Ҭыжәба Гал амандарина аҽаҩразы: ҳгәы шьҭнахыртә иҟоуп, аха аҩежьхара маншәаламхеит

20
(ирҿыцуп 19:33 16.11.2020)
Гал араион ацитрустә ааӡаратә совнхара аиҳабы Генри Ҭыжәба арадио Sputnik аҿы еиҭеиҳәеит сынтәа ацитрустә шәырқәа рҽаҩра зеиԥшроу атәы.
Раионк аԥсҭазаараҟынтә: Ҭыжәба Гал амандарин аҽаҩра иазкны

"Амандарин аҽаҩра ҳгәы шьҭнахыртә иҟоуп, ахаҭабзиара цәгьам. Изныкымкәа иаҭахыз ахәышәтәра мҩаԥаҳгеит, акызаҵәык, аҩежьхара маншәаламхеит. Амза 20 рзы аҿыхра ҳалагап ҳәа ҳгәы иҭоуп. Ҵыԥх уажәааны аҿыхра ҳалагахьан. Ашоура аныҟоу амандарин ирлас иҩежьхаӡом, уахынла ахьшәашәара, ҽынла - ианыԥхароу иаҳа ирлас иҩежьхоит. Блала ҳахәаԥшуа 500-600 тонн еиҵамкәа аҽаҩра ҳазыԥшуп, еиҳахар, зынӡа ҳгәы ҟанаҵоит. Иҳамоуп ҿыц еиҭаҳҳаз амандаринагьы, уи икьаҿу ҳәа изышьҭоу, сынтәа раԥхьатәи аҽаҩра ана-ара иҳауит. Ԥшьнызқь шьап рҟынтә хәышә рҟныӡа аҽаҩра ҳнаҭеит, ҳаԥхьаҟа еиҭа еиӷьхап ҳәа ҳгәы иаанагоит", - ҳәа еиҭеиҳәеит Ҭыжәба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

20

Џьынџьал еиҭеиҳәеит Аҟәа ариаҵәаразы имҩаԥырго аусурақәа ртәы

7
Аҟәа ахадара ариаҵәаратә усбарҭа агроном хада Гоча Џьынџьал арадио Sputnik аефир аҟны еиҭеиҳәеит арҭ амшқәа рзы имҩаԥырго аусурақәа ртәы.
Џьынџьал еиҭеиҳәеит Аҟәа ариаҵәаразы имҩаԥырго аусурақәа ртәы

"Аԥхьа инаргыланы ҳаибашьцәа анышә иахьамадоу апарк аҟны еиҭаҳҳаит 65 шьапы аԥсаҵлақәа, акамфортә ҵлақәа -13. Аҵлақәа ӡынгьы-ԥхынгьы аиаҵәара амоуп, ашәшьыра ҟанаҵоит. Ҳгәаанагарала ҳажәларгьы ргәы иаҳа иаахәар ҟалоит. Ирацәахеит уаҟа ихыԥсааз аҵлақәа. Убасгьы, администрациа аҿаԥхьа иҟоу апарк аҟны еиҭаҳахоит аҵлақәа, уаҵәы-уаҵәашьҭахь афилармониа ааигәа еиҭаҳҳараны ҳаҟоуп, аҵлақәеи аҵиаақәеи рзы аҭыԥқәа ҳархиахьеит Баграт Шьынқәба ихьӡ зху апарк аҟны, насгьы амшын аԥшаҳәа иахьагу аҵлақәа еиҭаҳҳарц ауп. Сынтәа, 165 ҵла иреиҳаны еиҭаҳҳауеит, уаҳа изалҵуам, аха аԥхьаҟа ҳгәыӷуеит даҽа 500 шьапы реиҭаҳара ҳалшап ҳәа. Амагнолиақәеи, аԥсақәеи, акамфортә ҵлақәеи, османтусқәеи роуп, аҵлақәа очамчырантәи иааҳгеит, агәыӷра ҳамоуп урҭ аднакылап ҳәа", - иҳәеит Џьынџьал.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

7

Бигәаа еиҭеиҳәеит сынтәа Гал араион аҟны ацитрус шәырқәа рҽаҩра зеиԥшроу

11
(ирҿыцуп 17:09 30.11.2020)
Гал араион ақыҭанхамҩа аҟәша аиҳабы Беслан Бигәаа арадио Sputnik арубрика "Раионк аԥсҭазаараҟынтә" аҿы еиҭеиҳәеит ацитрустә шәырқәа рҽаҩра ахаҭабзиара зеиԥшроу атәы сынтәа.
Раионк аԥсҭазаараҟынтә: Бигәаа Гал араион аҟны ацитрус шәырқәа рҽаҩра атәы

