Ҳазлацәажәаша ҳамоуп: Агрԥҳа ВГИК афестиваль аҿы иланашьаз агран-при иазкны

154
(ирҿыцуп 15:25 02.11.2020)
Арежиссиор қәыԥш Атана Агрԥҳа жьҭаара 30 рзы зметр кьаҿу лфильм "Сара ак уасҳәарц сҭахуп" азы иланашьахеит гран-при 40-тәи ВГИК астуденттә фестиваль аҿы. Арадио Sputnik аефир аҿы Аҭана Агрԥҳа еиҭалҳәеит афильм зызкуи, насгьы лиааира лара лзы ҵакыс иамоуи ртәы.
Ҳазлацәажәаша ҳамоуп: Агрԥҳа ВГИК афестиваль аҿы агран-при агара иазкны

ВГИК жәларбжьаратәи астудентә фестиваль Урыстәылатәи аетап аҿы агран-при ланашьахеит Аԥснынтәи арежиссиор Аҭана Агрԥха. Афильм алкаахеит иара убас ахаҵа ироль иреиӷьу анагӡаразы аҳамҭалагьы.

"…Сгәы иҭоуп ԥхьаҟа аибашьраан ибжьаӡыз абиԥара ззырҳәо иаҳа инарҭбааны, зметр дуу афильм аҿы иаасырԥшырц, сгәы иаанагоит ари есымша иактуалтәу темоуп ҳәа. Насгьы аибашьра атема сзааигәоуп. Сфильм агран-при аиуеит ҳәа сазыԥшӡамызт, ирацәан иҟаз афильмқәа насгьы иактуалыз атемақәа аазырԥшуаз. Сгәы иаанагоит, уажәы Ашьха Ҟарабах имҩаԥысуа ахҭысқәа анырра анаҭеит сфильм алкаараҿы, атема иаҳа ргәаҿы инеит ҳәа сазхәыцуеит. Ари афильм зегьы еилыркаартә иҟоуп, иара иаҳа автортә кино ахь иадыскылоит. Сусумҭа Москва акинотеатр аҿы иахьыддырбаз еиҳау хҭысуп са сзы, ԥхьаҟа афильм иснаҭоит идуу аметр ахь анагара", - ҳәа еиҭалҳәеит Агрԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

154

Миқаа Гал аус зуа агәрагаратә кәалаԥқәа рзы: иарбанзаалак қьаадк иамыԥхьаӡакәа иаанымхацт

11
Гал араион ахадара апресс-маҵзура аиҳабы Ерик Миқаа арадио Sputnik аефир аҿы еиҭеиҳәеит ақалақь аҩныҵҟа иқәшыргылоу агәрагаратә кәалаԥқәа аус шыруа атәы.
Раионк аԥсҭазаараҟынтә: Миқаа Гал иҟоу агәрагаратә кәалаԥқәа рзы

"Хымз раԥхьа Кәасҭа Ԥлиеи уи ихаҭыԥуаҩ Игорь Аҩӡбеи ражәалагалала ақалақь аҿы иқәыргылан акәалаԥқәа. Аилибамкаара ҟамларцаз, ажәла мҳәакәа, ахьӡ азгәамҭакәа, акәалаԥқәа кнаҳҳаит аџьармыкьа уахьынҭало, Гал араион ахадара аҩналарҭа аԥхьа. Аинформациатә дырраҭарақәа рыла ажәлар ирылаҳҳәоит агәрагаратә кәалаԥқәа шыҟоу, дарбанзаалакгьы џьара ажәалагалак змоу, араион аҿы иҳахәаша, ма дара иргәамԥхо, ргәы еихьызшьуа акыр ыҟазар, ражәалагала азыӡырҩра, ҳшазыхиоу. Мчыбжьык ахь знык араион ахадеи сареи ҳцаны ақьаадқәа ҭганы иааҳгоит, Кәасҭа Ԥлиа даԥхьоит, анаҩс доусы инаигӡаша аусмҩаԥгатәқәа риҭоит. Иарбанзаалакгьы қьаадк аанымхацт иамыԥхьаӡакәа. Акәалаԥқәа русура иабзоураны галтәи аџьармыкьа аусқәа ҳаӡбахьеит. Амҩақәа рыҟаҵара, абаҳчақәа рҿы атәарҭақәа ахьыргылатәу уҳәа иҟаҳҵахьо маҷым. Иҳәатәуп, ари аус адгылара шаиуз ауааԥсыра рҟынтә, даара ибзиан аус ауеит аимадара", - ҳәа еиҭеиҳәеит Миқаа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

11

Џьынџьал аӡынра аӡҭаларазы: исгәазырԥхаз сыздырӡом

11
Шәарах Ԥачалиа ихьӡ зху Тҟәарчалтәи акомедиатә театр актиор Нур Џьынџьал арадио Sputnik аефир аҿы еиҭеиҳәеит аӡынразы аӡҭалара дшалагаз, насгьы уи есыҽнытәи иԥсҭазаара иахәҭакны ишыҟалаз.
Ҳазлацәажәаша ҳамоуп: Џьынџьал аӡынразы аӡҭалара иазкны

"Хәбаҟа шықәса ҵуеит аӡыршы закәу сымбеижьҭеи. Аӡӡаахра амш аҽны урыстәылатәи ателехәаԥшра санахәаԥшуа, аҵаа ҭаԥҽны ауаа аӡы ианҭало саргьы убра срыландаз аасгәахәуеит. Аӡынра аҩнаҭаҿы арԥхагақәа аҿаскӡом. Аӡиасқәа сырҭалоит, сҽыскәабоит. Раԥхьаӡа акәны 17 шықәса ракәын исхыҵуаз Тҟәарчал аӡыхьшәашәа саҵагылан аӡын сҽаныскәаба, иара исгәазырԥхазгьы сыздырӡом", - ҳәа еиҭеиҳәеит Џьынџьал.

Актиор иҳәеит дааизар, макьана ахәышәтәырҭахь дышнанамгац, еиҭеиҳәеит аӡыхьшәашәа изацу абзиабара иахылҿиааз алафқәа ртәы.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

11