Ҭаркьылԥҳа еиҭалҳәеит апандемиа аамҭаз аҵаратә процесс ацҵаразы иҟоу аҭагылазаашьақәа ртәы

32
Апандемиа аамҭаз аҵаратә процесс ацҵаразы иҟоу аҭагылазаашьақәа ртәы арадио Sputnik аефир аҿы дазааҭгылеит Аҟәа ахадара аҵара аусбарҭа аиҳабы Асҭанда Ҭаркьылԥҳа.
Апандемиа аамҭаз аҵаратә процесс ацҵаразы иҟоу аҭагылазаашьақәа ртәы

"Апандемиа аамҭазы аҵаратә процесс аиҿкаараҿы зҵаара хаданы иқәгылан зегьы еицырзеиԥшны мҩак азалхра. Аметодеидкыла анапхгаҩцәа, ашколқәа реиҳабацәа зегьы лкаас иҟарҵаз ала иаҳҳәарц алшоит: аҳҭнықалақь аҵараҟәша аусбарҭа иаҵанакуа ашколқәа 14, иара убас ацхыраагӡатә уҳәа зегьы иааилаҵаны иҳамоуп 8638 ҵаҩцәа, урҭ зегьы ашколқәа рҿы инаганы аҵара дырҵаразы алшара ыҟоума ҳәа азҵаара анықәыргылаха, иаҳнарбаз уи ауп, иҟоуп ашколқәа аҵаҩцәа рхыԥхьаӡара ахьмаҷу. Уаҟа иалшоит ҩымшԥҵәак арежимала инеивга-ааивго аҵара процесс ашьақәыргылара. Урҭ ашколқәа рзы, уи арежим алкаахеит", - ҳәа еиҭалҳәеит Ҭаркьылԥҳа.

Ажәахатәи ашкол аусура арежим аԥсахра зынӡак иаҭахӡам, уаҟа аҵаҩцәа рхыԥхьаӡара ахьмаҷу азы, ҳәа азгәалҭеит Ҭаркьылԥҳа.

"Арежим аԥсахра азҵаара ахьықәыргылахаз аҵаҩцәа рхыԥхьаӡара ахьырацәоу ауп. Аҵара апроцесс арманшәаларазы ииагазааит ҳәа азҵаара ықәҳаргылоит хымш-хымштәи арежим ахь. Ашәахьа, аҩаша, ахаша, аҵара рҵалоит 5 -11-тәи аклассқәа. Аԥшьаша, ахәаша, асабша - 1 инаркны 4-нӡа аклассқәа. Класск аҿы 20-ҩык инареиҳаны иҟазар, ишахоит ҩ-гәыԥкны. Урҭ ҩымшԥҵәак рыла аҵара рҵо иҟалоит. Хымш аҵаҩцәа ашкол ахь инымааиуа, ишалшо ала арҵаҩцәеи дареи еимадахоит. Иагхои, адҵақәа ззеилымкаауа рзыи, онлаинла арҵаҩцәа дареи реиқәшара ҩымшны иацаҳҵоит. Мызкы иамазар 304-сааҭк аҵара процесс азы, 200 сааҭ арҵаҩы ашкол аҿы дыҟоуп, 104 сааҭк аҩны иара ихала аурокқәа ҟаиҵалоит. Абас ишьақәҳаргылаз аплан наҳашьҭит аҵара аминистррахь. Макьана еилкаам ари арежим ала аус ҳауло мамзаргьы мап. Ианақәшаҳаҭха аамҭазы арҵаҩцәа ари аус еиҭа нап адыркылоит, анаҩс ашколқәа анаартх,  абасала аусура ҳалагоит", - ҳәа еиҭалҳәеит Ҭаркьылԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

