Асабуаԥҳа афымцалашара арцәарақәа рзы: аԥсшьаҩцәа макьана рычҳара ыҟоуп

93
Аԥсныҟа иаауа аԥсшьаҩцәа рныҟәарақәа рҟны имҩаԥызго Есма Асабуаԥҳа арадио Sputnik аефир аҟны еиҭалҳәеит асасцәа ишрыдыркыло аамҭа-аамҭала афымцалашара арцәарақәа.
Асабуаԥҳа афымцалашара арцәарақәа рзы: аԥсшьаҩцәа макьана рычҳара ыҟоуп

Абҵара 15, 2020 шықәса инаркны Аԥсны иахьаҵанакуа аамҭа-аамҭала афымцалашара дырцәоит уахыки-ҽнаки рыла хынтә ҩба-ҩба сааҭ.

"Асезон макьана инымҵәаӡацт, аха ҳаԥсшьаҩцәа агәынамӡара аадырԥшуам. Урҭ ргәынамӡарақәа ҳаԥсабара аԥшӡара ихнакуеит. Ҳауаажәлар акыр рычҳауеит, аха аԥсшьаҩцәа ирзеилкаауам алашара арцәарақәа зызку. Ҳара еиҳарак ҽынла аԥсшьаҩцәа аԥсабарахь иаҳгоит, убри аҟнытә уиаҟара ирныԥшуам афымцалашара арцәара, аха асасааирҭақәа рҟны ҭыԥқәак рҿы алашара ыҟам, ианнеиуа иџьаршьоит. Аӡынгьы асезон иацаҳҵозар акәхап, убри аҟынтәи агәаҳәара ҳамоуп алшара дмырцәаларц, уи ҳекономикеи ҳасасдкылареи рзы ихәарҭахон. Агәынамӡарақәагьы аҭыԥ рымоуп, ауаа зегьы еиԥшӡам, аха макьана рычҳара ыҟоуп, насгьы сынтәа ҭагалан ҵыԥх аасҭа иԥхарроуп", - лҳәеит Асабуаԥҳа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

93

Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

1
(ирҿыцуп 14:07 30.11.2020)
Ҟабарда-Балкариа имҩаԥысуа жәларбжьаратәи атеатртә фестиваль ахь ирго ақәыргыламҭазы аӡбамҭа шрыдыркылази, уи алахәхара аҵаки ртәы арадио Sputnik аефир аҟны еиҭалҳәеит Ауаажәларратә еимадарақәа рзы Аԥсуа ҳәынҭқарратә драматә театр аиҳабы ихаҭыԥуаҩ Шьарида Ҭыжәԥҳа.
Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

Самсон Ҷанба ихьӡ зху Аԥсуа драматә театр Жәларбжьаратәи атеатртә фестиваль "Южная сцена-100", иалахәхараны иҟоуп. Афестиваль мҩаԥысуеит Ҟабарда-Балкариа ареспубликаҿы ԥхынҷкәын 3 инаркны 7-нӡа. Нальчиктәи афестиваль аҿы италиатәи адраматург Едуардо де Филиппо ипиеса иалху, арежиссер Бенар Ақаҩба иқәыргыламҭа аспектакль "Цилиндр" днарбоит. Ари ақәыргыламҭа аԥхьарбара мҩаԥысит ԥхынгәымзазы.

"Афестиваль ахь иаҳгар ҳҭахын "Ромеои Џьулеттеи", иара ақәыргыламҭа ҿыцуп, ахәаԥшцәа бзиа ирбоит, аха иалахәу рацәоуп, ачымазара (COVID-19- аред. ) иахҟьаны иаҳзеиқәмыршәаӡеит, ирлас иузымӡбо еиуеиԥшым азҵаарақәа цәырҵит. Акультура аминистрреи атеатр анапхгареи иазхәыцит иаҳгаша аспектакль, иалаҳхит "Цилиндр". Ақәыргыламҭа ҿыцуп, иалахәу актиорцәагьы рызхара имхәмарӡацт, избанзар акарантин иахҟьаны атеатр адыркуан, иаадыртуан, Аԥсны ҩынтә рыда иқәыргыламызт. Сынтәа афестиваль ахь ҳамцар ҟаломызт, избанзар шьҭа итрадициоуп", - лҳәеит Ҭыжәԥҳа.

2019 шықәсазы Самсон Ҷанба ихьӡ зху Аԥсуа ҳәынҭқарратә драматә театр Жәларбжьаратәи атеатртә фестиваль "Южная сцена-100" иалахәын аспектакль "Ажәҩан аҟәара" аманы. Атеатр атруппа "Иреиӷьу актиортә еилазаара" ҳәа адиплом анашьан.

Иара убас шәаԥхьар ҟалоит:

1
Беслан Джопуа

Џьапуа еиҭеиҳәеит Аԥсни Урыстәыла рқыҭанхамҩатә усҳәарҭақәа русеицура шыҟоу

2
Абҵара 27 рзы Аҟәа имҩаԥысит Аԥсни Урыстәылеи рқыҭанхамҩатә усҳәарҭақәа рхаҭарнакцәа инеиҵыху реиԥылара. Аҩ-ганк рыӡбамҭақәа ртәы арадио Sputnik аефир аҟны еиҭеиҳәеит Аԥсны ақыҭанхамҩа аминистр Беслан Џьапуа.
Атәылауаҩи аиҳабыреи: Џьапуа Урыстәыла ақыҭанхамҩа аминистрра ахаҭарнакцәа раара иазкны

"Урыстәыла ақыҭанхамҩа аминистр актәи ихаҭыԥуаҩ напхгара зиҭоз аделегациеи ҳареи ҳаиԥылара зыхҟьаз ааигәа имҩаԥысыз Аԥсни Урыстәылеи ахадацәа реиқәшәара ауп. Аԥсны аҭагылазаашьа еилкааны, ацхыраара ахьаҳҭаху аусеицура иазкын аилацәажәара. 2018-19 шықәсқәа рзы иҟан апроектқәа Урыстәыла абанкқәа Аԥсны ақыҭанхамҩазы аԥара ззоурыжьыз апроектқәа, игәаҳҭеит аобиектқәа, иҟоуп иргәаԥҳаз иара убас иргәамԥхаз. Урҭ ахьархәразы акәӡам изааз, аиҵахарақәа ыҟазар изыхҟьаз аилкаара, ацхрааразы ауп", - иҳәеит Џьапуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

2