалкаау

Гәниаԥҳа еиҭалҳәеит ахәыҷқәа COVID-19 шырхырго атәы

44
(ирҿыцуп 10:41 25.10.2020)
Ахәыҷтәы ҳақьым Есма Гәниаԥҳа арадио Sputnik аефир аҿы еиҭалҳәеит COVID-19 зманы хылаԥшра зылҭо ахәыҷқәа рҭагылазаашьа зеиԥшроу, насгьы ахәыҷқәа ачымазара еиҳа имарианы ирхыргоит ҳәа иҟоу агәаанагара ахҳәаа азыҟалҵеит.
Гәниаԥҳа еиҭалҳәеит ахәыҷқәа COVID-19 шырхырго атәы

"Сара хылаԥшра зысҭо ахәыҷқәа еиҳарак 6-7 шықәса зхыҵуа роуп. Аҭаацәа ианаамҭоу аҳақьым идҵаалар, ианаамҭоу ахәшәқәа рыдкылара иалагазар, ахәыҷы ичымазара нап адыркылазар, имарианы имҩасуеит. Ахәыҷқәа имарианы ирхыргоит ҳәа иҟоу агәаанагара аԥышәагьы ишьақәнарӷәӷәоит", - ҳәа еиҭалҳәеит Гәниаԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

44
Атемақәа:
Ачымазара ҿкы – акоронавирус Аԥсни адунеи аҿи: иалкаау