32

Хра злоу ахҭысқәа: Қәҭелиа аҵаратә процесс ахыркәшареи аԥышәарақәеи ирызкны

8
(ирҿыцуп 14:38 06.05.2021)
Ашколқәа рҿы ачымазара ҿказы аҭагылазаашьа зеиԥшроу, аҵарашықәс анхыркәшахо уҳәа ртәы арадио Sputnik аефир аҿы еиҭеиҳәеит аҵареи абызшәатә политикеи рзы аминистрра ауаажәларра рымадаразы аҟәша аиҳабы Аслан Қәҭелиа.
Хра злоу ахҭысқәа: Қәҭелиа аҵаратә процесс ахыркәшамҭеи аԥышәарақәеи ирызкны

"Ачымазара макьана мҽхакы ҭбаала ашколқәа рҿы иҟоуп ҳәа ҳазҳәаӡом. Уи иналк-аалакны ауп ишаарԥшу, аиҳарак аҳҭнықалақь аҟны, Гагра араион, Очамчырагьы уахь иналаҵаны, егьырҭ рҿгьы иҟоуп, аха имаҷуп. Иахьазы аԥкрақәа ралагара ҳгәы иҭаӡам. Аилацәажәарақәа мҩаԥысуеит аминистрраҿы аҭагылазаашьа бааԥсхар иҟаҵатәхо ҳәа. Рашәарамза 25-нӡа аҵаратә процесс аамҭа иазыԥҵәаны ишыҟоу имҩаԥыслоит", - ҳәа еиҭеиҳәеит Қәҭелиа.

Аминистрра ауаажәларра рымадаразы аҟәша аиҳабы иҳәеит избан ашколқәа зегьы рҿы аҵаратә процесс еиԥшны изымҩаԥымсуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

8
Руслан Хашиг

Ҳашыг Семион Адлеиба изы: Аԥсуа радио иазынижьыз анҵамҭақәа ҭынха дуны исыԥхьаӡоит

5
Иахьа аҵыхәтәантәи имҩахь днаскьаргоит аԥсуа радиожурналист Семион Адлеиба. Иколлега арадио Sputnik аефир аҿы дигәалаиршәеит Аԥсны Ажурналистцәа реидгыла ахантәаҩы, ателеканал "Абаза-ТВ" аиҳабы Руслан Ҳашыг.
Аԥсны еицырдыруа ахьыӡқәа: Ҳашыг Семион Адлеиба изкны

"Иара зегь реиҳа игәҭыхақәа иреиҳан, шьыжьы, ирепортиор аашьҭыхны, ахҭыс дуқәа ахьеилашуаз аҿы днеины аусура аиҿкаара, зыԥсы ҭоу аиҿцәажәара анҵара. Уи иара изы иреиҳау хықәкын. Насыԥ змаз журналистын ҳәа исыԥхьаӡоит, избанзар уи ихықәкы ҽнакгьы дацәхьаҵны дҟамлацызт, ҽнакгьы ипринципқәа еилеимгеит. Иара аиаша шибоз, аԥсҭазаара шибоз, даҽа цыфак ацҵаны, жәа ԥшӡак ацҵаны зныкгьы имҳәеит. Ажәлар рыԥсҭазааратә иашара аиҭаҳәара азы аибашьра дазхиан", - ҳәа азгәеиҭеит Ҳашыг.

Семион Адлеиба - Аԥсны зҽаԥсазтәыз ажурналист, аорден "Ахьӡ-аԥша" III аҩаӡара акавалер, "Агәымшәараз" амедал занашьоу. Аԥсуа радио аҿы репортиорс аус иухьан 50 шықәса инареиҳаны.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

5

Аиааира Ду амш: Аԥсны ақалақьқәа рҿы Лаҵарамза 9 ишаԥыло

3
(ирҿыцуп 17:13 06.05.2021)
Аџьынџьтәылатә еибашьра Ду аҟны Аиааира амш есышықәса иазгәарҭоит Аԥсны араионқәеи ақалақьқәеи рҿы. Аныҳәатә уснагӡатәқәа рсиа Sputnik афишаҟны.

Sputnik

Аҟәа

Аныҳәатә ҽазыҟаҵарақәа Аҟәа ирылагеит лаҵара 3 рзы. Абри амш аҽны имҩаԥысит Аԥсны аҳәынҭқарратә камертә оркестри Москва аҳәынҭқарратә капеллеи рконцерт.

