Бганԥҳа Ашықәс ҿыц аныҳәа Гагра ишаԥыло азы: ахәыҷқәа ныҳәада иаанҳажьӡом

128
Гагра араион акультура аҟәша аиҳабы Мадина Бганԥҳа арадио Sputnik аефир аҟны еиҭалҳәеит Ашықәс ҿыц аныҳәазы араион аҟны иазгәаҭоу ауснагӡатәқәа ртәы.

 

Бганԥҳа Ашықәс ҿыц аныҳәа Гагра ишаԥыло азы: ахәыҷқәа ныҳәада иаанҳажьӡом

"Ҳусутә план инақәыршәаны ақалақь Аиааира ашҭаҟны аконцерт ду мҩаԥаҳгап ҳәа акәын, аха аҿкы чымазара амҽхак ахьыҭбаау иахҟьаны уи аанкылахеит. Ахәыҷқәа ныҳәада рааныжьра ҵасым ҳәа ҳазхәыцны, араион анапхгара ҳацырхрааны ахәыҷқәа рзы аҳамҭақәа ааҳхәеит. Акультура аҩны гьамала ирхианы иҟоуп, есҽны уаҟа аус руеит Аҵаа Бабадуи Асҭыԥҳаи. Уахь имҩахыҵуа ахәыҷқәа ҳамҭада иаанҳажьуам. Аиааира ашҭаҟны есҽны аниматорцәа аус рулоит, уа иҟалоит Аҵаа Бабадуи Асҭыԥҳаи. Аныҳәатә программа ишаҳҭахыз инеиҵыхны иаҳзыҟамҵаргьы, ахәыҷқәа ныҳәада иаанҳажьӡом. Ҳгәы каҳажьыр ҟалаӡом", - лҳәеит Бганԥҳа.

 

Шәазыӡырҩы аудио.

Иара убас шәаԥхьар ҟалоит:

128

Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

327
(ирҿыцуп 23:02 19.01.2021)
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу.
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.

Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.

"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

327
Атемақәа:
Ачымазара ҿкы – акоронавирус Аԥсни адунеи аҿи: иалкаау

Ҳанагәуа: афермақәа аҿыхуп, аха рыуа-рҭахы рахь ишаны аҩнқәа рҿы иахьдыргылаз ыҟоуп

17
(ирҿыцуп 17:19 19.01.2021)
Гәылрыԥшь араион "Амшынеиқәафымцамч" афилиал аиҳабы Зураб Ҳанагәуа арадио Sputnik аефир аҿы еиҭеиҳәеит араион аҿы амаинингқәа рҿыхразы имҩаԥырго аусура атәы.
Раионк аԥсҭазаараҟынтә: Ҳанагәуа Гәылрыԥшь амаинингқәа рзы

"Афермақәа ахьаҟәырхыз рыуа-рҭынха рахь ишаны аҩнқәа рҿы иахьдыргылаз ыҟоуп. Уи проблеманы иҟоуп атәыла зегьы аҿы. Ҳраион аҿы афермақәа иаҿыхны, еимыхны иҟоуп. Ҳара есыҽны агәаҭарақәа мҩаԥаагоит. Трансформаторк аҿы аӡәы днеины акы аԥишьыр, ихаҳҵәоит, ҳрацәажәоит. Иҟоуп ахҭысқәа ихҵәаны нас еиҭа имҵаа иахьаԥыршьуа, аха урҭ анаҩс еиҭа иаҿаҳхуеит. Аусутәқәа зегьы мҩаԥгахар, ҳаргьы ԥсеивгарак ҳауеит ҳәа сақәгәыӷуеит ", - ҳәа еиҭеиҳәеит Ҳанагәуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

17
Атемақәа:
Аԥсны аенергетика апроблемақәа

Аԥсны COVID-19 рыдырбалеит даҽа 176-ҩык ауааԥсыра

11
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10784ҩык ыҟоуп, ргәы бзиахеит 8513-ҩык, рыԥсҭазаара иалҵит 152-ҩык.

АҞӘА, ажьырныҳәа 18 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 544-ҩык атестқәа рзыҟаҵан, урҭ рахьтә 176-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-ҩык, урҭ рахьтә 105-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 35-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 20-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 24-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 60-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

11
Атемақәа:
Ачымазара ҿкы – акоронавирус Аԥсни адунеи аҿи: иалкаау