Бжьаниа: аԥсуа бызшәа ахы ыҵнагоит ақыҭаҿы, аҵараиурҭақәа рҿы

22
Аԥсны ахада Аслан Бжьаниа абҵара 17 рзы амассатә-информациатә хархәагақәа рзы имҩаԥигаз апресс-конференциаҿы далацәажәеит абызшәа азҵаара.
Бжьаниа: аԥсуа бызшәа ахы ыҵнагоит ақыҭаҿы, аҵараиурҭақәа рҿы

"Аҳәынҭқарратә бызшәа арҿиаразы иҟаҵоу ыҟоуп, аха ирацәоуп еиҭа иҟаҵатәу. Азакәан ҳақәныҟәаны аус ҳуртә еиԥш аҭагылазашьа ҳмоуит. Азҵаара хадоуп, аха иахьазы иуадаҩу азҵаара ду ҳаԥхьа ишьҭоуп. Ачымазара ҳазыҟаҵамызт, ицәырҵыз ауадаҩрақәа рацәахеит, ус еиԥш иҟалеит абызшәа азҵаара ҳахәаԥшыртә еиԥш аамҭагьы ҳмоуит. Аҭагылазаашьа хәыҷык иҭәышәынтәалар, ҳәарада, абызшәа азҵаара ҳазхәыцуеит, азҿлымҳарагьы иақәнагоу аҳҭоит. Идыру усуп, ҳмилаҭ рыхдырра, ркультура, рдоуҳа, бызшәада аҿиара аҭагылазаашьа амаӡам. Ҳахәаԥшуеит азакәан, кыр ԥсахтәызар, иазгәаҳҭоит. Ҳалшара хәыҷы инақәыршәаны ацхыраара ахьыҟаҵатәу иҟаҳҵоит. Абызшәа ахы ыҵнагоит ақыҭаҿы, аҵараиурҭақәа рҿы, уа ҳазҿу азҵаарақәа рыла иҳарӷәӷәоит ҳәа сгәы иаанагоит", - ҳәа азгәеиҭеит Бжьаниа.

Шәазыӡырҩы аудио.

22

Дагаргәылиа ашьха еиқәдырхаз атуристцәа рзы: рразҟы иакит аҭел иасыртә иахьыҟалаз

6
(ирҿыцуп 15:37 23.11.2020)
Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.
Дагаргәылиа ашьха еиқәдырхаз аурыс туристцәа рзы: рразҟы иакит аҭел иасыртә иахьыҟалаз

"Аҭел ала адырра ҳауит ҩыџьа атуристцәа Цандрыԥшь ахахьы Ҳашԥсы асы ишҭанакыз. Хымш раҟара асы иҭакны иаман. Ҩымш аоперациа мҩаԥысуан, иаразнак ҳзымнеиӡеит, асы рацәаны ишьҭан. Аҩбатәи амш азы ашьыжь асааҭ 5 рзы асы рпо 15 километра ҳцеит. Ҳахьнеиз руаӡәы ишьапқәа хәыҷык иҵаахьан, аха ргәалаҟара бзиан. Аԥхьатәи амедицинатә цхыраара иҭаны илбааҳгеит, аҳәааҟны иганы иоуҳашьҭит. Ҳәарада, ауаа даара рхы иақәгәыӷуеит. Аминистрраҟны иахьцо ркоординатақәа ҳарҭар, шаҟа мшы ицо ҳәа адырра ҟарҵар, ианыхнымҳәлак ҳрызцоит. Ианцо иара убас ианаалак адырра ҳарҭароуп", - азгәеиҭеит Дагаргәылиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

6

Гәыниа аҿкы чымазара СOVID- 19 азы: иаҳа иҭышәынтәалахеит

14
(ирҿыцуп 14:40 23.11.2020)
Аҟәатәи аинфекциатә хәышәтәырҭа аҳақьым хада инапынҵақәа назыгӡо Асҭамыр Гәыниа арадио Sputnik аефир аҟны иҳәеит СOVID- 19 аганахьала аҭагылазаашьа зеиԥшроуи, рчымазцәа ргәабзиара хәшьарас иарҭои ртәы.
Гәыниа ачымазараҿкы СOVID- 19 азы: иаҳа иҭышәынтәалахеит

"Иаҳхысыз амчыбжь ала игәаҳҭозар уажәы аҭагылазаашьа ҭыԥк аҟны иҟоуп, ичмазаҩхаз иагьрыцлом иагьрыгхом. Иаҳзышьҭоуп 29-ҩык, урҭ рахьынтә хҩык иаҳа иӷәӷәоуп, аҳауа назышьҭуа аппарат ала рыԥсыԥ ларгаҩаргоит. Ашоура, аимҳәа зауз ргәы рҽанызароуп, ахәышәтәырҭаҟны ицаны анализ арҭароуп асезонтә грипп акәу, аковид-чымазара рымоу аилкааразы", - ҳәа азгәеиҭеит Гәыниа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

14
Атемақәа:
Ачымазара ҿкы – акоронавирус Аԥсни адунеи аҿи: иалкаау
Флаги

Аԥсни Урыстәылеи рыбжьара азеиԥш ҵакыра аиҿкаара апрограмма шьақәырӷәӷәоуп

3
Апрограмма – 2014 шықәса абҵара 24 рзы анапы зҵаҩыз Аԥсни Урыстәылеи рыбжьара аиҩызареи астратегиатә партниорреи рзы Аиқәшаҳаҭра ацҵоуп.

АҞӘА, абҵара 23 - Sputnik. Аԥсни Урыстәылеи рыбжьара асоциалтәи аекономикатәи зеиԥш ҵакыра аиҿкаара апрограмма шьақәырӷәӷәахеит Аслан Бжьаниеи Владимир Путини реиԥылара ашьҭахь ҳәа аанацҳауеит ахада исаит.

Иазгәаҭоуп апрограмма шазырхо Аԥсны инхарҭәааны, Урыстәыла имҩаԥнаго аинтеграциатә процессқәа рылахәхаразы иманшәалоу аҭагылазаашьақәа аҭаразы.

Апрограмма аҳәаақәа ирҭагӡаны ауснагӡатәқәа рынагӡара ҩба-хԥа шықәса рыла иазыԥхьагәаҭоуп.

Абри аамҭала имҩаԥгахоит еиуеиԥшым аусхкқәа: аекономика, афинансқәа, аҳазалхратә зин, аенергетика, асоциалтә усхк рҟны азакәанԥҵарақәа реиуршәара.

2014 шықәса абҵара 24 рзы Аԥсни Урыстәылеи рхадацәа рнапы зҵарҩыз Аԥсни Урыстәылеи рыбжьара аиҩызареи астратегиатә партниорреи рзы Аиқәшаҳаҭра аԥҟарақәа иазыԥхьагәарҭоит адәныҟаполитика ауеиуршәара, атәылахьчареи ашәарҭадареи, асоциалтәи аекономикатәи зеиԥш ҵакыра раԥҵара.

3