Арҷелиаԥҳа COVID-19 ахәышәтәраан антибиотик ахархәаразы: аҳақьым иоуп изыӡбаша

44
Аԥсны атерапевт хада Анжела Арҷелиаԥҳа арадио Sputnik аефир аҿы еиҭалҳәеит COVID-19 ахәышәтәраҿы антибиотик ахархәаразы лгәаанагара.
Хра злоу ахҭысқәа: Арҷелиаԥҳа антибиотикқәа ирызкны

"Антибиотик терапиа ианакәзаалакгьы ҳхы иаҳархәон, аха авирус ахаҭа уи ашьӡом. COVID-19 аныҟала аҽны инаркны иалкаау антибиотикк ҳхы иаҳархәоит, уи авирус ашьуеит ҳәа агәаанагара рымоуп аҳақьымцәа адунеи аҟны, аха антибиотик анаҭаху аҳақьым иоуп изҳәо, ҳара ауаҩы ишьа гәаҳҭоит, ииммунитет шыҟоу ҳаҳәаԥшуеит. Ауаҩы иммунитет аныԥсыҽу, авирус анацлалак, еиҳагьы иланарҟәуеит. Убри аҟнытә уи дацәыҳахьчоит ицәа-ижьы иалало абактериақәа, урҭ ауаҩы даара иԥырхагахар ҟалоит. Аҳақьым иоуп изыԥхьаӡо антибиотик аҭаху иаҭахыму. Антибиотик абактериа ауп иашьуа, авирус, акоронавирус зшьуа ҳәа макьана хәшәык алкааны иҟам. Сгәыӷуеит иаарласны убри ахәшә цәырыргап ҳәа, аҳәа агрипп аныҟаз хымз-ԥшьымз рыла ицәырҵит ахәшә, уи акырӡа иҳахәеит ахәышәтәраҿы. Аҳақьымцәа ачымазаҩ антибиотик анииҭо ишәаны-изаны дахәаԥшуеит, кыр ихәома, иԥырхагахома ҳәа. Адунеижәларбжьаратәи агәыбзиарахьчара аиҿкаара иахәҭоуп ҳәа ирыԥхьаӡоит азитромицин COVID-19 зыхьуа иҭара. Уи ианаҭаху ираҳҭоит, ианаҭахым - мап. Ҳара аҳақьымцәа хәшәык бзиам ҳәа анырҳәо аамҭаз ишьақәырӷәӷәоу адыррақәа ҳамазароуп, иҭҵааны иаҭахым ари ахәшә ҳәа адырра шааҟалак, уи ачымазаҩцәа ираҳҭалаӡом, аха уҳәан-сҳәан ала ҳара аус ҳауӡом", - азгәалҭеит Арҷелиаԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

44
Атемақәа:
Ачымазара ҿкы – акоронавирус Аԥсни адунеи аҿи: иалкаау (865)

Дагаргәылиа ашьха еиқәдырхаз атуристцәа рзы: рразҟы иакит аҭел иасыртә иахьыҟалаз

5
(ирҿыцуп 15:37 23.11.2020)
Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.
Дагаргәылиа ашьха еиқәдырхаз аурыс туристцәа рзы: рразҟы иакит аҭел иасыртә иахьыҟалаз

"Аҭел ала адырра ҳауит ҩыџьа атуристцәа Цандрыԥшь ахахьы Ҳашԥсы асы ишҭанакыз. Хымш раҟара асы иҭакны иаман. Ҩымш аоперациа мҩаԥысуан, иаразнак ҳзымнеиӡеит, асы рацәаны ишьҭан. Аҩбатәи амш азы ашьыжь асааҭ 5 рзы асы рпо 15 километра ҳцеит. Ҳахьнеиз руаӡәы ишьапқәа хәыҷык иҵаахьан, аха ргәалаҟара бзиан. Аԥхьатәи амедицинатә цхыраара иҭаны илбааҳгеит, аҳәааҟны иганы иоуҳашьҭит. Ҳәарада, ауаа даара рхы иақәгәыӷуеит. Аминистрраҟны иахьцо ркоординатақәа ҳарҭар, шаҟа мшы ицо ҳәа адырра ҟарҵар, ианыхнымҳәлак ҳрызцоит. Ианцо иара убас ианаалак адырра ҳарҭароуп", - азгәеиҭеит Дагаргәылиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

