Гыцԥҳа алаҵақәа рзы: сышрыдгылаҩу, аҟаҵара макьана сазыхиам

170
(ирҿыцуп 19:17 22.11.2020)
Хҩык ахәыҷқәа ран Асҭанда Гыцԥҳа арадио Sputnik аефир аҿы алаҵақәа рыҟаҵаразы лгәаанагара атәы лҳәеит.
Гыцԥҳа алаҵақәа рзы: сышрыдгылаҩугьы, аҟаҵара макьана сазыхиам

Аԥсны абҵара 12 инаркны ахәыҷҭәы поликлиникақәеи, ашколқәаки рҿы иалагеит агрипп чымазараҟнытә алаҵа аҟаҵара. Уи шхәыда-ԥсадоугьы, иҟазҵарц зҭаху рацәаҩым. Уи атәы арадио Sputnik аефир аҿы илҳәахьан аҟәатәи ахәбатәи абжьаратә школ амедиаҳәшьа Асҭанда Шьониаԥҳа.

"Алаҵазы иҟоу агәаанагарақәа зегьы срызҿлымҳауп. Ҳәарада, арҭ алаҵақәа рыҟаҵара ирымоуп рхатә ԥҟарақәа урҭ урықәныҟәар, ианаамҭоу ианыҟауҵо ауадаҩрақәа узцәырыргаӡом, уи схатә гәаанагароуп, сԥышәа иснарбаз ауп. Уимоу схәыҷқәа риммунитет шеиӷьхаз збеит, уи фактуп. Ичмазҩымхо аӡәгьы дшыҟам еиԥш, ак ҳаласыр, имарианы иҳахҟьоит. Иахьа ҳтәылаҿы ицо авакцинациа атәы ҳҳәозар, алаҵақәа сышрыдгылаҩугьы макьана уи аҟаҵара сазыхиаӡам, маҷк агәыҩбара сызцәырнагоит. Ан лыҩныҵҟатә дунеи акы лыҵанаҳәоит, убас еиԥш џьара ак соур, хымԥада, ари азҵаара шәарада, есымша сшадгылаз еиԥш иҟасҵап ҳәа сгәы иаанагоит", - еиҭалҳәеит Гыцԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

170

Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

0
Аҳақьым - атерапевт Оксана Лакербаиа арадио Sputnik аефир аҟны еиҭалҳәеит COVID-19 зхызгаз даҽа чмазарак рзыннажьуа ма иаргәамҵуа иҟоу иҟаму атәы.
Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

"Сара сыпрактиҟаны аковид чмазара зхызгаз, уи ада даҽа чмазарак рзыннажьыртә еиԥш сԥыхьамшәацт. Егьыс дара ирымаз ачымазарақәа ихьанҭаны ицоит. Атест анҳаулак аковид-чмазара рымамҳәа ргәы ҳахылаԥшуеит, ршьақәыӷәӷәара ҳацклаԥшуеит, рыхәшәқәа иржәуа ҳарҽеиуеит, ашьақар чмазара змоу гәаҳҭоит. Зықәрахь инеихьоу еиҳарак даҽа уадаҩрак роуеит антибиотикқәа рышьҭахь ркьатеиқәа русураҟны. Убри аҟынтәи абактериақәа- апробиотикқәеи апребиотикқәеи рзацаҳҵоит рыхәшәтәраҟны. Ианаамҭоу ахәшәқәа рзылыҩҩааны ажәра иалагар, ахәшәтәра бзианы ицоит", - лҳәеит Лакербаиа.

Лара иазгәалҭеит хәышәҩык инареиҳаны ҭелла абжьгарақәа шрылҭоз аҽыхәшәтәразы COVID-19 аҟынтәи.

"Уи даара ицәгьоуп, хыџьара аус зуеит, ҩыџьара есҽны ашьыжь инаркны шьыбжьонынӡа, анаҩс аполиклиника аҟны аус зуеит. Ҭелла исзасуа аҭак ансызрымҭалак, аҩны саннеиуа сырзасуеит", - лҳәеит Лакербаиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

0
Атемақәа:
Ачымазара ҿкы – акоронавирус Аԥсни адунеи аҿи: иалкаау

Чачхалиа афымцалараша арцәараан "Ачабаба" аусуразы: ас ицалар, ҳусқәа цәгьахоит

11
(ирҿыцуп 16:52 24.11.2020)
Гәылрыԥшь араион Дранда иҟоу ачаӡырҭа "Ачабаба" аиҳабы ихаҭыԥуаҩ Кьасоу Чачхалиа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит афымцалашара сааҭ-сааҭла арцәараан русура шеиҿкаауа атәы.
Раионк аԥстазаараҟынтш: Чачхалиа афымцалараша арцәарақәа раан ачаӡырҭа аусура атәы

"Иахьа ҳтехника зегьы убас еибаркуп лашарада ача ҳзыӡуам, ҳҭагылазаашьа уадаҩуп уи ада. Адизель акәзар абылтәы рацәаны иафоит, иаҳбылуеит 250 литра рҟынӡа мышкы. Ажәлар ача рҭахуп, уи ахә ҳара иаҳзацҵаӡом, избанзар азакәан ҳақәныҟәоит, ус еиԥш азин ҳамаӡам. Ауаа ача рыгҳажьуам, иҟоу ауадаҩра аиҳабыра ирыӡбозар акәхап, избанзар ас ицалар, ҳусқәа цәгьахоит", - иҳәеит Чачхалиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

11

Абҵарамза 25 рзы Аҟәа ахәҭак ӡыда иаанхоит

2
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

2