Терентий Чания

Ҷаниа Ашьха Ҟарабах иҟоу аимак азы: Урыстәыла даҽа ԥсыхәак амам, ари азҵаара амӡбыр ада

12
(ирҿыцуп 15:11 12.10.2020)
Апублицист, ашәҟәыҩҩы, аполитикатә хҳәааҟаҵаҩ Терент Ҷаниа арадио Sputnik аефир аҟны игәаанагара иҳәеит Ашьха Ҟарабахтәи аимак азы.

Ашьха Ҟарабах аинырратә цәаҳәаҿы бџьаршьҭыхрала еиҿагылеит цәыббра 27 азы. Бақәеи Еревани дара-дара ахара рыдибаҵеит. Москва имҩаԥысыз аицәажәарақәа рышьҭахь Ермантәылеи Азербаиџьани еиқәшаҳаҭхеит Ашьха Ҟарабах ахымца аанкыларазы. Уи агуманитартә хықәкы амоуп, атҟәацәеи иҭахази Аџьар Ҟаԥшь абжьаҟазарала еиҭнырыԥсахлоит. Иҟоу адыррақәа рыла, ахымца аанкыларазы аиқәшаҳаҭра аилагара аҭыԥ амоуп.

 

Ҷаниа Ашьха Ҟарабахтәи аимак азы: Урыстәыла даҽа ԥсыхәак амам ари азҵаара амӡбыр ада

"Аибашьратә мҩала ари азҵаатәы ӡбашьа амам, политикатә мҩалоуп. Ирыдыркылеит ақәҵара аибашьра аанкылазарц, иҭахаз рыԥсыбаҩқәа агаразы аамҭа рырҭарц. Аха уи ашьҭахьгьы ашәҟәы аилагара иаҿын. Уажәшьҭарнахысгьы аҳәара цәгьоуп ари азҵаатәы иаалырҟьаны иӡбахоит ҳәа, аха Урыстәыла даҽа ԥсыхәак амам, ари азҵаара амӡбыр ада", - иҳәеит Ҷаниа.

 

Ашьха Ҟарабах аимак ахы акит 1988 шықәса жәабранмзазы, Ашьха-Ҟарабахтәи автономтә област Азербаиџьантәи ССР ишалҵуа азы аҳәамҭа аныҟанаҵа ашьҭахь.

1992-1994 шықәсқәа рызтәи аиҿагылара ашьҭахь Азербаиџьан Ашьха Ҟарабах анапы иҵыҵит иаԥныз араионқәа быжьба налаҵаны. 1992 шықәса раахыс ОБСЕ Минсктәи агәыԥ аҳәаақәа ирҭагӡаны аимак ҭынчрыла аилыргаразы аиҿцәажәарақәа мҩаԥысуеит. Азербаиџьан аҵакыратә акзаара атәы иалацәажәоит, Ермантәыла – иазхаҵам ареспублика аинтересқәа ахьчоит.

Инеиҵыху анҵамҭа шәазыӡырҩыр шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

12

Џьергьениа аԥсыӡ ақәырҭ аҟьараан ахылаԥшразы: амлагәыр иацло иалагеит

1
Риҵатәи Амилаҭҭә ареликттә парк аҟны абнахылаԥшҩы хада Ҭенгьыз Џьергьениа арадио Sputnik аефир аҟны еиҭеиҳәеит аԥсыӡқәа ақәырҭ анырҟьо аамҭазы , урҭ реиқәырхаразы аҷаԥшьара шымҩаԥырго.
Џьергьениа аԥсыӡ ақәырҭ аҟьараан Риҵа ахылаԥшразы: амлагәыр иацло иалагеит

Жьҭаара 25 инаркны ԥхынҷкәын 10-нӡа аԥсыӡқәа ақәырҭ аҟьара иалагоит. Ари аамҭазы аԥсыӡкра азин ыҟаӡам.

"Аинспекторцәа, аиҳабацәа зегьы ҳазҿу ҳаԥсабара, ҳаԥсыӡ ахьчара ауп, ҳхәыҷқәа ирбартә еиԥш аус ҳуеит. Акалмаҳи амлагәыри ари аамҭазы ақәырҭ рҟьоит, аԥсыӡкра аанкыланы иҟоуп. Аҷкәынцәа уахынлагьы иҷаԥшьоит. Ҵыԥх амлагәыр ахьыҟоу 26 жрақәа ыҟазҭгьы, сынтәа иҵегьы иацлароуп ҳәа агәаанагара ҳамоуп. Иубаратәы иҟоуп ахылаԥшра амҩаԥгара ашьҭахь аԥсыӡ ишацлаз. Аԥҟарақәа рықәныҟәара иабзоураны ҳӡиасқәа рҟны аԥсыӡ аҽеиҵнахо иалагеит", - иҳәеит Џьергьениа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

1

Гәарамиа акалмаҳааӡарҭа "Кәыдрытәи аӡыхь" акурорттә аамҭазы аусуразы: хар амам

0
(ирҿыцуп 17:01 27.10.2020)
Гәылрыԥшь араион Дранда аҳаблан иҟоу акалмаҳааӡарҭа "Кәыдрытәи аӡыхь" аԥшәма Беслан Гәарамиа арадио Sputnik арубрика "Раионк аԥсҭазаараҟынтә" аҿы еиҭеиҳәеит акурортә аамҭа русура ишаныԥшыз атәы.
Раионк аԥсҭазаараҟынтә: Гәарамиа акалмаҳааӡарҭа "Кәыдрытәи аӡыхь" аусура иазкны

"Нанҳәазы аҳәаа аадмыртызҭгьы ҳусқәа башахон, ҳуал иҳақәыз абжеиҳара ҳшәеит. Асезон кьасаны иалагеит, ҳаилыркаап ҳәа ҳгәыӷуеит зуал ҳақәу. Хар ҳамаӡам, ауаа ыҟан. Иахьа шьҭа хыцҩыцқәак роуп иҟоу. Аишәак аҟны итәо ҟалар алшоит, имааиргьы ауеит. Ԥхынҷкәынмзазы иҟалоит рҳәоит аԥсшьаҩцәа. Сынтәа ҩ-тоннак рҟынӡа аԥсыӡ цеит. Хәбаҟа тонна цозҭгьы иманшәалахон, аха ауаа амчымхара рымоуп, хҩык ԥсыӡк анаархәозгьы ыҟан", - иҳәеит Гәарамиа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

 

0