Чачхалиа аԥсуа ҳәынҭқарра ашьақәгылара амш азы: ажәлар ргәы шьҭызхуа акәхоит

20
Аԥсуа шәҟыҩҩы, аҭоурыхҭҵааҩы Денис Чачхалиа ааигәа асоциалтә ҳақәа рҟны ажәалагала ҟаиҵеит аофициалла ишьақәырӷәӷәазарц аԥсуа ҳәынҭқарра ашьақәгылара амш. Уи атәы иара иаҳа инарҭбааны дазааҭгылеит арадио Sputnik иаиҭаз аинтервиу аҟны.
Чачхалиа аԥсуа ҳәынҭқарра ашьақәгылара амш азы: ажәлар ргәы шьҭызхуа акәхоит

Аҭоурыхҭҵааҩы Денис Чачхалиа Аԥсуа ҳәынҭқарра анышьақәгылаз ҳәа иаликаауеит аабатәи ашәышықәса 780-тәи ашықәс.

"Ари ҭоурыхтә аартроуп, убри аҟынтә уаанӡа иаҳмаҳацызт, ҳарҵага шәҟәқәагьы иргәыламлацызт. Аԥшьгамҭа ҟалаанӡа (арыцхә азгәаҭаразы - аред.) аартра ҟалеит. Аԥшьгара ҟазҵаз Надежда Венедиктова  (ашәҟәыҩҩы) лоуп, Леила Ҭаниаԥҳаи Гәыли Кьычԥҳаи ақәҿырҭит. Ари ааигәа иаасыртит, сацклаԥшуан аԥхьагьы, аха арыцхәқәа реиқәымшәара ыҟан. Уажәы ажәытә напҩырақәа ҭысҵаауеит, ажәытә ашықәсанҵақәа уаҩҵас ҳармыԥхьацызт. Ари зтәу ақырҭқәа роуп ҳа ҳаԥхьаӡон, аха уажәы излааԥшыз ала изтәу аԥсуаа ҳауп. Иҟаз ахҭысқәа қарҭвел бызшәала ианҵан, аха ахы инаркны аҵыхәанӡа иаҳәо аԥсуа ҳәынҭқарра аҩнуҵҟа иҟаз ауп.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

20
Беслан Джопуа

Џьапуа еиҭеиҳәеит Аԥсни Урыстәыла рқыҭанхамҩатә усҳәарҭақәа русеицура шыҟоу

2
Абҵара 27 рзы Аҟәа имҩаԥысит Аԥсни Урыстәылеи рқыҭанхамҩатә усҳәарҭақәа рхаҭарнакцәа инеиҵыху реиԥылара. Аҩ-ганк рыӡбамҭақәа ртәы арадио Sputnik аефир аҟны еиҭеиҳәеит Аԥсны ақыҭанхамҩа аминистр Беслан Џьапуа.
Атәылауаҩи аиҳабыреи: Џьапуа Урыстәыла ақыҭанхамҩа аминистрра ахаҭарнакцәа раара иазкны

"Урыстәыла ақыҭанхамҩа аминистр актәи ихаҭыԥуаҩ напхгара зиҭоз аделегациеи ҳареи ҳаиԥылара зыхҟьаз ааигәа имҩаԥысыз Аԥсни Урыстәылеи ахадацәа реиқәшәара ауп. Аԥсны аҭагылазаашьа еилкааны, ацхыраара ахьаҳҭаху аусеицура иазкын аилацәажәара. 2018-19 шықәсқәа рзы иҟан апроектқәа Урыстәыла абанкқәа Аԥсны ақыҭанхамҩазы аԥара ззоурыжьыз апроектқәа, игәаҳҭеит аобиектқәа, иҟоуп иргәаԥҳаз иара убас иргәамԥхаз. Урҭ ахьархәразы акәӡам изааз, аиҵахарақәа ыҟазар изыхҟьаз аилкаара, ацхрааразы ауп", - иҳәеит Џьапуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

2
Микрофон

Ҭарԥҳа Ԥсҳәаа фымцалашарала реиқәыршәаразы: еиԥҟьарада ироуеит

9
(ирҿыцуп 17:35 29.11.2020)
Аҟәа араион Ԥсҳәы ақыҭа ахада инапынҵақәа назыгӡо Фатима Ҭарԥҳа арадио Sputnik арубрика "Раионк аԥсҭазаараҟынтә" аҿы еиҭалҳәеит аҿкычымазара COVID-19 ақыҭауаа ԥырхага рнаҭама, аӡын рыҽшазыҟарҵази.
Раионк аԥсҭазаараҟынтә: Ҭарԥҳа Ԥсҳәы ақыҭа аӡын ишазыҟаҵоу атәы

"Бзиашәа ақыҭауаа аӡәгьы ари ачымазара ҿкы рмыхьӡацт, ҳацәцап ҳәа агәыӷра ыҟоуп. Аӡын ақыҭаҟны лассы иааиуеит. Афымцалашарала аиқәыршәара аганахьала уажәы ҳтәылаҟны иалагалоу аԥҟарақәа (сааҭла афымцалашара арцәара-аред.) уа аҭыԥ рымаӡам. Ақыҭа ахатә фымцатә станциа амоуп, уа алашра рымоуп", - лҳәеит Ҭарԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

9

Урыстәыла атәылахьчара аминистрра Степанакерт арратә госпиталь аусура хацнаркит

5
(ирҿыцуп 12:52 30.11.2020)
Урыстәылатәи аҭынчреиҿкааҩцәа Ашьха Ҟарабах игылоуп абҵара 10 рзы Урыстәыла, Ермантәыла, Азербаиџьан рхадацәа рнапы зҵарҩыз аиқәшаҳаҭра инақәыршәаны.

АҞӘА, абҵара 30 - Sputnik. Урыстәыла атәылахьчара аминистрра Степанакерт  арратә госпиталь аусура хацнаркит ҳәа аанацҳауеит РИА Новости.

Агоспиталь гылоуп Степанакерт аҳаиртә баӷәаза аҵакыраҿы.

"Уажәазы акаркастә модульқәа еибыҭоуп. Раԥхьа иргыланы аҭынчреиҿкааратә контингент рмедицинатә маҵзура еиҿкаахоит. Убри аан аҭынч уааԥсыра рымаҵ аурагьы ҳазыхиоуп. Иҳалшоит 40-ҩык рҟынӡа рыдкылара", - ажурналистцәа ирзеиҭеиҳәеит амедицинатә гәыԥ аиҳабы Иарослав Иванов.

Иара иажәақәа рыла агоспиталь еиҿкаауп: ареанимациатә, афункционалтә диагностика, алаборатортә диагностика, аоперациатә ҟәшақәеи, астоматологиатә кабинети аофтальмологиатә кабинети рыла. Иқәыргылоуп ИВЛ, УЗИ, рентген аппаратқәа.

Абҵара 10 рзы Урыстәыла, Ермантәыла, Азербаиџьан рхадацәа Владимир Путин, Никол Пашиниа, Ильхам Алиев  рнапы аҵарҩит аиқәшаҳаҭра Ашьха Ҟарабах ахымца аанкыларазы. Уи инақәыршәаны аинырратә цәаҳәеи Лачатәи акоридори рҿы иргылахеит урыстәылатәи аҭынчреиҿкааҩцәа.

5