Агрԥҳа Аԥсуа телехәаԥшра аусуразы: атехника аганахьала - цәҳәыроуп

65
(ирҿыцуп 11:59 06.11.2020)
Аԥсуа телехәаԥшра иахьатәи аԥсҭазаашьа атәы арадио Sputnik аефир аҿы еиҭалҳәеит уи ахантәаҩы Ирина Агрԥҳа. Абҵара 6, 1978 шықәсазы раԥхьаӡа акәны аефир ахь ицәырҵит Аԥсуа телехәаԥшра.
Хра злоу ахҭысқәа: Агрԥҳа Аԥсуа телехәаԥшра аусура иазкны

"Ҳусура, раԥхьа иргыланы - аусуратә леишәа ала ҳалагеит. Уи шьоукы аусура иамхуа, шьоукы иаҭо, шьоукы ҳрыцәхасуа акәым, зхатә гәаԥхарала аӡәык- ҩыџьак мцазар, аӡәгьы иусура дамҳамхит. Иаҳгәамԥхо аусураҿы ишырацәоугьы, иахьынӡауа еиқәурхартә иҟоу адырраҭарақәа, уаанӡа иҟаз, акык-ҩбак рҿыцны, ацхыраара рыҭаны, арежиссиор аредакторцәа адгаланы аефир ахь иҳашьҭуеит. Автор ихала илшаӡом адырраҭара аиқәыршәара, иара идырра, игьама азхоит ҳәа игәы ианаагозаргьы. Адырраҭарақәа зегьы рҿы ҿыц идәықәаҳҵаз апроектқәагьы рҟны арежиссиор ироль ихадоума уҳәо иҟаҳҵеит. Уи акы. Ҩба – аоператорцәа бзиа злаҳамоу ала, иԥшӡаны асахьа аҟаҵара ахәаԥшҩы изы кыр шаҵанакуа дырны, апроект ҿыцқәа рҿы русура ргәацԥыҳәаны иаҿуп. Авторцәагьы иаҳа авизуалтә сахьа азҿлымҳара арҭо иалагеит, уи хәыҷык саршәеит, избанзар, адырраҭара аинформациа аганахьала, аҵакы аганахьала, иагәылагылоу даара ирацәазароуп. Сахьа мацарала ахәаԥшҩы игәы узкӡом. Убри аҟнытә абаланс проблеманы иҟоуп, аха уи уадаҩра дук змоу проблемам, арҿиара иатәуп", - еиҭалҳәеит Агрԥҳа.

Ателерадиоеилахәыра ахантәаҩы лажәақәа рыла, иҟоуп арҿиаратә гәыԥ ателехәаԥшра ахаҭабзиара ашьҭыхра зылшо, аха техника аганахьала -цәҳәыроуп, ҳәа азгәалҭеит.

Ирина Агрԥҳа илҳәеит, ԥшь-машьынак рҟынтә мышкы х-машьынак шыбжьысыз, уи иахырҟьаны аиԥҟьарақәа рацәаны ироуит аусзуҩцәа. Ари азҵаара аганахьала дара ҳҭагылазаашьа уадаҩуп, ҳәа азгәалҭеит лара.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

65

Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

4
Аҳақьым - атерапевт Оксана Лакербаиа арадио Sputnik аефир аҟны еиҭалҳәеит COVID-19 зхызгаз даҽа чмазарак рзыннажьуа ма иаргәамҵуа иҟоу иҟаму атәы.
Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

"Сара сыпрактиҟаны аковид чмазара зхызгаз, уи ада даҽа чмазарак рзыннажьыртә еиԥш сԥыхьамшәацт. Егьыс дара ирымаз ачымазарақәа ихьанҭаны ицоит. Атест анҳаулак аковид-чмазара рымамҳәа ргәы ҳахылаԥшуеит, ршьақәыӷәӷәара ҳацклаԥшуеит, рыхәшәқәа иржәуа ҳарҽеиуеит, ашьақар чмазара змоу гәаҳҭоит. Зықәрахь инеихьоу еиҳарак даҽа уадаҩрак роуеит антибиотикқәа рышьҭахь ркьатеиқәа русураҟны. Убри аҟынтәи абактериақәа- апробиотикқәеи апребиотикқәеи рзацаҳҵоит рыхәшәтәраҟны. Ианаамҭоу ахәшәқәа рзылыҩҩааны ажәра иалагар, ахәшәтәра бзианы ицоит", - лҳәеит Лакербаиа.

Лара иазгәалҭеит хәышәҩык инареиҳаны ҭелла абжьгарақәа шрылҭоз аҽыхәшәтәразы COVID-19 аҟынтәи.

"Уи даара ицәгьоуп, хыџьара аус зуеит, ҩыџьара есҽны ашьыжь инаркны шьыбжьонынӡа, анаҩс аполиклиника аҟны аус зуеит. Ҭелла исзасуа аҭак ансызрымҭалак, аҩны саннеиуа сырзасуеит", - лҳәеит Лакербаиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Чачхалиа афымцалараша арцәараан "Ачабаба" аусуразы: ас ицалар, ҳусқәа цәгьахоит

18
(ирҿыцуп 16:52 24.11.2020)
Гәылрыԥшь араион Дранда иҟоу ачаӡырҭа "Ачабаба" аиҳабы ихаҭыԥуаҩ Кьасоу Чачхалиа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит афымцалашара сааҭ-сааҭла арцәараан русура шеиҿкаауа атәы.
Раионк аԥстазаараҟынтш: Чачхалиа афымцалараша арцәарақәа раан ачаӡырҭа аусура атәы

"Иахьа ҳтехника зегьы убас еибаркуп лашарада ача ҳзыӡуам, ҳҭагылазаашьа уадаҩуп уи ада. Адизель акәзар абылтәы рацәаны иафоит, иаҳбылуеит 250 литра рҟынӡа мышкы. Ажәлар ача рҭахуп, уи ахә ҳара иаҳзацҵаӡом, избанзар азакәан ҳақәныҟәоит, ус еиԥш азин ҳамаӡам. Ауаа ача рыгҳажьуам, иҟоу ауадаҩра аиҳабыра ирыӡбозар акәхап, избанзар ас ицалар, ҳусқәа цәгьахоит", - иҳәеит Чачхалиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

18

Абҵарамза 25 рзы Аҟәа ахәҭак ӡыда иаанхоит

3
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

3