Шамугьиа Тҟәарчал ахәышәтәырҭаҟны иназыцҵоу аргыларақәа рзы: аҽҳәара ҳахьымӡар ауеит

17
"Тҟәарчалргылара" аиҳабы Рауль Шамугьиа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит аӡымҩангага ацәаҳәақәа рышьҭаҵареи, ахәышәтәырҭаҟны иназыцҵоу аусурақәа рцашьеи ртәы.
Раионк аԥсҭазаараҟынтә: Шамугьиа Тҟәарчал аргыларатә усурақәа ртәы

"Амаҭәахәқәа зегь рыла ҳаиқәшәоуп, километрак аҟара ҟаҳҵахьеит, даҽа 200 метра раҟара аӡымҩангагақәа ҳагуп, аӡцрыҵқәагьы рыҟаҵара ҳаҿуп. Ари амза анҵәамҭазы ҳалгоит ҳәа сгәы иаанагоит. Гәылиа, Аидгылара, Горки рымҩадуқәа рҟны аусурақәа цоит. Аӡы азы ауадаҩрақәа ыҟоуп, аӡымҩангагақәа ахьажәыз иахҟьаны. Аусурақәа мҩаԥысуеит аинвестициатә программа аҳәаақәа ирҭагӡаны, 7 миллион мааҭ рзоужьуп. Иара убас ахәышәтәырҭаҟны иназыцҵоу аусурақәа ҳрылагеит: амаҭәаӡәӡәарҭа, акрыфарҭа рыргылара ҳаҿуп. Иааиуа амза 20-нӡа урҭ рхыркәшара ҳадуп, аха амшқәа иҳарҭом, ақәа ауеит, ҳахьымӡар ҟалап", - иҳәеит Шамугьиа.

Иара иазгәеиҭеит афымцалашара арцәарақәагьы русура ишаныԥшуа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

17

Ҳагба ауаажәларратә хеилак азы: хӡыргараны иаанхар, анырра ҟанаҵаӡом

3
(ирҿыцуп 10:04 27.02.2021)
Аполитолог Беслан Ҳагба арадио Sputnik аефир аҿы Аԥсны атәыла ахада иҿы иаԥҵоу ауаажәларратә хеилак ахҳәаа аиҭеит, аус ауратәы аҭагылазаашьа аныҟало атәы ҳәа игәаанагара иҳәеит.
Ҳагба ауаажәларратә хеилак азы: аполитикатә еибафара ҭышәныртәалар, ахықәкы наӡон

"Аԥшьгамҭа анырра аиураны ианыҟало усҟан ауп, ҳтәылаҿы иҵарны иқәгылоу азҵаарақәа маҷк иадымхаргьы иамхны ирзыҟаҵар. Аԥсны аҵыхәтәантәи жәа-шықәса аполитикатә ԥсҭазаара - аполитикатә еибафараны иҟалеит. Уи акәша-мыкәшагьы иҟоу иазгәарҭо, ирҳәо, милаҭла ҳҳәынҭқарра аизҳара акәӡам, ари иҭышәынтәалоу, иҭынчу республиканы ианбаҟало ҳәа ауп.  Иаԥҵоу ари ахеилак иҟалаз аполитикатә еибафара аҭышәынтәаларахь икылнагар, усҟан ахықәкы наӡеит ҳәа уҳәаратәы иҟалоит, ус акәымкәа баша, акы ианҵаны абри мҩаԥаҳгеит ҳәа, хӡыргараны иаанхар, уи баша имҩаԥысит ауп, аныррагьы ҟанаҵаӡом, амчраҿы иҟоугьы рыхьӡ ланарҟәуеит. Рамбициақәа ааныжьны, Аԥсны аҳәынҭқарра аҿиараҿы иазеиӷьхо ҟаҳҵап ҳәа иаартны изҳәо зыҟамлеит. Аҵыхәтәантәи ашықәсқәа рзы адәныҟатәи аусқәа акәша-мыкәша иӡбны иҟан, аха убас ахҭысқәа мҩаԥысуа иалагеит, аполитикагьы аҽаԥсахит Аладатәи Кавказ, Аԥсны ирацәаны ақәыӷәӷәара аиуа иалагоит", - ҳәа еиҭеиҳәеит Ҳагба.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

Иара убас шәаԥхьар ҟалоит:

3

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

17
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

17
Газета Апсны

Амилаҭи абызшәеи реиқәырхаразы: агазеҭ "Аԥсны" 102 шықәса ахыҵит

13
(ирҿыцуп 11:33 27.02.2021)
1919 шықәса жәабран 27 рзы иҭыҵит аԥсуа милаҭтә газеҭ "Аԥсны" раԥхьатәи аномер. 2001 шықәсазы Аԥсны раԥхьатәи ахада Владислав Арӡынба иқәҵарала ари амш Аԥсны ажурналистцәа рзанааҭтә ныҳәамшны ишьақәырӷәӷәоуп.

