Кәыҵниаԥҳа еиҭалҳәеит аԥсышәала еиҭагоу ашәҟәы ҭаацәак ӡыла еиқәнаршәар шалшо

31
Агәыҳалалратә - ауаажәларратә еиҿкаара "Кьараз" аицаԥҵаҩы Кама Кәыҵниаԥҳа арадио Sputnik аефир аҟны еиҭалҳәеит Кәтол ақыҭан ахәыҷ чымазаҩ зхала дзааӡо ан лыцхрааразы имҩаԥырго акциа атәы.
Кәыҵниаԥҳа еиҭалҳәеит аԥсышәала еиҭагоу ашәҟәы ҭаацәак ӡыла еиқәнаршәар шалшо

"Аҭаацәа ани ахәыҷи мацара ахьыҟоу рыӡбахә ҳаҳаижьҭеи, ҳаибадыриижьҭеи ҩышықәса ҵуеит. Аԥҳәыс ацхырааҩцәа рацәаны ишлымамгьы, лхәыҷы дызныҟәом, дызцәажәом, аха лгәы калмыжьит. Дахьынхо лнапы адкыланы, аӡы харантә ишаалгогьы, даара дхандеиуеит. Ҳгәы лызцеит, аӡы аганахьала ацхыраара лаҳҭарц аҭагылазаашьа аԥаҳҵар ҳҭахуп. Акциа еиҿаҳкаарц ҳаӡбеит аӡы ауаҩы лызнагаразы 100 нызқь мааҭ аԥара аҭахуп. Ахәыҷқәа ирызку ашәҟәы аԥсшәахь еиҭаганы иҟаҳҵеит. Гәында Сақаниаԥҳа иаҳзеиҭалгеит, Баҭал Хагәышьи Диана Шамԥҳаи аредактура азыруит, Алина Жьиԥҳа аиқәыршәараҟны ацхыраара ҳалҭеит. Одри Пенн лҩымҭа жәларбжьаратәи бестселлеруп ҳәа иԥхьаӡоуп, аԥсшәахь ианеиҭаҳга хәыҷык даҽакала ахьӡ ҟалеит "Ан лымаӡа" ҳәа. Уи ашәҟәы ҳҩызцәа, ҳадгылаҩцәа зегьы ирыдаҳгалоит, иаазхәо ирдыруеит ари ала ацхыраара шыҟарҵо. Ашәҟәы аазхәар зҭаху аиҿкаара "Кьараз" иадҵаалар рылшоит ҭелла ма асоциалтә даҟьаҟны. Ашәҟәы 650 мааҭ иаԥсоуп, иахҭныҵуа зегьы ацхыраа зҭаху аҭаацәа ӡыла реиқәыршәара иазкхоит",- лҳәеит Кәыҵниаԥҳа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

31

Миқаа Гал аус зуа агәрагаратә кәалаԥқәа рзы: иарбанзаалак қьаадк иамыԥхьаӡакәа иаанымхацт

11
Гал араион ахадара апресс-маҵзура аиҳабы Ерик Миқаа арадио Sputnik аефир аҿы еиҭеиҳәеит ақалақь аҩныҵҟа иқәшыргылоу агәрагаратә кәалаԥқәа аус шыруа атәы.
Раионк аԥсҭазаараҟынтә: Миқаа Гал иҟоу агәрагаратә кәалаԥқәа рзы

"Хымз раԥхьа Кәасҭа Ԥлиеи уи ихаҭыԥуаҩ Игорь Аҩӡбеи ражәалагалала ақалақь аҿы иқәыргылан акәалаԥқәа. Аилибамкаара ҟамларцаз, ажәла мҳәакәа, ахьӡ азгәамҭакәа, акәалаԥқәа кнаҳҳаит аџьармыкьа уахьынҭало, Гал араион ахадара аҩналарҭа аԥхьа. Аинформациатә дырраҭарақәа рыла ажәлар ирылаҳҳәоит агәрагаратә кәалаԥқәа шыҟоу, дарбанзаалакгьы џьара ажәалагалак змоу, араион аҿы иҳахәаша, ма дара иргәамԥхо, ргәы еихьызшьуа акыр ыҟазар, ражәалагала азыӡырҩра, ҳшазыхиоу. Мчыбжьык ахь знык араион ахадеи сареи ҳцаны ақьаадқәа ҭганы иааҳгоит, Кәасҭа Ԥлиа даԥхьоит, анаҩс доусы инаигӡаша аусмҩаԥгатәқәа риҭоит. Иарбанзаалакгьы қьаадк аанымхацт иамыԥхьаӡакәа. Акәалаԥқәа русура иабзоураны галтәи аџьармыкьа аусқәа ҳаӡбахьеит. Амҩақәа рыҟаҵара, абаҳчақәа рҿы атәарҭақәа ахьыргылатәу уҳәа иҟаҳҵахьо маҷым. Иҳәатәуп, ари аус адгылара шаиуз ауааԥсыра рҟынтә, даара ибзиан аус ауеит аимадара", - ҳәа еиҭеиҳәеит Миқаа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

11

Џьынџьал аӡынра аӡҭаларазы: исгәазырԥхаз сыздырӡом

11
Шәарах Ԥачалиа ихьӡ зху Тҟәарчалтәи акомедиатә театр актиор Нур Џьынџьал арадио Sputnik аефир аҿы еиҭеиҳәеит аӡынразы аӡҭалара дшалагаз, насгьы уи есыҽнытәи иԥсҭазаара иахәҭакны ишыҟалаз.
Ҳазлацәажәаша ҳамоуп: Џьынџьал аӡынразы аӡҭалара иазкны

"Хәбаҟа шықәса ҵуеит аӡыршы закәу сымбеижьҭеи. Аӡӡаахра амш аҽны урыстәылатәи ателехәаԥшра санахәаԥшуа, аҵаа ҭаԥҽны ауаа аӡы ианҭало саргьы убра срыландаз аасгәахәуеит. Аӡынра аҩнаҭаҿы арԥхагақәа аҿаскӡом. Аӡиасқәа сырҭалоит, сҽыскәабоит. Раԥхьаӡа акәны 17 шықәса ракәын исхыҵуаз Тҟәарчал аӡыхьшәашәа саҵагылан аӡын сҽаныскәаба, иара исгәазырԥхазгьы сыздырӡом", - ҳәа еиҭеиҳәеит Џьынџьал.

Актиор иҳәеит дааизар, макьана ахәышәтәырҭахь дышнанамгац, еиҭеиҳәеит аӡыхьшәашәа изацу абзиабара иахылҿиааз алафқәа ртәы.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

11