5

Гәыниа аҿкы чымазара СOVID- 19 азы: иаҳа иҭышәынтәалахеит

14
(ирҿыцуп 14:40 23.11.2020)
Аҟәатәи аинфекциатә хәышәтәырҭа аҳақьым хада инапынҵақәа назыгӡо Асҭамыр Гәыниа арадио Sputnik аефир аҟны иҳәеит СOVID- 19 аганахьала аҭагылазаашьа зеиԥшроуи, рчымазцәа ргәабзиара хәшьарас иарҭои ртәы.
Гәыниа ачымазараҿкы СOVID- 19 азы: иаҳа иҭышәынтәалахеит

"Иаҳхысыз амчыбжь ала игәаҳҭозар уажәы аҭагылазаашьа ҭыԥк аҟны иҟоуп, ичмазаҩхаз иагьрыцлом иагьрыгхом. Иаҳзышьҭоуп 29-ҩык, урҭ рахьынтә хҩык иаҳа иӷәӷәоуп, аҳауа назышьҭуа аппарат ала рыԥсыԥ ларгаҩаргоит. Ашоура, аимҳәа зауз ргәы рҽанызароуп, ахәышәтәырҭаҟны ицаны анализ арҭароуп асезонтә грипп акәу, аковид-чымазара рымоу аилкааразы", - ҳәа азгәеиҭеит Гәыниа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

14
Атемақәа:
Ачымазара ҿкы – акоронавирус Аԥсни адунеи аҿи: иалкаау (865)
Ингур ГЭС.

Аԥсны Апарламент: ЕгрыГЕС аҟны аусурақәа хыркәшахаанӡа амаининг ахархәара азин ԥкызарц

4
(ирҿыцуп 19:29 23.11.2020)
Акриптавалиута амаининг азы аусурақәа рзин ҟаҵан абҵара 21 рзы Аминистрцәа реилазаара ақәҵарала.

АҞӘА, абҵара 23 – Sputnik, Бадраҟ Аҩӡба. Ашәахьа, абҵара 23 рзы Аԥсны Апарламент аилатәараҿы ақәҵара аднакылеит, уи инақәыршәан Аминистрцәа реилазаара иабжьган ЕгрыГЕС аремонт иалгаанӡа амаининг ахархәара азин ԥкызарц.

Уи адагьы Апарламент ақәҵараҿы иҳәоуп ареспубликахь амаинингтә хархәагақәа ралагаларагьы азин ыҟам.

АУН "Амшынеиқәафымцамч" иабжьгоуп ЕгрыГЕС амчхара амаининг азы закәаншьаҭада зхы иазырхәо ауаа раарԥшра аҽазнакырц.

Иара убасгьы аҳәынҭқарратә наплакқәа, аусбарҭақәа ирабжьгоуп дара иртәу амазарақәа амаининг азы ахархәара алдмыршарц.

Аекономика аминистрра иабжьгоуп амаининг анорматив-зинтә ҭышәныртәаларазы аус аднауларц азакәан апроект, азакәанԥҵара алагаларазы.

Абҵара 18 рзы Апарламент аҿы аекономика аминистр Кристина Озганԥҳаи "Амшынеиқәафымцамч" аиҳабы Михаил Логәуеи алархәны аенергетикаҿы иҟоу апроблемақәа ирызкыз аилатәара мҩаԥыргеит.

Апарламент аилатәараҿы "Амшынеиқәафымцамч" аиҳабы Михаил Логәуа иазгәеиҭеит амаинерцәа русура 2021 шықәса лаҵарамзанӡа, ЕгрыГЕС аремонтқәа хыркәшахаанӡа  иаанкылатәуп ҳәа.

Аԥсны иахьаҵанакуа аамҭа-аамҭала афымцалашара арцәара иалагеит абҵара 15 инаркны. Усҟан алашара дырцәалон уахыки-ҽнаки рыла хынтә.

2020 шықәса абҵара 21 инаркны Аԥсны иахьаҵанакуа афымцалашара арцәара аграфик дыркьаҿуа иалагеит. Уи инақәыршәаны афымцалашара дырцәалоит уахыки-ҽнаки рыла ҩынтә ҩба-ҩба сааҭ.

Иара убас шәаԥхьар ҟалоит:

4