Гогьиа еиҭеиҳәеит акарантин аамҭазы ашколхәыҷқәа аҵара шыддырҵо атәы

78
(ирҿыцуп 11:31 21.11.2020)
Ешба ихьӡ зху Аҟәатәи ахәбатәи абжьаратә школ аҭоурых арҵаҩы Баҭал Гогьиа арадио Sputnik аефир аҟны еиҭеиҳәеит акарантин аамҭазы аҵаратә процесс шеиҿкаау.
Гогьиа еиҭеиҳәеит акарантин аамҭазы ашколхәыҷқәа аҵара шыддырҵо атәы

COVID- 19 иахҟьаны Аԥсны ишьақәгылаз аҭагылазаашьа инамаданы ашколқәа рҟны аҵаратә процесс аанкылоуп абҵара 24 рҟынӡа.

"Ашьыжь ҳҵара ҳалагоит апрограмма Zoom ала асааҭ жәаба ма жәеиза рзы. Ахәыҷқәа ирыдысҵаз адҵақәа аныҟарҵалак, еилыркааз, ишырҵаз сзеиҭарҳәоит. Уадаҩрас иҟоу - зегьы ирымаӡам ахархәагақәа онлаин аҵара амҩаԥгаразы. Аклассқәа рҟны 30-35 ахьтәоу ыҟоуп, аиҳабыратә классқәа рҵаҩцәа реиҳараҩыки ҳареи аус еицаҳуеит, аимадара ҳамоуп. Сааҭк еиҵаны аурок мҩаԥаҳамгацт, избанзар акласс аҟны ианымҩаԥуго иаҳа уарманшәалоит, ҳәарада. Ҳашкол аҟны зықәра хәыҷык инеихьоу арҵаҩцәа ыҟоуп, аха урҭгьы иацклаԥшны ахәыҷқәа ирызнаргар рҭахуп амаҭәар ҳаамҭа иақәшәо ахархәагақәа рыла", - иҳәеит Гогьиа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

78

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

0
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

0
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

6
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

6