Sputnik аредактор-аҭыжьҩы: ҳаԥхьаҩцәа разҿлымҳара иабзоураны иахьа уажәраанӡа аус аауеит
(ирҿыцуп 14:57 08.12.2020)
Sputnik Аԥсны асаит аԥсуа аверсиа аредактор-аҭыжьҩы Рада Ажьиԥҳа арадио иалҭаз аинтервиу аҿы еиҭалҳәеит асаит аусура шышьақәгылоу атәы.Sputnik аредактор-аҭыжьҩы: ҳаԥхьаҩцәа разҿлымҳара иабзоураны иахьа уажәраанӡа аус аауеит
Жәларбжьаратәи аинформациатә маҵзура Sputnik Аԥсны раԥхьаӡа акәны онлаин ахь ицәырҵит ԥхынҷкәын 8, 2014 шықәсазы. Уи аахижьҭеи иҵит фышықәса.
"Ҳзыӡырҩцәеи ҳаԥхьаҩцәеи иаадырԥшуа азҿлымҳара иабзоураны иахьа уажәраанӡа аус аауеит. Есымша ҳазҿлымҳауп аоперативла ажәабжьқәеи, актуалра зҵо аиҿцәажәарақәеи рызнагара. Аԥсуа версиа асаит аҟны х-ҩык аредакторцәа-аҭыжьыҩцәа ҳаҟоу, уи Алина Жьиԥҳаи, Наала Хьециаԥҳаи, сареи. Ҳара асаит аҿы иарбоу зегьы – авидео, аудио, асахьа, атекстқәа ҳнапы иҵыҵуеит. Уажә ааигәа дҳадаҳкылеит акорреспондент Наала Гәымԥҳа, лара хықәкыла аԥсуа версиазы аматериалқәа лыҩуеит. Иҳаԥхьо ирдыруеит, еиҳарак ҳажәабжьқәа шеиҭагоу, урҭ еиҭалгоит Светлана Ладариа. Аԥсшьарамшқәа раан иҭҳажьуеит иуникалтәу аматериалқәа, дара иаарышьҭуеит аштат анҭыҵ аус зуа авторцәа. Гагрантәи аматериалқәа аалышьҭуеит Саида Жьиԥҳа, арепатриантцәа ирызку аматериалқәа ҟалҵоит Сырма Ашәԥҳа, иара убас иҟоуп арубрика "Жәлар рдоуҳа" ҳәа, уахь ирыҩуеит Сусана Ҭаниаԥҳаи, Есма Ҭодуаԥҳаи. Дҳамоуп аколумнист Елеонора Коӷониаԥҳа, иара убас аԥсуа литература иадҳәалоу атемақәа рыла аматериалқәа ҳадигалалоит апоет Анатоли Лагәлаа", - ҳәа еиҭалҳәеит Ажьиаԥҳа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
- Sputnik Аԥсны фышықәса рыҩнуҵҟа: арбагақәа
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит
(ирҿыцуп 23:02 19.01.2021)
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу. Река ақыҭа афельдшер: ажәлар рзы даара иуадаҩу аҭагылазаашьа шьақәгылеит
"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.
Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.
"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Акоронавирус иазку ажәабжьқәа зегьы шәрыԥхьар ҟалоит абра>>
Ҳанагәуа: афермақәа аҿыхуп, аха рыуа-рҭахы рахь ишаны аҩнқәа рҿы иахьдыргылаз ыҟоуп
(ирҿыцуп 17:19 19.01.2021)
Гәылрыԥшь араион "Амшынеиқәафымцамч" афилиал аиҳабы Зураб Ҳанагәуа арадио Sputnik аефир аҿы еиҭеиҳәеит араион аҿы амаинингқәа рҿыхразы имҩаԥырго аусура атәы.Раионк аԥсҭазаараҟынтә: Ҳанагәуа Гәылрыԥшь амаинингқәа рзы
"Афермақәа ахьаҟәырхыз рыуа-рҭынха рахь ишаны аҩнқәа рҿы иахьдыргылаз ыҟоуп. Уи проблеманы иҟоуп атәыла зегьы аҿы. Ҳраион аҿы афермақәа иаҿыхны, еимыхны иҟоуп. Ҳара есыҽны агәаҭарақәа мҩаԥаагоит. Трансформаторк аҿы аӡәы днеины акы аԥишьыр, ихаҳҵәоит, ҳрацәажәоит. Иҟоуп ахҭысқәа ихҵәаны нас еиҭа имҵаа иахьаԥыршьуа, аха урҭ анаҩс еиҭа иаҿаҳхуеит. Аусутәқәа зегьы мҩаԥгахар, ҳаргьы ԥсеивгарак ҳауеит ҳәа сақәгәыӷуеит ", - ҳәа еиҭеиҳәеит Ҳанагәуа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
- Бараҭелиа: "сгәыла амаининг изықәгылоуп" ҳәа аӡәгьы иҳәараны дыҟам
-
Аминистрцәа Реилазаара аҳәынҭобиектқәа рҿы амаинингқәа рықәыргылара азин ҟанаҵом
Атемақәа:
Аԥсны COVID-19 рыдырбалеит даҽа 176-ҩык ауааԥсыра
АҞӘА, ажьырныҳәа 18 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 544-ҩык атестқәа рзыҟаҵан, урҭ рахьтә 176-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.
Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-ҩык, урҭ рахьтә 105-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 35-ҩык.
Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 20-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 24-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 60-ҩык апациентцәа.
Акоронавирус иазку ажәабжьқәа зегьы шәрыԥхьар ҟалоит абра>>