Арӡынба иҳәеит акоронавирус аҿагыларазы Ҭырқәтәылантәи Аԥсныҟа иаарышьҭуа ацхыраара атәы

416
Аԥсны COVID-19 аҿагыларазы Ҭырқәтәылатәи аԥсуа диаспора иҟанаҵаз ацхыраара атәы арадио Sputnik аефир аҿы еиҭеиҳәеит Жәлар Реизара адепутат Таифун Арӡынба.
Арӡынба: Ҭырқәтәыла иҟоу ҳашьцәа рыцхыраарала COVID-19 ахәшәтәраҿы иҳагу аԥшаара ҳаҿуп

"Иаҳзымԥшаауа, иҳагу акы аҟызар, Ҭырқәтәыла иҟоу ҳашьцәа рыла ацхыраара аҟаҵара ҳаҿуп. Ҳусура зыгьы ззырхоу COVID иаҿагылан ақәԥароуп. Ҭырқәтәыла иҟоуп аԥсуа дернеқьқәа рхадацәа Аҭанур Аҟәысба раԥхьа днаргыланы, Аԥсны агәабзиарахьчара иаҭахыз ахәшәқәа маҷымкәа инарышьҭит. Иааидкыланы, иҟаҵоу ацхыраара зегьы 300 нызықь доллар рҟынӡа иартәоит", - иҳәеит Арӡынба.

Аԥсны Жәлар Реизара адепутат, иара убас иазгәеиҭеит дарбанзаалакгьы дахьыҟазаалакгьы ачымазара иҽацәыихьчар шаку.

"Ачымазара еилых ҟанаҵаӡом. Ҭырқәтәылагьы зықьҩыла ауаа аԥсра иаҿуп. Ара аԥсуа қыҭак аԥсраҿы дыҟан ичмазаҩыз. Иара ишьҭахь анаҩс еиҭа 40-ҩык аԥсуаа чмазыҩхеит. Ачымазара излалшо ала аҽацәыхьчара аҭахуп. Асабрадақәа ҳхаҳамҵар ҟалаӡом. Сара сахьынхо ақалақь аҿы жәамиллионк ауаа нхоит, зегьы асабрадақәа рхоуп. Ауаҩы ихы дацәымшәозаргьы, ма иааигәа иҟоу дрызхәыцроуп", - иҳәеит Арӡынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

416
Атемақәа:
Ачымазара ҿкы – акоронавирус Аԥсни адунеи аҿи: иалкаау (871)

Џьапуаԥҳа ашколқәа рганахьала аԥкрақәа рыцҵаразы: аҵарадырра, уи агәыбзиара аус иаҩызоуп

10
Аҟәатәи ахәбатәи абжьаратә школ аҟны ааӡаратә ус аиҿкааҩ, афизика арҵаҩы Иа Џьапуаԥҳа арадио Sputnik аефир аҿы ашколқәа рганахьала ирыцҵоу аԥкрақәа рзы лгәаанагара атәы лҳәеит.
Џьапуаԥҳа аҵаратә процесс аԥкрақәа рыцҵаразы: зынӡаск ҵарада гәыбзиара уск иаҩызоуп

Аԥсны акоронавирус аламырҵәаразы аԥкра ҿыцқәа ирыцҵоуп ажьырныҳәа 12-нӡа. Аусдҵа ҿыц инақәыршәаны ареспубликаҿы азин ыҟам ашколқәраҟынӡатәии азеиԥшҵаратәи еиҿкаарақәа русура урҭ реиҿкаара-зинтә формеи рхатәтәратә формеи ирыхьмырԥшыкәа.

"Аиашазы, ашкол ахь ҳцоит ҳәа агәаанагара ҳаман. Ахәыҷы ҿыц ашкол ахь данцо еиԥш ҳгәы ҳыҭхыҭуа ҳазыԥшын, аха алаҳәара иҟарҵаз даара иуадаҩны иҳадаҳкылеит. Аҵара аус даара ихьысҳан ацара иалагеит. Зынӡаск ҵарада, уи агәыбзиара аус иаҩызоуп. Ҳашкол ахәыҷқәеи ҳареи зынӡаск еимадарак ҳабжьам ҳәа сызҳәом. Излауала аурокқәа еиҭаҳәаны ахәыҷқәа ираҳҭоит, аха ари апроцесс даара иуадаҩны ицоит. Избанзар, ицәгьоуп ахәыҷқәа ҭелла рацәажәара, уи ишуҭаху иузнагаӡом. Ҳгәы иаанагон ахәыҷқәа хымш-хымшла аҵара ҵарахьы ииасуеит ҳәа, аха иалымҵызар акәхап. Ас ҳашцо сыздыруам. Ахәыҷқәа аҭелқәа рыла аурок ҿыцқәа раҳҭоит. Аха аҳасабрақәа ахимиа, афизика, алгебра амаҭәарқәа рыла даара иуадаҩуп. Ҳара ҳашкол арҵаҩцәа зегьы ақәшаҳаҭуп аԥхынра аусура, даҽа хымз ҳауеит. Егьыс ҳхәыҷқәа аҵара ҳәа ирҵаз акгьы иҟам", - лҳәеит Џьапуаԥҳа.

