Орчыҟәба Закан Агрба изы: зажәа ҳәаз напхгаҩны сгәалашәараҿы даанхоит

19
Аԥсуа жәлар рмилаҭтә хақәиҭратә қәԥара иалахәыз, Аԥсны Аџьынџьтәылатәи еибашьра аветеран, агазеҭ "Авангард" аредактор хадас иҟаз Закан Агрба иааигәаны дыздыруаз, аус ицзухьаз Валери Орчыҟәба арадио Sputnik аефир аҿы еиҭеиҳәеит уи игәалашәраҿы дшаанхо атәы.
Орчыҟәба Закан Агрба изы: зажәа ҳәаз напхгаҩны сгәалашәараҿы даанхоит

Абҵара 20 рзы аҵыхәтәантәи имҩахь днаскьаргоит гагратәи араионтә газеҭ "Авангард" аредактор хадас иҟаз, аԥсуа милаҭ-хақәиҭратә қәԥара иалахәыз Закан Агрба.

"Гагра ауааԥсыра рхаҭарнакцәа ирҩыз ашәҟәала, Қарҭ азин ылхны, агазеҭ "Авангард" аԥсуа ҟәша аартра алыршахеит. Уи аредакторс дҟалеит Закан Агрба. Иара иус ҭакԥхықәрала дазнеиуан, инапы ианыз наигӡон. Закан Агрба инапаҵаҟа иҟан агазеҭ х-ҟәшак: аԥсшәа, аурысшәа, ақырҭшәа. Абарҭ зегьы аҟәшақәа редактор хадас дрыман, алеишәагьы ӷәӷәаны икын. Усҟан агазеҭ мчыбжьык ахь хынтә-ԥшьынтә иҭыҵуан, атиражгьы 10 нызқь рҟынӡа иҟан. Иареи сареи акыршықәса агазеҭ аҿы аус еицаауан. 1988-1989 шықәса рзы иҟаз ахынҭаҩынҭалара ҳусураҿы даара ԥырхага ҳнаҭон. Даара шьаԥҿаршә ирҭон, аха урҭ зегьы иҽамҭакәа иҽырӷәӷәаны хадара ҳзиуан", - ҳәа еиҭеиҳәеит Орчыҟәба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

19

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

0
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

0
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

5
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

5