Цира Габния

Габниаԥҳа: ашаԥсыӷцәа ахеиқәырхаразы рыхдырра иацрымҵозар иагрыжьуам

36
(ирҿыцуп 15:53 01.12.2020)
Амшын Еиқәа аҿықә иаԥну адыгаа- ашаԥсыӷцәа рмилаҭ аиҭаҿиара иамшны ирылаҳәан ԥхынҷкәын 1, 1990 шықәса. Афольклорист, аетнолог Цира Габниаԥҳа арадио Sputnik аефир аҟны еиҭалҳәеит иахьазы ашаԥсыӷаа рҭагылазаашьа зеиԥшроу атәы.
Габниаԥҳа: ашаԥсыӷцәа ахеиқәырхаразы рыхдырра иацрымҵозар иагрыжьуам

Лазаревское аҳаблаҟны 30 шықәса раԥхьа имҩаԥысит Амшын Еиқәа аҿықә иаԥну адыгаа- ашаԥсыӷцәа раԥхьатәи аизара ду, уаҟа 1945 шықәсазы иқәгаз Ашаԥсыӷцәа рмилаҭтә раион аиҭашьақәыргыларазы Адекларациа рыдыркылеит. Аизара аделегатцәа ражәалагалала ԥхынҷкәын акы 1990 шықәса Шаԥсыӷтәыла аиҭаира иамшны иԥхьаӡазарц азыӡбан.

"Ашаԥсыӷцәа адыга жәлар рмилаҭ иахәҭакуп, ахҵәара ду иақәшәаанӡа (азеижәтәи ашәышықәсазы Ҭырқәтәылаҟа ахырҵәара- аред.) зегь раасҭа ирацәаз ҳәа иԥхьаӡан. Атрагедиа ашьҭахь рхыԥхьаӡара акыр имаҷхеит. Ирылиааз аҵеицәа хазынақәа, Руслан Гәашев аԥхьа днаргыланы, рыԥсадгьыл аҟны ахеиқәырхара даара аус адырулон. Дара рҵакырадгьылқәа областк аҳасабала амшын аҿықәан аҟалара акыр иазықәԥеит, аха уи азҵаара макьана иазымиааит. Аԥсуаҭҵааратә институт аҟынтәи аекспедициа ҳаҟан Кьычмаи. Нестор Лакоба аҭаацәара даналала, мызкы иԥшәма рқыҭа Цыԥка дыртәаны диман. Абри ахеиҭаҳәара, ахеиқәырхаразы иҟарҵаз, узҿыԥшыша рацәоуп. Абаҟақәа дыргылеит Кьычмаи ахеиқәырхара аформа аҳасабала, рыдгьыл дара ишыртәу, еиҵагыло абиԥарақәа уи рдырыртә, рыхдырраҿы инхап ҳәа. Рбызшәа еиқәырханы иҟоуп, имырӡкәа иааргоит. Ҳаԥсадгьыл аиқәырхара еиҵаӡам абызшәеи акультуреи реиқәырхара азҵаара. Уи ҳхашҭуеит. Ашаԥсыӷцәа уи рыхдырраҟны иӷәӷәоуп. Ҳара ҳаҟара ахақәиҭра шрымамгьы, рбызшәа аиқәырхара иашьҭоуп. Кьычмаи, егьырҭ амшын аҿықәан иҟоу анхарҭа аҭыԥқәа рҿы аума аԥсшьаҩцәа рацәаны ирҭаауеит. Ашаԥсыӷцәа рмилаҭ-культуратә хаҿсахьа аазырԥшуа ақәгыларақәа асценаҟны еиҿыркаауеит, абыргцәа аҭоурыхқәа еиҭарҳәоит. Абас еиуеиԥшым ахеиқәырхаратә формақәа ԥшааны, рыхдырра иацрымҵозар иагдырхом", - лҳәеит Габниаԥҳа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

36

Ҭарба апандемиа аамҭазы ансамбль "Кавказ" абзазашьазы: ҳусқәа еилажьны иҟоуп

11
(ирҿыцуп 20:58 26.01.2021)
Ансамбль "Кавказ" асахьаркыратә напхгаҩы, Аԥсны Жәлар рартист Арвелод Ҭарба арадио Sputnik аефир аҟны еиҭеиҳәеит аҿкычымазара иахҟьаны атәылаҟны иалагалоу аԥкрақәа ансамбль акәашацәа рҟазара ишаныԥшуа атәы.
Ҭарба апандемиа аамҭазы ансамбль "Кавказ" абзазашьазы: даара ҳусқәа еилажьны иҟоуп

Аԥсны Жәлар рартист Арвелод Ҭарба иҳәеит аҿкычымазара COVID – 19 шихьыз, аҳақьымцәа ирырҭо абжьгарақәа рыла аҩны иҭаацәеи иареи аҽыхәышәтәра ишахысуа.

