Ажьиԥҳа еиҭалҳәеит Гагра араион ашколқәа рҟны адистанциатә ҵара шеиҿкаау

36
Гагра араион аҵара аҟәша аиҳабы Мадина Ажьиԥҳа арадио Sputnik аефир аҿы еиҭалҳәеит араион ашколқәа реиҳарак адистанциатә ҵарахьы ишыиасыз, аԥкрақәа аԥыххаанӡа ус еиԥш аҵаҩцәеи арҵаҩцәеи аимадара шрыбжьазаауа атәы.
Ажьиԥҳа еиҭалҳәеит Гагра араион адинстанциала ашколқәа русура аиҿкаара атәы

"Аҭаацәеи ҳареи зегьы иаҳҭахыз акакәын, ахәыҷқәа аҵара рҵартә еиԥш, ашкол ахь инеиртә еиԥш аҭагылазаашьа роурцаз. Еилкаауп, ачымазара бааԥсуп, аха ҳхәыҷқәагьы адыррақәа ирызнаҳгаран иҟоу ҳгәы иҵхоит. Иаҳҭахуп, еиҳарак алагарҭатә классқәа ацхыраара зҭаху ахәыҷқәа рзы, аҵаратә процесс алагарцаз. Аха шьҭа уи алацәажәара хьшәазар ҟалап, аԥкрақәа алагалоуп, уи ҳақәымныҟәар адагьы ԥсыхәа ыҟам. Пицунда аҭаацәа реизараҿы раԥхьа инаргылан зҵаара хаданы иқәгылан, ҳара аҵара аҟәша аусзуҩцәа, аминистрра, аимадара ҳаму иҳамаму, иарбан мҩоу ҳазқәырҵо.

Дара еиқәдыршеит анапынҵақәа атәыла анапхгара рахь, ҳара адистанциатә ҵара ҳадгылаӡам, ҳхәыҷқәа ашколқәа рахь инеиртә еиԥш аҭагылазаашьа роуртә еиԥш ҳәа зҳәо. Уи инақәыршәаны ҳаргьы аҵара аминистррахь еиқәҳаршәеит ашәҟәы, уа дара рызҵаарақәа рыдагьы ҳаргьы ҳазҵаарақәа арбоуп: ишԥаҟаҳҵо ашықәс азбжа ахыркәшара, ахәшьарақәа ықәҳаргылар ҟало иҟамло, избанзар, араион аҿы ҳара еиҿаҳкааит дистанциала аусура. Еилкаауп, уи ишахәҭоу еиԥш арҵаҩцәа зегьы рхы рзаладмырхәит, аха иҟоуп арҵаҩцәа, ашколқәа, даара ибзианы уи аԥышәа шьҭызхыз. Ҳара ихамоуп акомиссиа иҭызҵаауа шаҟа иманшәалахаз адистанциатәла аусура, аха ҳалаҽхәартә еиԥш макьана аҵара еиҿкаам, даара ирацәоуп аԥынгылақәа. Раԥхьаӡа инаргыланы аинтернет ахархәара змам даара ирацәаҩуп. Уи анаҩс алашара арцәара аҳаблақәа рҿы еиқәшаӡом. Гәыԥҩык ахәыҷқәа аурок иаҭааит, егьырҭ лашарада иахьыҟам азы изцәырымҵит, убас аки-аки еиқәылеит. Иахьазы, аҭагылазаашьа иснаҭаӡом аҳәара адистанциатә ҵара зегьы иҳақәҿиеит, иманшәалоуп, ибзиоуп ҳәа. Арҵаҩцәа иҳалшо ала ҳхы ҳамеигӡакәа, аплатформақәа ҭҵааны ҳхы иаҳархәоит, излауа ала ахәыҷқәеи ҳареи ҳаимадазарц. Уажәы, ахаҭабзиара шьҭыхны ҳус ацҵароуп ашколқәа рнапхгаҩцәеи ҳареи хықәкыс иҳамоу ", - ҳәа азгәалҭеит Ажьиԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

36

Боџьгуаԥҳа: иԥшӡаны ирхиоу асасааирҭаҟны аҭыԥқәа заанаҵы рыҭира мариахоит

11
Сынтәа ашықәсҿыцазтәи аныҳәатә рхиаразы аиааира занашьаз аҳҭнықалақь аҟны иҟоу асасааирҭа "Абалерина лыҩны шкәакәа" аусбаҩ Наталиа Боџьгуаԥҳа арадио Sputnik аефир аҟны илҳәеит ус еиԥш арԥшӡарақәа аԥсшьаҩцәа радԥхьаларазы акрызҵазкуа ракәны дшахәаԥшуа.
Ҳазлацәажәаша ҳамоуп: Боџьгәаԥҳа аныҳәазы асасааирҭақәа рырхиара иазкны

Аҟәа ақалақь ахадара есышықәса аицлабра рыларҳәоит адәқьанқәа, асасааирҭақәа, ахцәыҟаҵарҭақәа рыԥшәмацәа Ашықәсҿыцазтәи аныҳәамшқәа рзы рхыбрақәа арԥшӡаразы.