Аибашьра аветеранцәа алархәны афотоцәыргақәҵа "Аиааира ахаҿқәа. Ҳара ҳгәалашәареи ҳгәадуреи" Иван Папасқьыр ихьӡ зху Амилаҭтә библиотекаҿы лаҵара 5 рзы иаадыртит.

Лаҵара 6 рзы аҟәатәи ашколхәыҷқәа рзы аибашьра иазку акиносахьақәа дырбара мҩаԥысуан.

Лаҵара 9 рзы, Аиааира амш аҽны, Аҟәа Диоскураа рыԥшаҳәаҿы Идырым асолдаҭ ибаҟа аҿаԥхьа ашәҭшьыҵәрақәа рышьҭаҵара ацеремониеи амитинги аадыртуеит асааҭ 10:00 рзы. Асааҭ 11:00 рзы Аԥсни Урыстәылеи рыруаа рымҩасра еиҿкаахоит. Асааҭ 9:00 рзы итрадициахаз "Ԥсра зқәым архәҭа" ақалақь агәы иалсуеит. Асааҭ 14:00 рзы маланыҟәала аицлабра "Сабду, аиааираз иҭабуп" акциа мҩаԥгахоит. Амш ахи-аҵыхәеи ақалақь иалыҩуеит аибашьра аамҭазтәи ашәақәа, амузыка.

Гагра

Гагра аныҳәатә уснагӡатәқәа аадыртуеит Идырым асолдаҭ ибаҟа аҿаԥхьа ашәҭқәа рышьҭаҵара ацеремониала асааҭ 10:00 рзы. Нас имҩаԥысуеит акәашаратә ансамбльқәа рконцерт. Аветеранцәа аҳамҭақәа рыҭахоит.

Гәдоуҭа

Асааҭ 10:00 рзы В.И. Ленин ихьӡ зху апарк аҿы игылоу Идырым асолдаҭ ибаҟа амҵан ашәҭқәа шьҭарҵоит. Асааҭ 11:00 рзы Дәрыԥшь ақыҭан имҩаԥгахоит аҽырыҩрақәа.

Гәылрыԥшь

Гәылрыԥшь араион аҿы Аиааира амш азгәаҭара хацыркхоит Идырым асолдаҭ ибаҟа аҿаԥхьа ашәҭшьыҵәрақәа рышьҭаҵарала. Асааҭ 12:00 рзы Смецкои ихьӡ зху асанатори аҿы имҩаԥгахоит аконцерт. Гәылрыԥшь ауааԥсыра ирылшоит маланыҟәала аицлабра "Сабду, аиааираз иҭабуп" акциа иалахәхар. Лаҵара 9 ауха аныҳәатә салиут халарҵоит, ашәҭргьагьақәа амшынӡ ихырҵоит.

Очамчыра

Очамчыра араион аҿы аныҳәатә уснагӡатәқәа Кәтол ақыҭан аҽырыҩра амҩаԥгарала ихацыркхеит. Лаҵара 9 рзы Очамчыра, Идырым асолдаҭ ибаҟахьы инеиуеит араион ауааԥсыра. Асааҭ 11:00 рзы имҩаԥгахоит аконцерт.

Тҟәарчал

Тҟәарчал аныҳәа аадыртуеит асааҭ 12:00 рзы 1941-1945 шықәсқәа раан иҭахаз асолдаҭцәа рбаҟахьы анеирала. Анаҩс Акультура ахан аҿы имҩаԥысуеит аконцерт.

Гал

Гал ашҭа хадаҿы арратә музыка арҳәарала ауснагӡатәқәа ирылагоит. Имҩаԥгахоит ахәыҷқәа рыхәмаррақәа, асахьаҭыхратә цәыргақәҵа, акаҭран аҿы асахьа аҭыхра, имҩаԥгахоит "Ԥсра зқәым архәҭа" акциа, амитинг. Асааҭ 12:30 рзы галаа урыстәылатәи аҳәаахьчаҩцәа злахәу ауснагӡатәқәа рыдгалахоит.

Иара убас шәаԥхьар ҟалоит:

3