Габниа Аԥсны Аконституциа азы: аԥсахрақәа аларымгалаларц залшом

7
(ирҿыцуп 15:25 26.11.2020)
Абҵара 26 Аԥсны азакәан хада- Аконституциа иамшуп. Аԥсны ашәарҭадаратә хеилак амаӡаныҟәгаҩ ихаҭыԥуаҩ, азиндырҩы Гиви Габниа арадио Sputnik аефир аҟны дазааҭгылеит Аԥсны атәыла азакәан хада.
Габниа Аԥсны Аконституциа азы: аԥсахрақәа алагалымкәа иҟамлацт

Аԥсны Аконституциа рыдыркылеит Иреиҳаӡоу Ахеилак аилатәараан абҵара 26, 1994 шықәсазы. Жьҭаара 3, 1999 шықәсазы иара жәларызегьтәи абжьыҭирала иазыразхеит.

"Аконституциа уи шьаҭанкылатәи азакәан ҳәа иуԥхьаӡар ауеит. Раԥхьаӡа ирхәыцуеит ауасхыр, анаҩс уи инақәыршәаны ауп ишыҟарҵо егьырҭ азакәанқәа. Еилкаауп Аконституциа 26 шықәса ахыҵуеит, ианрыдыркылоз аамҭа даҽакын, арҭ ашықәсқәа рыҩныҵаҟа еиуеиԥшым аԥсахрақәа, аҭагылазаашьақәа ҟалеит. Аконституциа иреиҳаӡоу закәанны излаҟоу ала амч аанхоит, аха аԥсҭазаарагьы еиуеиԥшым ҿыц ахырхарҭақәа аанартуеит, иҿыцу аизыҟазаашьақәа ҟалоит, убри аҟынтә ашәарҭара ҿыцқәа цәырҵыр алшоит. Арҭқәа азгәаҭаны ихадоу азакәан аҟны аԥсахрақәа ҟамлакәа аҭоурых иарбам. Ҳара ҳҟынгьы иҟаҵан аԥсахрақәа. 1999 шықәсазы аӡбаҩцәа рмаҵура аамҭа хәышықәса инаган, анаҩс рыҿҳәара аамҭа ҩаԥхьа аԥсахрақәа раан иацҵан. Аконституциа еснагь аԥсахрақәа аларымгалаларц, абыжьбатәи ахәҭа ду аҟны иарбан аԥсахшьа шыҟаҵатәу аԥҟарақәа, урҭ аԥсахрақәа рылагалан, аԥсахшьа ашьаҿақәа иаҳа идыруадаҩит", - иҳәеит Габниа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

7

Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

6
(ирҿыцуп 09:22 19.01.2021)
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу.
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.

Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.

"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

6

Раионк аԥсҭазаараҟынтә: Сабекьиаԥҳа Галтәи ателехәаԥшра аԥсуа редакциа аусуразы

20
Галтәи ателехәаԥшра аԥсуа редакциа акорреспондент Зита Сабекьиаԥҳа арадио Sputnik аефир аҿы еиҭалҳәеит аԥсуа нҵамҭақәа реиқәыршәара аус шеиҿкаау атәы.
Раионк аԥсҭазаараҟынтә: Сабекьиаԥҳа Галтәи ателехәаԥшра аԥсуа редакциа аусуразы

"Ателехәаԥшраҿы аԥсуа редакциа анеиҿаҳкаауаз аамҭазы иҟан агәыҩбара, иаҳзыӡырҩуа дҟалару ҳәа, галаа абызшәа рыздырӡом, убри хьаас иҳаман. Сара корреспондентк иаҳасабала аусура салагеижьҭеи ҩымз роуп иҵуа. Иҟоуп ҳара ҳхаҭа иҭаҳхуа анҵамҭақәа, иҟоуп ажәабжьқәа еиҭаҳго, аха еиҳарак галтәи ахҭысқәа аҭыԥ аҿы ҳцаны, атекст ҩны, абжьы ҭаҩны иҟаҳҵоит. Ҩыџьа ҳауп аԥсуа редакциаҿы иҟоу, сара - акорреспондент, Ерик Миқаа - аредактор. Ҳусура аиҿкаашьа ахәшьара бзиа арҭоит. Гал инхо аԥсшәа заҳауа, абызшәа зҵо ахәыҷқәа ахәаԥшуеит", - ҳәа еиҭалҳәеит Сабекьиаԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

20

Аладатәи арратә округ аррамаҵзурауаа фымз рыҩныҵҟа COVID-19 аҟынтә алаҵа рзыҟаҵахоит

3
(ирҿыцуп 13:38 19.01.2021)
Аладатәи Арратә округ аруаа рҿы массалатәи алаҵаҟаҵара иалагоит. Урыстәылатәи алаҵа "Спутник V" актәи апартиа ааган Аԥсны иҟоу арратә базахь ԥхынҷкәын 2 рзы.

АҞӘА, ажьырныҳәа 19 - Sputnik. 225 000-ҩык рҟынӡа Аладатәи арратә округ аррамаҵзурауаа фымз рыҩныҵҟа COVID-19 аҟынтә алаҵа рзыҟаҵахоит ҳәа аанацҳауеит ААО апресс-маҵзура.

Алаҵа рзыҟаҵахоит аррамаҵзурауаа рҭаацәа, аграждантә персонал. Зынӡа шәнызқьҩык рҟынӡа.

Амассатә лаҵаҟаҵара хацыркхеит Аладатәи арратә округ аҿы. Актәи акомпонент рзыҟарҵахьеит 17 000-ҩык рҟынӡа, ҩ-компонентк рзыҟарҵахьеит фнызқьҩык.

Жәабран  15  2021 шықәсанӡа арратә округ амедусҳәарҭақәа иазыԥхьагәарҭоит аҽа 60 000-ҩык алаҵа рзыҟаҵара.

Алаҵа хатәгәаԥхаралоуп ишыҟарҵо, иззыҟарҵо уи азы ашәҟәы инапы аҵеиҩуеит.

Аденовирустә вектор шьаҭас измоу алаҵа нанҳәа 11 рзы Урыстәыла агәабзиарахьчара аминистрра ашәҟәы иҭанагалеит. Абасала иара адунеи аҿы ираԥхьатәиу коронавирус SARS-COV-2 иаҿагыло лаҵоуп.

3
Атемақәа:
Ачымазара ҿкы – акоронавирус Аԥсни адунеи аҿи: иалкаау