Жәлар рдоуҳа: Ҭаниаԥҳа ауаҩы ицәеижьхәҭақәа ирыхҳәау ажәаԥҟақәа ирызкны

10
Ҳәоук ашәага-зага иҭаӡо, ахшыҩҵак сахьаркны иаазырԥшуа ажәаԥҟақәа ацәажәараҟны ҭыԥс иааныркылои, ацәеижьхәҭақәа ирыхҳәау рҵакқәеи арадио Sputnik Аԥсны аефир аҟны дырзааҭгылеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Жәлар рдоуҳа: Ҭаниаԥҳа ауаҩы ицәеижьхәҭақәа ирыхҳәау ажәаԥҟақәа ирызкны

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит абра>> Агәы зҩыда – хаҿычча: ацәеижьхәҭақәа ирыхҳәаау ажәаԥҟақәеи урҭ рҵакқәеи

 

10

Миқаа Гал аус зуа агәрагаратә кәалаԥқәа рзы: иарбанзаалак қьаадк иамыԥхьаӡакәа иаанымхацт

11
Гал араион ахадара апресс-маҵзура аиҳабы Ерик Миқаа арадио Sputnik аефир аҿы еиҭеиҳәеит ақалақь аҩныҵҟа иқәшыргылоу агәрагаратә кәалаԥқәа аус шыруа атәы.
Раионк аԥсҭазаараҟынтә: Миқаа Гал иҟоу агәрагаратә кәалаԥқәа рзы

"Хымз раԥхьа Кәасҭа Ԥлиеи уи ихаҭыԥуаҩ Игорь Аҩӡбеи ражәалагалала ақалақь аҿы иқәыргылан акәалаԥқәа. Аилибамкаара ҟамларцаз, ажәла мҳәакәа, ахьӡ азгәамҭакәа, акәалаԥқәа кнаҳҳаит аџьармыкьа уахьынҭало, Гал араион ахадара аҩналарҭа аԥхьа. Аинформациатә дырраҭарақәа рыла ажәлар ирылаҳҳәоит агәрагаратә кәалаԥқәа шыҟоу, дарбанзаалакгьы џьара ажәалагалак змоу, араион аҿы иҳахәаша, ма дара иргәамԥхо, ргәы еихьызшьуа акыр ыҟазар, ражәалагала азыӡырҩра, ҳшазыхиоу. Мчыбжьык ахь знык араион ахадеи сареи ҳцаны ақьаадқәа ҭганы иааҳгоит, Кәасҭа Ԥлиа даԥхьоит, анаҩс доусы инаигӡаша аусмҩаԥгатәқәа риҭоит. Иарбанзаалакгьы қьаадк аанымхацт иамыԥхьаӡакәа. Акәалаԥқәа русура иабзоураны галтәи аџьармыкьа аусқәа ҳаӡбахьеит. Амҩақәа рыҟаҵара, абаҳчақәа рҿы атәарҭақәа ахьыргылатәу уҳәа иҟаҳҵахьо маҷым. Иҳәатәуп, ари аус адгылара шаиуз ауааԥсыра рҟынтә, даара ибзиан аус ауеит аимадара", - ҳәа еиҭеиҳәеит Миқаа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

11

Џьынџьал аӡынра аӡҭаларазы: исгәазырԥхаз сыздырӡом

11
Шәарах Ԥачалиа ихьӡ зху Тҟәарчалтәи акомедиатә театр актиор Нур Џьынџьал арадио Sputnik аефир аҿы еиҭеиҳәеит аӡынразы аӡҭалара дшалагаз, насгьы уи есыҽнытәи иԥсҭазаара иахәҭакны ишыҟалаз.
Ҳазлацәажәаша ҳамоуп: Џьынџьал аӡынразы аӡҭалара иазкны

"Хәбаҟа шықәса ҵуеит аӡыршы закәу сымбеижьҭеи. Аӡӡаахра амш аҽны урыстәылатәи ателехәаԥшра санахәаԥшуа, аҵаа ҭаԥҽны ауаа аӡы ианҭало саргьы убра срыландаз аасгәахәуеит. Аӡынра аҩнаҭаҿы арԥхагақәа аҿаскӡом. Аӡиасқәа сырҭалоит, сҽыскәабоит. Раԥхьаӡа акәны 17 шықәса ракәын исхыҵуаз Тҟәарчал аӡыхьшәашәа саҵагылан аӡын сҽаныскәаба, иара исгәазырԥхазгьы сыздырӡом", - ҳәа еиҭеиҳәеит Џьынџьал.

Актиор иҳәеит дааизар, макьана ахәышәтәырҭахь дышнанамгац, еиҭеиҳәеит аӡыхьшәашәа изацу абзиабара иахылҿиааз алафқәа ртәы.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

11