Шәлымба атранспорттә усхк азы: акарантин аамҭазы ахашәалатә хәҭа лаҟәит

8
Атранспорт аусзуҩцәа ирымшны Урыстәыла ирылаҳәоуп абҵара 20. Аҟәатәи атранспорттә наплакы аиҳабы Леонид Шәлымба арадио Sputnik аефир аҟны еиҭеиҳәеит русура шеиҿкаау, ирыԥсҭазаашьоу.

 

Ҳазлацәажәаша ҳамоуп: Шәлымба атранспорт аусура иазкны

"Иахьазы атранспорт мацара аҟны акәӡам, адунеи ахьынӡанаӡааӡо ауадаҩрақәа ыҟоуп апандемиа иахҟьаны. Уи инамаданы ҳусураҟны маҷк еиҵахарақәак ыҟоуп асабрадақәа рныҟәгара аганахьала, аха иагьа ус акәзаргьы, инаҳагӡоит ҳус. Аиҭашьақәыргыларатә усурақәа амҩақәа рҟны изҿу инарықәыршәаны, ауаа рлагаҩагара асхема хәыҷык аҽаԥсахит, уигьы уадаҩрақәак адҳәалоуп, аха нас иаҳа иманшәалахап. Аҟәа мацара ауаа ныҟәызго автобусқәа 23 ыҟоуп, урҭ рганахьала ауадаҩрақәа ҟалалоит амаҭәахәқәа рыԥсахра азҵаараҟны. Ацхыраара ҳҭахуп ақыҭақәа рахь иныҟәо атранспорт маҭәахәыла реиқәыршәаразы. Акарантин иахҟьаны ахашәалатә хәҭагьы иаҳа илаҟәит, амашьынаныҟәҵаҩцәа планла ирыду аԥара иагхеит. Аицәажәарақәа ҳаман, сақәдыргәыӷит хәыҷык ҳдырманшәалоит ҳәа ари азҵаара аганахьала", - иҳәеит Шәлымба.

 

Шәазыӡырҩы аудио. Инеиҵыху анҵамҭа арадио Sputnik Аԥсны аефир аҟны.

Иара убас шәаԥхьар ҟалоит:

8

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

0
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

0
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

5
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

5