Жәабран 27, 1919 шықәсазы раԥхьаӡа акәны акьыԥхь абеит аԥсуа милаҭтә газеҭ "Аԥсны".

Sputnik

"Аԥсны" – ԥсышәала иҭыҵуа ауаажәларра-политикатә газеҭуп. Агазеҭ "Аԥсны" 1921 шықәса инаркны 1991 шықәсанӡа "Аԥсны ҟаԥшь" ҳәа иҭыҵуан, аштат аҟны 22-ҩык аусзуҩцәа аман. Асовет аамҭазы 42-ҩык аусзуҩцәа змаз агазеҭ "Аԥсны", атираж 15-16 нызқь рҟынӡа инаӡон.

"Ҳара ҭоурыхла иаадыруа, ҳзыԥхьахьоу, иҳамоу аматериалқәа рыла уазхәыцыр, уамашәа иубартә иҟоуп усҟан 1919 шықәса рзы Аԥсны аменшевикцәа ахаԥаны ианыҟаз, Гәлиа излаилшазеи агазеҭ аҭыжьра ҳәа. Гәлиа иҩызцәеи иареи хырхарҭак арҭеит агазеҭ, уи актәи аномер инаркны иаҳәоз аԥсуа жәлар рхьаа акәын, уи рҟырҟы икылхны инарыгӡеит", - азгәеиҭеит агазеҭ "Аԥсны" аредактор хада Енвер Ажьиба.

Аредақтор хада иажәақәа рыла агазеҭ хықәкыс иамаз, иахьа уажәраанӡагьы иамоу ҳмилаҭи ҳбызшәеи реиқәырхара ауп, абиԥара ҿа ԥсуаҵас рааӡара ауп.

Агазеҭ аҭыҵра ианалага инаркны аԥсуа литеаратура аҩаӡара ҳаракхеит, аԥсуа журналистикагьы аҿиарамҩа ианылеит. "Агазеҭ "Аԥсны " аредакциа иҩнымсыз иахьатәи ҳашәҟәыҩҩцәеи, ҳҵарауааи шамахамзар иҟаӡам, зегьы абра хәышҭаараны ӡыжәырҭаны ирыман, абраҟа аԥышәа ду шьҭыркааит, иҳәоит иара.

Аԥсуа журналистцәа аӡәы иҵымхо иҟаҵатәуп, ҳәа Sputnik иаиҭаз аинтервиуқәа руак аҟны иҳәахьан Аԥсны ажурналистцәа Реидгыла ахантәаҩы Руслан Ҳашыг.

"Аԥсуа журналистцәаа аӡәы иҵымхо иҟаҵатәуп. Уи азыҳәан аусура, аҿиара, азҿлымҳара, адгылара аҭахуп. Еиуеиԥшым аҿиара аетапқәа рҿы иаҭахуп, аҵара инаркны, атехникалеи аулафахәылеи реиқәыршәара, ауаажәларра рыбжьара аҳаҭыр қәҵара. Абарҭ зегьы еидҳәалоуп. Егьырҭ амчрақәа русура ажурналистикада инагӡаны изыҟалаӡом", - хәа иҳәеит Руслан Ҳашыг. 

Ҳашыг иажәақәа рыла, ажәа ахақәиҭра амамзар, иацымзар аҭакԥхықәра изыҟалаӡом ажурналистика.

Иахьа, агазеҭ "Аԥсны" аиҳабыреи ажәлари рыбжьара ацҳаржәҳәаҩра ауеит. Урҭ иаԥырҵо азакәанқәеи, аусԥҟакәеи, рықәгыларақәеи инарываргыланы агазеҭ адаҟьақәа ирнылоит аԥсуа иԥсҭазаашьа атәы зҳәо астатиақәа.

"Аԥсны" — аԥсышәала иҭыҵуа ауаажәларратә-политикатә газеҭуп. Иара акьыԥь абеижьҭеи иҵуеит 102 шықәса. 1921-1991 ашықәсқәа рзы агазеҭ ҭыҵуан "Аԥсны ҟаԥшь " ахьыӡны.

Иахьазы, ҳҳәынҭқарраҿы ԥсышәала мацара иҭыҵуа агазеҭ "Аԥсны" заҵәык ауп.

Иара убас шәаԥхьар ҟалоит:

13