Шәлымба атранспорт аҟны аԥкрақәа рзы: асабрада ныҟәыргалароуп зегьы

12
Аҟәатәи автотранспорттә наплакы аиҳабы Леонид Шәлымба арадио Sputnik аефир аҟны еиҭеиҳәеит аԥҟара ҿыцқәа инарықәыршәаны апассаџьырцәа рныҟәгара шеиҿкаау.

Аҟәа ақалақь ахада иқәҵарала жьҭаара акы инаркны аҳҭнықалақь аҟны апассаџьырцәа рныҟәгаразы ауаажәларратә транспорт аҿы аамҭалатәи аԥҟарақәа шьақәыргылан. Убасгьы ахаша имҩаԥгаз аилацәажәараҟны иазгәаҭан атранспорт иҭало зегьы асабрадақәа ныҟәаргалароуп ҳәа.

Шәлымба атранспорт аҟны аԥкрақәа рзы: асабрада ныҟәыргалароуп зегьы

"Раԥхьа иргыланы ауаа ргәабзиара ҳазхәыцуазароуп. Амашьынарныҟәцаҩцәа ршоура шьыжьи-хәылбыҽхеи игәаҳҭоит иахьынӡаҳалшо. Иахьатәи амш азы 15–ҩык рҟынӡа ахыԥхьакрахь иҳашьҭит зшоура шьҭыҵыз, аҭахҳәга ҟаҳҵеит ранализ ргарц", - иҳәеит Шәлымба.

Иара иазгәеиҭеит аԥҟара ишаҳәо ала ауаа рмаҷны рныҟәгаразы ауадаҩрақәа шыҟоу, дырзааҭгылеит урҭ зыдҳәалоу.

"Иахьазы хәҩык-жәаҩык рныҟәгаразы акәӡам иаҳа уадаҩрас иҟоу. Проблемас иҟоу иныҟәгатәу ауаа маҷӡам, ртәара узышьақәыргылом. Аиҿцәажәара ыҟан аҳҭнықалақь ахада иҟны амаҵзурақәа зегьы злахәыз, ишьҭыхын азҵаара амедицинатә сабрадақәа рхаҵаны ауаа риагара ахьынӡашәарҭоу ҳәа. Асабрада ануҿоу ишәарҭаӡам ҳәа ишьақәыргылоуп, убри аҟынтәи иахьынӡауа зегьы амедицинатә сабрадақәа ныҟәыргалар атранспорт аҟны, уадаҩра ҟалом ҳәоуп ишеилыскааз", - иҳәеит Шәлымба.

Шәазыӡырҩы аудио.

Иара убас шәаԥхьар ҟалоит:

12
Атемақәа:
Ачымазара ҿкы – акоронавирус Аԥсни адунеи аҿи: иалкаау (815)

Гоԥиа: аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп

10
(ирҿыцуп 15:42 29.10.2020)
Аныҟәарақәа рымҩаԥгаҩ Денис Гоԥиа арадио Sputnik аефир аҿы иҳәеит аԥсшьаҩцәа рзы ҿыц еиҿыркаауа атурқәа зхылҿиаауа атуристцәа рҭахрақәа шракәу.
Гоԥиа: аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп

"Амандарин аҿалара ианалагалак Урыстәылантә арахь ирацәаҩны аԥсшьаҩцәа аауеит. Иҟоуп атурфирмақәа Аԥсны "амандаринтә тур" ҳәа иахьырбо. Ҳара заа амандаринатә баҳчақәа змоу ҳрацәажәоит аԥсшьаҩцәа ҳаманы ҳашнеиуа ала. Аԥсшьаҩцәа рнапала амандарин ҿырхуеит, агьама рбоит, абаҳчаҿы афотоҭыхымҭақәа ҟарҵоит. Анаҩс урҭ асоциалтә даҟьақәа рҿы иӡырыргоит, уи акыр иацхраауеит Аԥсны аӡбахә аларҵәаразы. Уи збо ҳтәылахь аара иҭаххоит. "Амандаринатә тур" адагьы иҟоуп аџьырмыкьахь игоу аныҟәарақәагьы, ҳмилаҭтә чысқәа: аџьынџьыхәа, алаҳарҩа, аҵәарҩа, ахьырҭиуа аҭыԥқәа рҿы инеиуеит, ирзеиҭаҳҳәоит уи заку. Аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп", - ҳәа еиҭеиҳәеит Гоԥиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

10

Ашәԥҳа Франциа COVID-19 аҿагыларазы аԥкрақәа реилагаразы: ахараԥса ду иааннакылоит

