Ҳагба америкатәи алхрақәа рзы: Трамп дцаргьы "трампизм" аанхоит

26
(ирҿыцуп 14:24 09.11.2020)
Америка алхарақәа рышьҭахь аҽеиҩшаны ишыҟоу еиԥш иаанхоит, Дональд Трамп дцаргьы "трампизм" аанхоит, абас арадио Sputnik аефир аҿы игәаанагара иҳәеит аполитолог Беслан Ҳагба.
Ҳагба америкатәи алхрақәа рзы: Трамп аҿкы чымазара "дзымаиааит"

Америкатәи амассатә информациа ахархәагақәа адырра ҟарҵеит атәыла ахадас Џьо Баиден далхуп ҳәа. Убри аан Трамп алхрақәа макьана ишхыркәшам, аусӡбарҭаҿы иаиааира шьышьақәирӷәӷәоу атәы иҳәеит.

"Трамп 2016 шықәса рзы имҩаԥигаз алхратә компаниа ибзиаӡаны имҩаԥигеит, усҟан иара иаалырҟьаны аиааира игеит. Сынтәагьы алхаратә компаниаҿы ус акәын ишырҳәоз. Дыӷәӷәазарагьы, Џьо Баиден, аԥышәа змоу политикуп, аха иахьцалак Трамп идемагогиатә форма аиааира агоит ҳәа акәын ишырҳәоз. Уамашәа иубаратәы аиааира игазаргьы Баиден, даара имаҷӡаны ауп абжьқәа ирыбжьоу. Зегьы иазгәарҭоит алхарақәа рышьҭахь Америка иҩшаны ишыҟоу еиԥш ишаанхо. Иара Трамп дықәҵыргьы, "трампизм" аанхоит. Усҟантәи алхратә компаниа аҩныҵаҟа имҩаԥигоз аусура ииашаны имҩаԥызгоит ҳәа далагеит, иара хаҭала европатәи аҳәынҭқаррақәа рганахьала. Уи иадгылаз рацәаҩны иҟалеит Америка аҩныҵҟа, убри аганахьала ҳахәаԥшуазар, ирацәаны абжьқәа иоуит. Аҵыхәтәаны аҿкы чымазара дзымаиааиӡеит Трамп, уи аганахьала иусқәа иаҳа иԥсыҽхеит", - ҳәа азгәеиҭеит Ҳагба.

ЕАА рхада иалхрақәа мҩаԥысит аҩаша, абҵара 3 рзы. Аиааиразы аибарххара еиҳарак изыбжьаз ҩыџьа акандидатцәа роуп - Ареспубликатә партиа ахаҭарнак, уажәтәи Америка ахада Дональд Трампи уаанӡа ахада ихаҭыԥуаҩс иҟаз, адемократ Џьо Баидени.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

26

Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

1
(ирҿыцуп 14:07 30.11.2020)
Ҟабарда-Балкариа имҩаԥысуа жәларбжьаратәи атеатртә фестиваль ахь ирго ақәыргыламҭазы аӡбамҭа шрыдыркылази, уи алахәхара аҵаки ртәы арадио Sputnik аефир аҟны еиҭалҳәеит Ауаажәларратә еимадарақәа рзы Аԥсуа ҳәынҭқарратә драматә театр аиҳабы ихаҭыԥуаҩ Шьарида Ҭыжәԥҳа.
Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

Самсон Ҷанба ихьӡ зху Аԥсуа драматә театр Жәларбжьаратәи атеатртә фестиваль "Южная сцена-100", иалахәхараны иҟоуп. Афестиваль мҩаԥысуеит Ҟабарда-Балкариа ареспубликаҿы ԥхынҷкәын 3 инаркны 7-нӡа. Нальчиктәи афестиваль аҿы италиатәи адраматург Едуардо де Филиппо ипиеса иалху, арежиссер Бенар Ақаҩба иқәыргыламҭа аспектакль "Цилиндр" днарбоит. Ари ақәыргыламҭа аԥхьарбара мҩаԥысит ԥхынгәымзазы.

"Афестиваль ахь иаҳгар ҳҭахын "Ромеои Џьулеттеи", иара ақәыргыламҭа ҿыцуп, ахәаԥшцәа бзиа ирбоит, аха иалахәу рацәоуп, ачымазара (COVID-19- аред. ) иахҟьаны иаҳзеиқәмыршәаӡеит, ирлас иузымӡбо еиуеиԥшым азҵаарақәа цәырҵит. Акультура аминистрреи атеатр анапхгареи иазхәыцит иаҳгаша аспектакль, иалаҳхит "Цилиндр". Ақәыргыламҭа ҿыцуп, иалахәу актиорцәагьы рызхара имхәмарӡацт, избанзар акарантин иахҟьаны атеатр адыркуан, иаадыртуан, Аԥсны ҩынтә рыда иқәыргыламызт. Сынтәа афестиваль ахь ҳамцар ҟаломызт, избанзар шьҭа итрадициоуп", - лҳәеит Ҭыжәԥҳа.

2019 шықәсазы Самсон Ҷанба ихьӡ зху Аԥсуа ҳәынҭқарратә драматә театр Жәларбжьаратәи атеатртә фестиваль "Южная сцена-100" иалахәын аспектакль "Ажәҩан аҟәара" аманы. Атеатр атруппа "Иреиӷьу актиортә еилазаара" ҳәа адиплом анашьан.

Иара убас шәаԥхьар ҟалоит:

1
Беслан Джопуа

Џьапуа еиҭеиҳәеит Аԥсни Урыстәыла рқыҭанхамҩатә усҳәарҭақәа русеицура шыҟоу

2
Абҵара 27 рзы Аҟәа имҩаԥысит Аԥсни Урыстәылеи рқыҭанхамҩатә усҳәарҭақәа рхаҭарнакцәа инеиҵыху реиԥылара. Аҩ-ганк рыӡбамҭақәа ртәы арадио Sputnik аефир аҟны еиҭеиҳәеит Аԥсны ақыҭанхамҩа аминистр Беслан Џьапуа.
Атәылауаҩи аиҳабыреи: Џьапуа Урыстәыла ақыҭанхамҩа аминистрра ахаҭарнакцәа раара иазкны

"Урыстәыла ақыҭанхамҩа аминистр актәи ихаҭыԥуаҩ напхгара зиҭоз аделегациеи ҳареи ҳаиԥылара зыхҟьаз ааигәа имҩаԥысыз Аԥсни Урыстәылеи ахадацәа реиқәшәара ауп. Аԥсны аҭагылазаашьа еилкааны, ацхыраара ахьаҳҭаху аусеицура иазкын аилацәажәара. 2018-19 шықәсқәа рзы иҟан апроектқәа Урыстәыла абанкқәа Аԥсны ақыҭанхамҩазы аԥара ззоурыжьыз апроектқәа, игәаҳҭеит аобиектқәа, иҟоуп иргәаԥҳаз иара убас иргәамԥхаз. Урҭ ахьархәразы акәӡам изааз, аиҵахарақәа ыҟазар изыхҟьаз аилкаара, ацхрааразы ауп", - иҳәеит Џьапуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

2