Ахәаҷба онлаин-журнал "Сан" азы: напеилаԥсала иҭыҵуа акоуп

231
(ирҿыцуп 14:12 07.11.2020)
Ҭырқәтәыла инхо ҳџьыџньуаҩ Ирфан Ахәаҷба арадио Sputnik аефир аҿы еиҭеиҳәеит аԥсышәала иҭыҵуа онлаин-журнал "Сан" атәы.
Ахәаҷба онлаин-журнал "Сан" азы: напеилаԥсала иҭыҵуа акоуп

Ажурнал кьыԥхьуп х-бызшәак – аҭырқәшәа, аԥсшәа, адыга бызшәа рыла, ҳәа адырра ҟаиҵеит Ахәаҷба.

"Аԥсуа бызшәа амш инаркны иҭыҵуа иалагеит "Сан" ҳәа хьӡыс измоу ажурнал. Абызшәа змам ан дызмам иаҩызоуп ҳәа иԥхьаӡаны. Ари ажурнал уи аԥхьагьы иҭыҵуан, уажәы еиҭахацыркуп. Ахықәкы - усҟан еиԥш, ҳкультура, ҳбызшәа ҳмырӡырц, ҳдиаспорақәа еимадазарц. Аԥсны иҟоу ашәҟәыҩцәа, апоетцәа. Ажурналист, акалам зкуа зегьы ааԥхьара рысҭоит ацхыраара ҳарҭарцаз. Ари онлаин журналуп, аӡәы адҵа иҭаны иҳарыҩӡом. Анбанқәа ажәаԥҟақәа амультфильмқәа уҳәа иаҳкьыԥхьуеит, аԥсшәа ззымдыруа ирҵап уи алагьы ҳәа ҳгәы иаанагоит. Аԥсуа нбанқәа, аԥсуа ажәақәа уҳәа мҽхакы ҭбаала, уажә аӡәы акы ааишьҭыр уахь инацаҳҵоит, абас напеилаԥсала иҭыҵуа журналуп", - ҳәа еиҭеиҳәеит Ахәаҷба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

231

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

0
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

0
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

6
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

6