"…ижәбоит акарантин ишацҵоу, даара ҳгәы хьаауеит, ансамбль аҟынтәи аҷкәынцәеи аӡӷабцәеи аҭел иасуеит, ҳанбаҭыҵуеи ҳәа иҵаауеит, ихьааргоит. Даара ҳусқәа еилажьны иҟоуп, азин ҳарҭар, аусура ҳанбалагои ҳәа иԥшуп. Ас еиԥш аҭагылазаашьа зынӡа ишьақәнарҟьагәышьоит, аха иҟаҳҵари? Досу хаҭала рҽазыҟарҵоит, аха уи ахәаӡом. Аусура ҳҭыҵыргьы мызкы-ҩымз аҽазыҟаҵара ӷәӷәа аҭаххоит, ижәбоит шаҟа аамҭа цахьоу. Мызкы аколлектив аԥсшьара ианауҳажьуаз, аусура ҿыц ҳалагазшәа ашьапеихгара ҳцәыцәгьан, уажәы шаҟа аамҭа ҵуа аус ҳамуеижьҭеи. Акәашаҩ ашьапылымпыласҩы диҩызоуп, иҽазыҟаимҵакәа ампыл иҭаны астадион дықәуҵар, ахы-аҵыхәа дызнеиӡом, игәы аангылоит, иԥсы акуеит, - ус иҟоуп акәашацәагьы", - иҳәеит Ҭарба.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

11
Атемақәа:
Аҿкычымазара – акоронавирус Аԥсни адунеи аҿи: иалкаау

Ҭаркьылԥҳа еиҭалҳәеит ашкол ахь ацара азин ҟалар, аҵаратә процесс шеиҿкаахо

73
(ирҿыцуп 17:48 26.01.2021)
Аҟәа ахадара аҵараусбарҭа аиҳабы Асҭанда Ҭаркьылԥҳа арадио Sputnik аефир аҟны еиҭалҳәеит аҿкычымазара иахҟьаны уажәтәи аԥкрақәа рыҿҳәара нҵәаны ашкол ахь ацара азин аныҟала аамҭазы, аҵаратә процесс шышьақәгылахо атәы.
Ҭаркьылԥҳа еиҭалҳәеит ашкол ахь ацара азин ҟалар, аҵара шеиҿкаахо атәы

Аԥсны иахьаҵанакуа акоронавирустә ҿкы COVID-19 аламырҵәаразы аԥкрақәа жәабран 10 рҟынӡа ирыцҵоуп. Урҭ инарықәыршәаны ашколқәраҟынӡатәии азеиԥшҵаратәи еиҿкаарақәа аус руам.

"Ари аамҭазы ашколи аҵаҩи реимадара акызаҵәык ауп иаҳнаҭаз, ахәыҷы ашкол ихамшҭуа аҟаҵара. Ҳара ҳханҳәны ҳаныҟала, ҳахьаанхаз ала ҳалагоит (аҵара-аред.). Ари ахәыҷқәа иддырҵаз, хаҭалатәи арҵаҩы изнеишьа атәы ҳахәаԥшӡом. Ахәыҷқәа аҩныҟа ианаҳашьҭуаз ирҵуаз ахь ҳгьежьыроуп. Хәыҷы-хәыҷла идырҵатәуп, аԥхынтәи амшқәа мызкы ацҵаны, насгьы асабша алаҵаны, ахәыҷқәа ирымҵаз зегьы харҭәаатәуп, убасҟан ауп инрыҭатәу ахәшьара", - лҳәеит Ҭаркьылԥҳа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

73

Аԥсны акоронавирус 85-ҩык ирыдырбалеит, аӡәы лыԥсҭазаара далҵит

4
(ирҿыцуп 23:55 26.01.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 11301-ы ыҟоуп, ргәы бзиахеит 9207-ҩык, рыԥсҭазаара иалҵит 161-ы.

АҞӘА, ажьырныҳәа 26 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 555-ҩык атестқәа рзыҟаҵан, урҭ рахьтә 85-ҩык акоронавирус рцәа ишалаз аадырԥшитҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы лыԥсҭазаара далҵит 1947 шықәса рзы ииз апациентка. Илзықәыргылаз адиагноз хадаакоронавирустә инфекциа ҿыц ауп, иара убас илыдбалан ҩганктәи ахәышәтәырҭанҭыҵтә аполисегментартә гәыҵәкра.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 125-ҩык, урҭ рахьтә 107-ҩык акоронавирус адиагноз рзышьақәыргылоуп, рҭагылазаашьа бааԥсуп 33-ҩык, ибжьаратәуп - 54-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 33-ҩык апациентцәа, Очамчыра ирхәышәтәуеит 18-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 25-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 48-ҩык апациентцәа.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау