Џьениа еиҭалҳәеит Гәдоуҭа араион аҟны онлаин аҵара иахьынӡазыҟаҵоу атәы

64
(ирҿыцуп 18:35 07.12.2020)
Гәдоуҭа араион аҵараҟәша аспециалист хада Римма Џьениа арадио Sputnik аефир аҟны еиҭалҳәеит иахьатәи аамҭазы араион аҟны аҵаратә процесс аиҿкааразы иазыӡбоу.
Раионк аԥсҭазаараҟынтә: Џьниаԥҳа Гәдоуҭа араион аҟны аҵаратә процесс иазкны

Аԥсны аҵареи абызшәатә политикеи рминистр Инал Габлиа ажьырныҳәа 12 рҟынӡа аҵаратә усҳәарҭақәа рҿы аҵаратә процесс аанкыларазы адҵа ҭижьит Аԥсны ахада атәыла ауааԥсыра COVID-19 рацәыхьчаразы иусдҵа шьаҭас иҟаҵаны. Адҵа инақәыршәаны ашколқәраҟынӡатәии абжьарапрофессионалтәи ҵараиурҭақәа налаҵаны аҵаратә процесс нкылахоит. Ашколқәеи аколлеџьқәеи рҟны аурокқәа рымҩаԥгара рабыжьгоуп абарҭ аформақәа руак рыла: Ишиашоу ицо аефир (нас иҭаҩны); заа иҭаҩу авидеоурокқәа; латәарадатәи асистема.

"Ашколқәа араион аҟны 29 ҳамоуп, иҭаҳҵаауан шаҟаҩы алшара рымоу аҭагылазаашьа атехника ахархәарала аҵаразы. Еилкаауп зегьы шеиқәшәам иахьатәи аамҭа иақәшәо атехнологиала аҵаразы. 30 процент ахәыҷқәа роуп ус еиԥш аҭагылазаашьа змоу. Онлаин-аурокқәа рымҩаԥгара реиҿкаара аҭахуп. Иҟоуп аҭаацәа аԥара шәаны зхәыҷқәа арҵаҩы иахь изышьҭуа, ус еиԥш злымшо ахәыҷқәа аган иавахоит. Аҵарашықәс азбжа ииасит, уажәшьҭа иуадаҩуп аҳәара ишыҟало. Сгәаанагарала аԥхынтәи амзақәа ахархәара рзутәуп", - лҳәеит Џьениа .

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

64
Радио студия Sputnik Абхазия

Аҩӡба Гәдоуҭа араион аҿы амаинингқәа рызҵааразы: ҳаԥсуарагьы ааҳарԥшыроуп

8
(ирҿыцуп 20:48 22.01.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араион аҿы ақыҭа ахадацәеи "Амшынеиқәафымцамч" аусзуҩцәеи алархәны имҩаԥгаз аизара атәы.
Аҩӡба Гәдоуҭа араион аҿы амаинингқәа рызҵааразы: ҳаԥсуарагьы ааҳарԥшыроуп

"Араион ахада иусԥҟала қыҭацыԥхьаӡа амаинерцәа рызҵаара аӡбаразы ақыҭақәа ахадацәа адҵа рыҭоуп. Уи адагьы дара рнапы иануп аҿкы чымазара аламырҵәаразы аԥсрақәа рҿы ашьаԥақәа ргыланы ауаа рыртәара аҵыхәа ԥҵәазарц. Аҭакԥхықәрақәа зегьы ақыҭа ахада идуп, ацхыраара иҭаххозар, араион аҟынтә ҳазыхиоуп. Адҵақәа анынамыгӡаха, досу иусураҟынтә ихы дақәиҭтәхоит ҳәа адырра ҳарҭеит, иара убас амаинингқәа рхаҭақәа раҿыхра адагьы, "Амшынеиқәафымцамч" аусзуҩцәа неины ацәаҳәақәа хырҵәарцаз. Иаарласны ақыҭақәа рхадацәеи ҳареи, абыргцәа рхеилак ахаҭарнакцәеи қыҭацыԥхьаӡа аизарақәа рымҩаԥгара ҳгәы иҭоуп. Аминингқәа змоу ҳрыҿцәажәоит, идеилҳаркаауеит аҭагылазаашьа ишьақәгылаз атәы, ари азҵаара аӡбараҿы ҳаԥсуарагьы ааҳарԥшыроуп", - ҳәа еиҭеиҳәеит Аҩӡба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

8

Қапба аҩнеихагылақәа рҿы амаинингқәа рызҵааразы: ҳара ҳзызку ацәгьаҳәароуп

16
Ирылшозеи аҩнусбарҭақәа амаинингқәа рызҵаараҿы, абри атәы арадио Sputnik аефир аҿы еиҭеиҳәеит Аҟәа ақалақь ахадара иаҵанакуа ахәбатәи аҩнусбарҭа азиндырҩы Аслан Қапба.
Хра злоу ахҭысқәа: Қапба аҩнеихагылақәа рҿы амаинингқәа рызҵаара иазкны

"Хықәкыла усқәак мҩаԥаҳгоит ҳҳәаргьы ииашахом. Аҟәа ақалақь ахадараҿы имҩаԥысит аизара, ари азҵаарала, уи иалахәын аҩнусбарҭақәа рхадацәа. Иара идҵала амаинингқәа ззықәгылоу ӡәыр даҳдыруазар, информациак раҳҭарц. Аха уи ашьақәыргылара цәгьоуп, избанзар, ажәлар ааины анхацәа ани имоуп ари имоуп ҳәа аӡәгьы дашшауам, аинформациагьы ҳаиҭом. Дара рыԥшаара ус имариам, уахьнеиша узымдыруазар, шьаҭанкыла зегь аимдара уигьы цәгьоуп. Иҳаҳауазаргьы уи уҳәансҳәанлоуп. Ҳара ҳнеиргьы иҳамаӡам азин уи аҿыхра, харак идҵара. Иаартны иаҳҳәозар, ацьгьа ҳҳәароуп - убриоуп ҳара ҳзызку. Ҳара ҳусбарҭа урҭ аусқәа ирызкым, иаартны усҳәоит, хықәкыла акы ҳаҿуп ҳәа шәасҳәар, мцуп", - ҳәа иҳәеит Қапба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

16
Атемақәа:
Аԥсны аенергетика апроблемақәа

Аԥсны атуристтә бренд алоготип аус адулараз аицлабраҿ иаиааиз далкаауп

3
Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра афинал ахь х-усумҭак неит, аусбарҭа асаит аҟны абжьыҭара алҵшәақәа рыла.

АҞӘА, ажьырныҳәа 23 – Sputnik, Асмаҭ Ҵәыџьԥҳа. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра афинал аҿы аиааиҩы далнакааит.

Ажиури рыбжьыҭарала аиааира игеит Санкт-Петербургтәи адизаинер, иара абжьқәа реиҳарак иоуит онлаин-бжьыҭараангьы. Аха убри аан ажиури ирҳәеит амакет еиҭа аус адулатәуп ҳәа.

Зегь раасҭа иалацәажәан амакет ианыз амандарина асахьа. Ажиури алахәылацәақәак ирҳәеит акцент зҭатәу Аԥсны аҭоурых-культуратә ҭынхоуп, аха егьырҭ ргәаанагарала ацитрус шәыр абренд ианаалоит, иареи ареспубликеи еиԥшныршьалоит азы ҳәа.

"Азеиԥш гәаанагара ацныҟәара аҭахым. Сара сзы амандарина аҳәаа аркра, аидара амҩангара, ауаа рӷарра ауп ианарԥшуа. Еиҳа аинтерес зҵоу асимволқәа ҳамоуп. Ақьырсиан культура ду ҳалаҽхәартә иҳамоуп", - ҳәа иҳәеит Баҭал Кобахьиа.

Иара диқәшаҳаҭхеит абрендинг азҟаза Анастасиа Краттлигьы.

"Абренд аамҭа иақәшәозар ауп, аха убри аан атәыла акультура аныԥшуазароуп", - ҳәа лҳәеит лара.

Аԥсны Апарламент адепутат Асҭамыр Аршба игәаанагарала амандарина аблокада аамҭа акәӡам изыдҳәалатәу, иԥсеиқәырхаганы акәын ишыҟаз, уи адагьы иара алоготип аҿы амра асахьоуп ианыԥшуа.

Аԥсны атуризм аминистр Ҭеимураз Хышба ажиури алахәылацәа иреиҳәеит абренд еиуеиԥшым аҭыԥқәа ишырныԥшуа: ацәашәҵатәы, аплиажтә хархәагақәа уҳәа реиԥш иҟақәоу. Аԥсуа орнамент ма афрескақәа абри аан рхархәара проблемахоит ҳәа иҳәеит иара.

Ажиури анеилацәажәа ашьҭахь иӡбан алоготип автор апроект аус еиҭадиуларц изырхынҳәра.

  • Туристический бренд Абхазии
    © Sputnik / Асмат Цвижба
  • Туристический бренд Абхазии
    © Sputnik / Асмат Цвижба
1 / 2
© Sputnik / Асмат Цвижба
Туристический бренд Абхазии

Аԥсны атуризм аминистрра ҳтәыла атуристтә бренд аус адуларазы аицлабра алахәхаразы арзаҳалқәа рыдкылара иалагеит абҵара 15 рзы. Аицлабраз иаашьҭын 54 макет. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабраҿ иалнакааит ԥхынҷкәын 28 рзы жәа-макетк. Дара аминистрра асаит аҿы иқәыргылан.

Афинал ахь, ажьырныҳәа 22 рзы х-усумҭак неиит. Аиааира игеит абжьеиҳа зауз автор, иагьианашьахеит 50 000 мааҭ.

3