4
(ирҿыцуп 10:53 29.10.2020)
Франциа инхо ҳџьынџьуаҩ Алина Ашәԥҳа арадио Sputnik Аԥсны аефир аҿы еиҭалҳәеит атәылаҿы акоронавирус азы иҟоу аҭагылазаашьеи иаԥҵоу аԥкрақәа аус шыруеи ртәы.
Ашәԥҳа Франциа COVID-19 иахҟьаны аԥкрақәа реилагаразы: ахараԥса ҳаракы иааннакылоит

"Ачымазара ҿкы аҩбатәи ацәқәырԥа аларҵәаразы Франциа уажәы Европа атәылақәа зегьы рҟынтә актәи аҭыԥ аанакылоит. Атәыла аиҳабыра аԥкрақәа даара ахшыҩзцара арҭоит, аха уажәы хәажәкырамзазы мшаԥымзазы иҟаз аԥкрақәа реиԥш иӷәӷәаны иҟоуп ҳәа сызҳәом. Ҳахьындәылҵуа зегьынџьара асабрадақәа ҳхазароуп, асааҭ 21 инаркны ашьыжь 6-нӡа аҩны адәылҵра азин ыҟаӡам. Уахынла аус руӡом ақьафурҭақәеи акрыфырҭақәеи. Афранцызцәа ахақәиҭра даара бзиа ирбоит, аԥҟарақәа рықәныҟәарагьы рцәыуадаҩуп, аха иахьатәи аамҭаз еилыркааит адисциплина шаҭаху, уи иагьықәныҟәоит.  Иқәымныҟәо, амҩан иааныркыло раԥхьа ирацәажәоит, ирабжьаргоит ачымазара аҟынтә рхы хылаԥшра арҭар шахәҭоу. Аҩынтә раан ахараԥса рықәырҵоит, 135 евро ршәоит, анаҩс мчыбжьык ашьҭахь еиҭа дааныркылар, ишәоит 1000 евро еиҳаны. Ахараԥса ду иааннакылоит". – ҳәа еиҭалҳәеит Ашәԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

4

Аԥснынтәи Урыстәылаҟа иргоз аконтрабанда аанкылоуп

2
(ирҿыцуп 16:55 29.10.2020)
Краснодартәи аҳазалхратә маҵзура Шәача ақалақь аҿтәи апресс-маҵзура адырра ҟанаҵахьан аурыс-аԥсуа ҳәааҿы аҭаҭын аалыҵ изакәанымкәа ахыгаразы азинеилагарақәа рхыԥхьаӡара иазҳаит ҳәа.

АҞӘА, жьҭаара 29 - Sputnik. Аушьҭырҭатә ҭыԥ "Адлер" аҿы Урыстәыла АШәМ Краснодартәи атәылаҿацә аҿтәи амаҵзура аусзуҩцәеи аҳазалхыҩцәеи иааныркылеит аҭаҭын аалыҵ аконтрабанда. Абри атәы аанацҳауеит Шәачатәи аҳазалхырҭа апресс-маҵзура.

Аидаратә транспорттә хархәага иҭаҵәахны аԥсуа-аурыс ҳәаа аҭаҭын аалыҵ ахыгара аԥырҟәҟәаан Урыстәыла Афедералтә Шәарҭадаратә Маҵзура Краснодартәи атәылаҿацә аҿтәи амаҵзура аусзуҩцәеи аҳазалхыҩцәеи русеицурала ҳәа азгәаҭоуп аҳәамҭаҿы.

Аԥснынтәи Урыстәылаҟа амҩа иқәыз аидарамҩангагатә автотранспорт агәаҭараан иаарԥшын иҭаҵәахыз аҭаҭын аалыҵ 2560 ҭоԥ (25600 пачка).

Аконтрабандатә аалыҵ изгоз имхуп, аекспертизахь инашьҭуп. Уи алкаақәа инарықәыршәаны ишьақәыргылахоит аалыҵ аџьармыкьатә хәыԥса. Аусҭҵааратә уснагӡатәқәа мҩаԥысуеит.

Уаанӡа Шәача аҳазалхратә маҵзура адырра ҟанаҵахьан аурыс-аԥсуа ҳәааҿы аҭаҭын аалыҵ изакәанымкәа ахыгаразы азинеилагарақәа рхыԥхьаӡара иазҳаит ҳәа.

Краснодартәи атәылаҿацә Шәача ақалақь аҳазалхырҭа иазгәанаҭоит еиҳа иҿыцу атехникатә ҭаԥшыхәгақәа ахархәара шрырҭо урыстәылатәи аџьармыкьахь асигарет маӡала алагалара аԥырҟәҟәааразы.

2