Беслан Джопуа

Џьапуа еиҭеиҳәеит Аԥсни Урыстәыла рқыҭанхамҩатә усҳәарҭақәа русеицура шыҟоу

14
Абҵара 27 рзы Аҟәа имҩаԥысит Аԥсни Урыстәылеи рқыҭанхамҩатә усҳәарҭақәа рхаҭарнакцәа инеиҵыху реиԥылара. Аҩ-ганк рыӡбамҭақәа ртәы арадио Sputnik аефир аҟны еиҭеиҳәеит Аԥсны ақыҭанхамҩа аминистр Беслан Џьапуа.
Атәылауаҩи аиҳабыреи: Џьапуа Урыстәыла ақыҭанхамҩа аминистрра ахаҭарнакцәа раара иазкны

"Урыстәыла ақыҭанхамҩа аминистр актәи ихаҭыԥуаҩ напхгара зиҭоз аделегациеи ҳареи ҳаиԥылара зыхҟьаз ааигәа имҩаԥысыз Аԥсни Урыстәылеи ахадацәа реиқәшәара ауп. Аԥсны аҭагылазаашьа еилкааны, ацхыраара ахьаҳҭаху аусеицура иазкын аилацәажәара. 2018-19 шықәсқәа рзы иҟан апроектқәа Урыстәыла абанкқәа Аԥсны ақыҭанхамҩазы аԥара ззоурыжьыз апроектқәа, игәаҳҭеит аобиектқәа, иҟоуп иргәаԥҳаз иара убас иргәамԥхаз. Урҭ ахьархәразы акәӡам изааз, аиҵахарақәа ыҟазар изыхҟьаз аилкаара, ацхрааразы ауп", - иҳәеит Џьапуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

14

Какоба: ԥсыхәас иҟоу зегьы-зегьы ахархәара аҭахуп аҵарашықәс ацҵаразы

36
(ирҿыцуп 14:17 28.01.2021)
Апандемиа иахҟьаны аҵарадырраҿы ишьақәгылаз аҭагылазаашьа алҵшьас иҟоу азы арадио Sputnik аефир аҿы игәаанагара иҳәеит уаанӡа аҵара аминистрс иҟаз Адгәыр Какоба.
Ҳазлацәажәаша ҳамоуп: Какоба аҵаратә процесс аҿы ишьақәгылаз аҭагылазаашьазы

"Жәабранмза инаркны ашколқәа раатра алыршахар, азин рырҭар, иҟалоит ухы иаурхәар ааԥынтәи аԥсшьарамшқәа, асабша. Абжьааԥны рашәарамзазы аҵара хыркәшахозҭгьы, уажәы ухы иаурхәар ҟалоит иара ԥхынгәымзагьы. Хәымз рҟынӡа аҵарашықәс ҟауҵар ҟалоит, уи аамҭа иалагӡаны алагарҭатә классқәа рҿы раӷьарак дырҵаны, ахәыҷы анбанқәа еихьшьааланы даԥхьо, акалам акышьа ирҵо абас ауаҩы иҟаиҵар алшоит. Имариоу усуп ахәыҷқәа шықәсык рааныжьра, аха уи даара ахәыҷқәа рзгьы рыцҳароуп. Сгәы иаанагоит ԥсыхәас иҟоу зегьы-зегьы ахархәара аҭахуп аҵарашықәс ацҵаразы. Аԥхынтәи амзақәа ацырҵаргьы, ахәыҷқәа аматериал шьҭыркаартә еиԥш аҭагылазаашьа рыҭатәуп. Шықәсык ибжьахо аҵарашықәс аҳәынҭқарра ианымԥшыр залшаӡом. Аҵара милаҭтә идеиоуп ҳҳәозар, аҳәынҭқаррагьы иалшо зегьы ҟанаҵароуп. Ииашоуп, уи ахарџь аҭаххоит, аха уи иеигӡатәӡам. Аҿар рааӡараҿы ахарџь аигӡара аҭахӡам", - ҳәа еиҭеиҳәеит Какоба.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

36
Лили Хагба

Ҳагԥҳа Лидиа Ҷкадуаԥҳа лзы: дҳагхеит аҵарауаҩ ду, кыр ҳабжьызгоз, имҩақәҵаҩыз

11
(ирҿыцуп 10:19 28.01.2021)
Апрофессор, афилологиатә ҭҵаарадырракәа рдоктор Лили Ҳагԥҳа арадио Sputnik аефир аҿы илҳәеит аҵарауаҩ, академик Лидиа Ҷкадуа лыԥсҭазаара лалҵра аԥсуаҭҵаарадырразы ицәыӡ шдуу.

91 шықәса дшырҭагылаз лыԥсҭазаара далҵит афилологиатә ҭҵаарадыррақәа рдоктор, академик, аԥсуа бызшәеи абаза бызшәеи рыҭҵааҩы, Аԥсны аҭҵаарадырра зҽаԥсазтәыз аусзуҩ, "Ахьӡ-Аԥша" аорден II аҩаӡара занашьаз Лидиа Платон-иԥҳа Ҷкадуа.