"Абыржәы хымш-ԥшьымш раԥхьа ауп амандарина аҽаҩра аингалара ианалага, иҟалап ҩышәҟа тонна ҿырххьазар. Сынтәа аҽаҩра хар амам араион аҟны, ҵыԥх аасҭа еиӷьуп. Ауаа изхәышәтәыз рмандарина цқьоуп, иҩежьуп. Нхыҵ-Кавказынтә машьынала иаалоит, амандарина змоу ирацәажәаны иргоит. Иҟоуп анхацәа рҟны рхаҭа иҿыхны ианыргогьы. Қьырала игоу асовнхарақәагьы ирымоуп дара раахәаҩцәа. Ишыздыруа ала амандарина ҿызхуа хԥа-ԥшьба мааҭ рзыршәоит кьылак азы", - иҳәеит Бигәаа.

Иара иажәақәа рыла, араион аҟны сынтәа аҭагылазаашьа ҵыԥх аасҭа еиӷьуп амармалташьтә пты аганахьала. Араион аҟны 350 кьыла инарзынаԥшуа апты еизганы ирбылхьеит. Ақыҭанхамҩа аминистрра анхацәа кьылак еизырго апты азы 1000 мааҭ рзыршәоит.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

11

Абзиараз, ҭагалан: быӷькаԥсан Аԥсны

0
(ирҿыцуп 23:10 30.11.2020)
Ҭагалан аҵыхәтәантәи амш азы Sputnik еиднакылеит ԥштәы рацәала еиларсу ҳаԥсабара аазырԥшуа афотосахьақәа.

Ҭагалан аӡәырҩы бзиа ирбо аамҭоуп. Аԥсны ҭагалан аԥсабара убла хнакуеит. Ақыҭарақәа рҟны анхаҩцәа рҽаҩра ҭаргалахьеит, уажәшьҭа аӡын рҽазыҟарҵоит. Ҽаҩраҭагалара аамҭазы амшқәа кьаҿхо иалагеит. Аҵлақәа рыбӷьқәа ҩеижьхоит. Аҳауаԥхарра +23°С, +25°С иҟоуп.

 

 

0
  • © Sputnik / Томас Тхайцук

    Ақыҭарақәа рҟны анхаҩцәа рҽаҩра ҭаргалахьеит, уажәшьҭа аӡын рҽазыҟарҵоит.

  • © Sputnik / Томас Тхайцук

    Анҵамҭақәа рышьҭахь лхәыҷра ахьылхылгаз абаҳчаҟны днаиааиуеит Sputnik акорреспондент Илана Амқәабԥҳа.

  • © Sputnik / Томас Тхайцук

    Акәыкәбаа ҟәшәара иаамҭоуп ҭагалан.

  • © Sputnik / Томас Тхайцук

    Аԥсабара аԥшәқәа убла хнакуеит.

  • © Sputnik / Томас Тхайцук

    Ҽаҩраҭагалара аамҭазы амшқәа кьаҿхо иалагеит. Аҵлақәа рыбӷьқәа ҩеижьхоит.

  • © Sputnik / Томас Тхайцук

    Ага, ашьха бӷьы иаҵәароуп,
    Бӷьы иаҵәароуп иахьабалак.
    Аҳауа зҩыда гәыҟаҵагоуп,
    Амра сыцуп сахьцалак. Сергеи Агындиа.

  • © Sputnik / Томас Тхайцук

    быӷькаԥсан Аԥсны

  • © Sputnik / Леон Адлейба

    Ԥштәы рацәала иҩычоуп ҳаԥсабара.

  • © Sputnik / Томас Тхайцук

    Абыӷьқәа "ирылху" ауарҳалқәа ана-ара абаҳчақәа рҟны иуԥылоит.

  • © Sputnik / Томас Тхайцук

    Макьана аԥхынреиԥш ишыԥхарроугьы, амшынҭалара аамҭа макьана ишхыркәшамгьы.

  • © Sputnik / Акоп Кущян

    Аҳауаԥхарра +23°С, +25°С иҟоуп.

  • © Sputnik / Томас Тхайцук

    Жьҭаарамзазы ахьагьы ҟалоит.

  • © Sputnik / Акоп Кущян

    Ашьхарахь асы леихьеит.