Нури Кварчия

Кәарҷиа адыга-ачерқьес жәлар ркультуратә усмҩаԥгатәқәа рзы: ҳашьцәа еснагь ҳрызҿлымҳауп

7
Адыга-ачерқьес жәлар рмилаҭ культуратә усмҩаԥгатәқәа реиҿкаара иазкны имҩаԥысыз аицәажәара атәы арадио Sputnik аефир аҟны еиҭеиҳәеит Жәлар рҟазара арҿиара ацентр анапхгаҩы Нури Кәарҷиа.
Кәарҷиа адыга жәлар ркультуратә усмҩаԥгатәқәа рзы: ҳашьцәа еснагь ҳрызҿлымҳауп

Кортуа ихьӡ зху Жәлар рҟазара арҿиара ацентр анапхгареи Аԥсны аҟазара аусзуҩцәа гәыԥҩыки имҩаԥыргеит астол гежь адыга-ачерқьес жәлар рмилаҭ культуратә усмҩаԥгатәқәа реиҿкаара иазкны.

"Ишдыру еиԥш, Аԥсны еиуеиԥшым ажәларқәа рхаҭарнакцәа ықәынхоит. Урҭ зтәышьҭроу еснагь иазҿлымҳауп иахьынхо ркультура, рбызшәа шеиқәдырхо, ишдырҿио. Рацәак ҵуам Аԥсны еиҿкаауижьҭеи адыга жәлар рдиаспора ахаҭарнакра, убасгьы Краснодаргьы. Арҭ иҟарҵаз аԥшьгарала аԥышәеимдаразы аицәажәара мҩаԥысит. Аешьаратә жәларқәа еснагь ҳаизҿлымҳазароуп, иахьынӡаҳалшо ҳрыцхраароуп, иҟаҳҵаша, ҳкультурақәа реиҿцаашьа иазкны аицәажәаора бзиа, иԥхаӡа аиашьаратә ҟазшьа аманы имҩаԥысит", - иҳәеит Кәарҷиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

7

Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы

7
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.
Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы

"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

7

Дагаргәылиа ашьха еиқәдырхаз атуристцәа рзы: рразҟы иакит аҭел иасыртә иахьыҟалаз

10
(ирҿыцуп 15:37 23.11.2020)
Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.
Дагаргәылиа ашьха еиқәдырхаз аурыс туристцәа рзы: рразҟы иакит аҭел иасыртә иахьыҟалаз

"Аҭел ала адырра ҳауит ҩыџьа атуристцәа Цандрыԥшь ахахьы Ҳашԥсы асы ишҭанакыз. Хымш раҟара асы иҭакны иаман. Ҩымш аоперациа мҩаԥысуан, иаразнак ҳзымнеиӡеит, асы рацәаны ишьҭан. Аҩбатәи амш азы ашьыжь асааҭ 5 рзы асы рпо 15 километра ҳцеит. Ҳахьнеиз руаӡәы ишьапқәа хәыҷык иҵаахьан, аха ргәалаҟара бзиан. Аԥхьатәи амедицинатә цхыраара иҭаны илбааҳгеит, аҳәааҟны иганы иоуҳашьҭит. Ҳәарада, ауаа даара рхы иақәгәыӷуеит. Аминистрраҟны иахьцо ркоординатақәа ҳарҭар, шаҟа мшы ицо ҳәа адырра ҟарҵар, ианыхнымҳәлак ҳрызцоит. Ианцо иара убас ианаалак адырра ҳарҭароуп", - азгәеиҭеит Дагаргәылиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

10