Аҟәатәи ахәбатәи абжьаратә школ аҟны ааӡаратә ус аиҿкааҩ ахәыҷқәа аҩбатәи ашықәс азы рааныжьреи, аҭаацәа аԥара ахшәааны ахәыҷқәа арҵаҩцәа рахь рышьҭреи азы иҟоу ацәажәарақәа рзы лгәаанагара лҳәеит.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

10

Дочиа еиҭеиҳәеит Тҟәарчал анхарҭатә ҭыԥқәа ашәҟәҭагалара аус шцо

14
(ирҿыцуп 18:19 25.11.2020)
Тҟәарчал араион ахада Исидор Дочиа арадио Sputnik аефир аҿы еиҭеиҳәеит араион аҿы анхарҭатә ҭыԥқәа реилыргаразы ицо аусурақәа ртәы.
Раионк аԥсҭазаараҟнытә: Дочиа Тҟәарчал анхарҭатә ҭыԥқәа ашәҟәҭагаларазы

"Анхарҭатә ҭыԥқәа ривентаризациа азҵаара ихадоу ируакуп, аха араҟа ирацәахеит апроблемақәа ари азҵаарала. Тҟәарчал иҳамоуп 1500 уада рҟынӡа, анхарҭатә фонд ахь имыиасыц. Зны анхарҭатә ҭыԥқәа зегьы ҳаԥхьаӡеит, анаҩс инхо инымхои реилыргара ҳалагеит. Иҟоуп ара аҭыԥ аанкыла измоу, аха ҽаџьара инхо, урҭ ԥшааны ауаҭах аҳәынҭқаррахь ииасуеит ҳәа адырра рыҭамзар, анаҩс апроблемақәа цәырҵуеит азы, ус еиԥш аилыргарахь ҳаиасит уажәы. Уи аус анкыркәшахалак иҭацәу ауадақәа зегьы афонд ахь ииагахоит. Ари аус ус имариамхеит аҟаҵара. Ара инымхо, аха иҭаҩҩу рацәахеит. Ауаҭах ашә ҿам, аԥенџьыр ҿам, иԥҽны игылоуп "са истәуп" ҳәа, аӡы ахә ишәом, алашара ус шаҟа. Абас еиԥш иҟоу азҵаарақәа аҭыԥ иқәҵатәуп", - еиҭеиҳәеит Дочиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

14

Урыстәыла азхиоуп Аԥсныҟа афымцалашара аашьҭра ԥхынҷкәын акы инаркны

9
Аԥсны ахада Аслан Бжьаниа иҳәахьан, Урыстәылатәи Афедерациа Аԥсны ацхыраара анаҭоит ЕгрыГЕС аҿы аремонттә усурақәа рымҩаԥысраан ҳәа.

АҞӘА, абҵара 25- Sputnik. Урыстәыла азхиоуп Аԥсныҟа афымцалашара аашьҭра ԥхынҷкәын акы инаркны, абри атәы аанацҳауеит Аекономика аминистрра апресс-маҵзура.

Урыстәыла аган ишьақәнырӷәӷәоит атехникатә ҟазшьа змоу ауснагӡатәқәа шынагӡоу Урыстәылантәи Аԥсныҟа афымцалашара аиуразы, абри атәы еилкаахеит аенергетика аминистрраҟны имҩаԥгаз аиҿцәажәарақәа рышьҭахь.

Аԥснынтә аилатәара далахәын аԥыза-министр ихаҭыԥуаҩ, аекономика аминистр Кристина Озганԥҳа.

Абҵара 25 рзы еилкаахеит Аԥсны афымцалашара арцәара аамҭа ԥшь-сааҭк рҟынтәи ҩ-сааҭк рҟынӡа иркьаҿхоит ҳәа.

Иара убас шәаԥхьар ҟалоит:

 

9