Ҳагԥҳа Лидиа Ҷкадуаԥҳа лзы: дҳагхеит аҵарауаҩ ду, кыр ҳабжьызгоз, имҩақәҵагаз ҳаиҳабацәа иреиуаз

"Аԥсуаҭҵаарадырра ацәыӡ ду аиуит. Ҳәарада, зегьы аџьалк-аџьалк ҳамоуп, аԥсҭазаара ҳаԥсахыр ҟалаӡом, аха абриаҟара аҵак ду змаз, абриаҟара ҟазҵахьаз ауаа рыԥсҭазаара акыр иаузар ҳҭахуп. Лара аханатәгьы иӡбаны илымамызт ари азанааҭ алысхуеит ҳәа. Лидиа Платон-иԥҳа Қарҭтәи аҳәынҭқарратә университет "кавказтәи афилологиа" захьӡыз аҟәша дҭан, лара илылаз аҟыбаҩ азгәаҭаны еицырдыруа академик Ломҭаҭиӡе лнапхгаралоуп кавказтәи абызшәақәа рыҭҵаара злахацлыркыз. Азыҟаҵара бзиа рыҭаны аусеицура бзиа иалагеит Шьоҭа Арсҭааи лареи. Еицаԥырҵеит уаанӡа иҟамыз зыҩаӡара ҳаракыз, аиҳабыратә ҵараиурҭақәа ирызкыз арҵагатә шәҟәқәа. Анаҩс еицаԥырҵеит аԥсуа бызшәазы арҵагатә шәҟәқәа. Лара ҷыдала дзызкыз аԥсуа бызшәа аморфологиа аҭҵаара акәын, ашьҭахь ажәарқәа реиқәыршәара далахәын, уажә иҭыҵран иҟоу аҩышьаԥҟаратә жәар реиқәыршәара лыхәҭа алоуп, иара мазеиуп, акьыԥхь ахь инаҳашьҭратә аҟынӡа инаҳгахьеит. Дҳагхеит аҵарауаҩ ду, кыр ҳабжьызгоз, имҩақәҵагаз ҳаиҳабацәа иреиуаз", - ҳәа азгәалҭеит Ҳагԥҳа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

11

Урыстәылатәи атуроператорцәа Аԥсны аԥхын аԥсшьаразы рҭаххара ахәшьара арҭеит

2
(ирҿыцуп 17:06 28.01.2021)
Аекспертцәа рдыррақәа рыла Аԥсны 2021 шықәсазтәи асезон азы еиҳа ирҭаху аԥсшьарҭа ҭыԥқәа хәба рхыԥхьаӡара иалашәеит, Краснодартәи атәылаҿацә, Ҟрым, Кавказтәи Аминералтә ӡқәа рышьҭахь аԥшьбатәи аҭыԥ нкыло.

АҞӘА, ажьырныҳәа 28 - Sputnik. 2021 шықәсазы Аԥсны аԥсшьара аҭаххара еиҳахоит 10 - 20%, рыла, аҳәаанырцә плиажқәа жәпакы раркраамҭаан, Атәыла аҩныҵҟа антиковидтә уснагӡатәқәа алагаламхар асезон уаанӡатәи аамҭақәа ирықәыршәаны ихацыркхоит ҳәа агәаанагара рымоуп урыстәылатәи атуроператорцәа.

"Атуристцәа Аԥсны залыркаауа амзызқәа иреиуоуп COVID-19 азы ПЦР-тест аҭара ахьаҭахым, англыз бызшәала аршаҳаҭгақәа роура ахьаҭахым, арегион ахь урыстәылатәи атәылауаҩшәҟә ала аҭалара ахьауа, амҩа аамҭа рацәаны иахьақәыдмырӡуа", - азгәарҭеит "Интурист" аҿы.

Аилахәыраҟны еиҳа аԥыжәара змоу ҭыԥқәаны рыӡбахә рҳәоит акурортқәа Гагра, Пицунда, Афон Ҿыц, Аҟәа. Бжьаратәла Аԥсны рыԥсшьараамҭа 10-14 у/ҽ ыҟоуп.

АЛЕАН астатистика ала аҵыхәтәантәи аҩышықәса Аԥсны аҭаххара амоуп аныҟәаратә хырхарҭагьы. Убри азы 2021 шықәсаз атуроператор иазыԥхьагәеиҭеит автортә екскурсиатә турқәа Аԥсныҟа, Аҟәатәи аотельқәа рбазала. Ари аҩыза аԥсшьара аплиажтә ԥсшьарагьы иацымҩаԥугар ҟалоит.

Атуроператорцәа ргәаҭарақәа рыла традициала ԥхынгәы, нанҳәа амзақәа еиҳа аҭаххара рымоуп, аха ус шакәугьы лаҵарамзагьы азхьаԥшра арҭоит. Макьаназы цәыббрамза азыҳәақәа маҷны иазыҟаҵоуп.

Аекспертцәа иазгәарҭоит Аԥсны аотельқәа реиҳарак рыхәԥса шышьҭырхыз 5-10% рҟынӡа. Иҟоуп асезон-2020 аантәи ахәԥсақәа нзыжьызгьы.

Аобиект акатегориеи аҟазаара аамҭеи ирҿырԥшны ахәқәа реиҵатәра 7 -50% итәоит.

Ажьырныҳәа 27 азтәи адыррақәа рыла Москвантәи Шәачанӡеи шьҭахьҟаи аԥырра алаҵаны апакеттә турқәа ҩыџьа хынтәтәи рыкрыфара алаҵаны жәамш рыԥсшьара ахәԥса иартәоит:

  • 40,1 нызқь мааҭ (Аҟәа)
  • 48,2 нызқь мааҭ (Гагра).

Иара абри аамҭазтәи жәамштәи атурпакетқәа (ҩыџьа рзы, хынтәтәи рыкрыфара алаҵаны) иахьазы ирыхәԥсоуп:

  • 69,3 нызқь мааҭ (Гагра)
  • 66,1 нызқь мааҭ (Пицунда).
2