Оҭырба Приморское ақыҭан ацитрустә баҳчақәа рааӡаразы: агроном даҳҭахуп

15
(ирҿыцуп 19:44 13.11.2020)
Приморское ақыҭа ахадара аусзуҩы Рауф Оҭырба арадио Sputnik аефир аҿы еиҭеиҳәеит анхацәа шәырхкқәас ирааӡо арбақәан, насгьы ацитрус азы сынтәатәи аҽаҩра ахәшьара аиҭеит.
Раионк аԥсҭазаараҟынтә: Оҭырба Приморское ацитрустә шәырқәа рааӡара иазкны

"Иахьазы ажәлар рнапы злаку ацитрустә шәырқәа раарыхроуп, аха рыцҳарас иҟоу, уаанӡа абаҳчақәа аколхоз иатәын, уажәы қьырала иқәынхо ауааԥсыра рнапаҟны иҟоуп. Уи ауадаҩрақәа цәырнагоит, избанзар, ақыҭанхамҩаҿы агроном даҭахуп, аха ус аштат ыҟаӡам, агрофирмақәа злаҟам ала. Ацитрустә баҳчақәа доусы рнапаҿы иҟоуп, ишақәшәо иаадрыхуеит. Аҽаҩра ара ихьшәаны иҟалоит. Сынтәа ицәгьам, иит, аха иҿырхуа аԥшра уамак ибзиам, ахәшәтәра рцәагхазшәа, мамзаргьы ахәшәқәа дара ракәымзшәа, еиларҭәо дара-дара еинымалозар ҳәа сгәы иаанагоит. Агроном иҟамзаара ҳныԥшуеит", - ҳәа еиҭеиҳәеит Оҭырба.

Рауф Оҭырба иажәақәа рыла, ацитрус ашьҭахь ақыҭаҿы аџьықәреи ауп иаадрыхуа. Араҟа 70 гектар ларҵоит, 60 тонна рҟынӡа аџьықәреи ҭаргалоит ҳәа азгәеиҭеит иара.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

15

Дагаргәылиа ашьха еиқәдырхаз атуристцәа рзы: рразҟы иакит аҭел иасыртә иахьыҟалаз

1
(ирҿыцуп 15:37 23.11.2020)
Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.
Дагаргәылиа ашьха еиқәдырхаз аурыс туристцәа рзы: рразҟы иакит аҭел иасыртә иахьыҟалаз

"Аҭел ала адырра ҳауит ҩыџьа атуристцәа Цандрыԥшь ахахьы Ҳашԥсы асы ишҭанакыз. Хымш раҟара асы иҭакны иаман. Ҩымш аоперациа мҩаԥысуан, иаразнак ҳзымнеиӡеит, асы рацәаны ишьҭан. Аҩбатәи амш азы ашьыжь асааҭ 5 рзы асы рпо 15 километра ҳцеит. Ҳахьнеиз руаӡәы ишьапқәа хәыҷык иҵаахьан, аха ргәалаҟара бзиан. Аԥхьатәи амедицинатә цхыраара иҭаны илбааҳгеит, аҳәааҟны иганы иоуҳашьҭит. Ҳәарада, ауаа даара рхы иақәгәыӷуеит. Аминистрраҟны иахьцо ркоординатақәа ҳарҭар, шаҟа мшы ицо ҳәа адырра ҟарҵар, ианыхнымҳәлак ҳрызцоит. Ианцо иара убас ианаалак адырра ҳарҭароуп", - азгәеиҭеит Дагаргәылиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

1

Гәыниа аҿкы чымазара СOVID- 19 азы: иаҳа иҭышәынтәалахеит

14
(ирҿыцуп 14:40 23.11.2020)
Аҟәатәи аинфекциатә хәышәтәырҭа аҳақьым хада инапынҵақәа назыгӡо Асҭамыр Гәыниа арадио Sputnik аефир аҟны иҳәеит СOVID- 19 аганахьала аҭагылазаашьа зеиԥшроуи, рчымазцәа ргәабзиара хәшьарас иарҭои ртәы.
Гәыниа ачымазараҿкы СOVID- 19 азы: иаҳа иҭышәынтәалахеит

"Иаҳхысыз амчыбжь ала игәаҳҭозар уажәы аҭагылазаашьа ҭыԥк аҟны иҟоуп, ичмазаҩхаз иагьрыцлом иагьрыгхом. Иаҳзышьҭоуп 29-ҩык, урҭ рахьынтә хҩык иаҳа иӷәӷәоуп, аҳауа назышьҭуа аппарат ала рыԥсыԥ ларгаҩаргоит. Ашоура, аимҳәа зауз ргәы рҽанызароуп, ахәышәтәырҭаҟны ицаны анализ арҭароуп асезонтә грипп акәу, аковид-чымазара рымоу аилкааразы", - ҳәа азгәеиҭеит Гәыниа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

14
Атемақәа:
Ачымазара ҿкы – акоронавирус Аԥсни адунеи аҿи: иалкаау