"…сгәы еихьнашьуеит асасааирҭақәа рҟны заанаҵы аҭыԥ аанкылара Аԥсны иахьԥсыҽу. Ашықәс ҿыц азы Европа, уҳәа егьырҭ атәылақәа рҟны заанаҵы аҭыԥқәа ныркылоит аныҳәамшқәа рзы. Дара рхатә программа рымоуп, убас идырԥшӡоит асасааирҭақәа, иара ақалақьгьы. Ҳара ҳҟны шамахамзар идырԥшӡаӡом, еиҿыркааӡом. Аԥсныҟа сцандаз, алакә еиԥш идырԥшӡоит ҳәа иҟаӡам ҳа ҳҟны. Асасааирҭахь атур уҭиирц азы афотосахьақәа, авидео ԥшӡа ыҟазароуп", - азгәалҭеит Боџьгәаԥҳа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

 

11

Ҳашыг апандемиа аамҭазы ажурналистцәа русуразы: аибашьраан еиԥш

9
(ирҿыцуп 12:04 16.01.2021)
Аԥсны ажурналистцәа реидгыла ахантәаҩы Руслан Ҳашыг арадио Sputnik аефир аҿы 2020-тәи ашықәс аихшьаалақәа ҟаиҵеит, еиҭеиҳәеит апандемиа аамҭазы ажурналистцәа русура атәы.
Ҳашыг апандемиа аамҭазы ажурналистцәа русуразы: аибашьраан еиԥш

"Аҿкычымазара иадҳәалаз аинформациатә усура, уи аҽазыҟаҵара, уи агәҽанызаара, аҳәынҭқарратә усбраҭақәа еиҿыркаауаз аусура зегьы аинформациала еиқәыршәатәын. Ачымазара ыҟоуп ҳәа ажурналистцәа аусурахь имнеиуа, рхы хьчара мацара иашьҭамызт. Дара рнапынҵақәа зегьы нарыгӡар акәын, уи иахылҿиаауаз ауадаҩрақәа ҳасаб рзуны. Ашықәс еихшьаало иазгәасҭарц сҭахуп, Аԥсны ажурналистцәа аус ахьыруазаалакгьы, аибашьра ашықәсқәа рзы ишыҟаз еиԥш, аидгылара ҟаҵаны, аицхыраара ҟаҵаны, ихадароу ахықәкы- ажәлар ирдырыц ирықәнагоу, аинформациа рызнагараҿы даара аџьабаа рбеит. Акырӡа аусбараҭақәа русура аанкылан, аха зда ԥсыхәа амам ҳәа еиқәырԥхьаӡо, урҭ рхыԥхьаӡараҿы аԥхьа игыламзар, рыгәҭаны игылан Аԥсны амассатә информациатә хархәагақәа", - еиҭеиҳәеит Ҳашыг.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

9
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны аоперштаб: уахыки-ҽнаки рыла 108 коронавирус хҭыс ҿыци ԥсҭбараки

4
(ирҿыцуп 23:42 16.01.2021)
Иҳаҩсыз уахыки-ҽнаки рыла COVID-19 рылоу ирыламу аилкааразы 506-ҩык атестқәа рзыҟаҵан, урҭ рахьтә 108-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

АҞӘА, ажьырныҳәа 16 – Sputnik. Акоронавирус зцәа иалаз, ҩ-ганктәи аполисегментартә гәыҵәкра змаз ахаҵа иԥсҭазаара далҵит Гәдоуҭатәи ахәышәтәырҭаҿы, ажьырныҳәа 14 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 102-а, урҭ рахьтә 90-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 40-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 36-ҩык апациентцәа, Очамчыра ирхәышәтәуеит 26-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 26-ҩык, амобилтә госпиталь аҟны ишьҭоуп акоронавирус зыдбалоу 57-ҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10486-ҩык ыҟоуп, ргәы бзиахеит 8190-ҩык, рыԥсҭазаара иалҵит 152-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

 

4