Атәылауаҩи аиҳабыреи: Кәыҵниа аныҳәатә ԥсшьарамшқәа рзы иҟаз амашәырқәа ирызкны
(ирҿыцуп 11:15 05.01.2021)
Аҭагылазаашьа ҷыдақәа рзы аминистр Лев Кәыҵниа арадио Sputnik аефир аҿы еиҭеиҳәеит Ашықәс ҿыц ауха инаркны аԥсшьарамшқәа ирылагӡаны иҟалаз ахҭысқәа ртәы. Атәылауаҩи аиҳабыреи: Кәыҵниа аныҳәатә ԥсшьарамшқәа рзы иҟаз амашәырқәа ирызкны
"Ԥхынҷкәын 31 ауха рыцҳарас иҟалаз хҭыск ауп, ажәҭра амца акит. Егьыс ашықәс ҿыц ибзиан ҳҭалеит уҳәар ҟалоит. Аха амза аказы Гагра иҟалеит арыцҳара ӷәӷәа. Ахәыҷы иргыламыз аҩны алифт ашахҭа дҭаҳаит. Уи анаҩс Алаҳаӡы аҩны амца акит. Амцарцәаҩцәа ахьӡеит аҩны аиқәырхара, ахыб заҵәык ада. Уи ашьҭахь Гәылрыԥшь араион Ԥшьаԥ атрансформатор амца акит. Амза 2 рзы ахҭысқәа иаҳа ирацәахеит. аԥхарра иҟоу иахҟьаны ҳтәылахь иаауа аԥсшьаҩцәа рхыԥхьаӡара иацлеит. Мамзышьха дыӡит аԥсшьаҩы. Уи дыԥшаан. Уи адагьы Гагра гектарк аҟара абна амца акит ҳәа адырра ҳауит, уи хылаԥшра арҭон ҳаҷаԥшьаҩцәа, анхарҭатә ҩнқәа ԥырхага рынамҭартә еиԥш. Уажәазы уа амцакра ыҟаӡам. Уи аҽны Тамшьынтәи аҭел иасит ақынхаҩы дыӡит ҳәа. Анхацәа дара-дара еигәныҩны Тҟәарчал дрыԥшааит. Анаҩс Тҟәарчал аԥацха амца акит. Уи аиқәырхара иахьымӡеит ҳамцарцәаҩцәа, уи адагьы Гәымрышь аҩны амца акит, иара уигьы ӷәӷәала иблит, аҩны иалыргаз даара имаҷуп. Амза хԥа рзы Риҵа дыӡит аԥсшьаҩы, уи абнахьчаҩцәа рыбзоурала дыԥшаахеит", - еиҭеиҳәеит Кәыҵниа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
- Риҵа аӡиа азааигәа абнараҿы иӡыз атурист деибганы дыԥшаауп
-
Аԥснытәи аиқәырхаҩцәа дрыԥшааит ашьхараҿы иҟьалаз Москватәи атурист
Камкьиа: Миха Лакрба иҩымҭақәа, иновеллақәа сыԥсҭазаараҿы мҩақәҵагак исзаҩызоуп
(ирҿыцуп 14:26 19.01.2021)
120 шықәса раԥхьа диит ашәҟәыҩҩы Миха Лакрба. Аҿартә театр актиор Саид Камкьиа арадио Sputnik аефир аҿы иҳәеит аламыс азышәаҳәаҩ, Миха Лакрба иԥсҭазаараҿы иааникыло аҭыԥ.Аԥсны еицырдыруа ахьыӡқәа: Камкьиа Миха Лакрба иаԥҵамҭақәа ирызкны
"Миха Лакрба иҩымҭақәа, иновеллақәа сыԥсҭазаараҿы мҩақәҵагак исзаҩызоуп. Иара нагарҭа амаӡамкәа ҳҵас, ҳқьабзқәа ааирԥшуеит. Саргьы сыԥсҭазаараҿгьы абас сыҟандаз, абри еиԥш схы мҩаԥызгандаз ҳәа сгәы ианаанаго ыҟоуп. Миха Лакрба ихьӡ аҿар ираҳахьеит, аха шамахамзар, урҭ ашәҟәыԥхьара рҭахым, иҟалаз асоциалтә ҳақәа ирхырҟьаны. Иара иновеллақәа ашколтә программаҿы иҟоуп, убасҟан ауп ухы-угәаҿы ианаанхо, анаҩс уаныҩеидаслак, еиҭа саԥхьандаз ҳәа агәазыҳәара узцәырыргоит. Атеатр аҿгьы зны-зынла ҳанааидтәалалак, иаҳгәалашәоит урҭ ановеллақәа. Убасҟантәи аамҭаз иара ифырхаҵа абас иҟаиҵеит, аха иахьазы уи ус ауама ҳәа еилҳаргоит. Ановеллақәа рыла иҭыху афильм кьаҿқәагьы акырӡа ибзиоуп, урҭ зегьы аинтернет аҿы иузыԥшаауам, аха иҟоу иахәаԥшхьоу рҟынтә исаҳахьеит ишыргәаԥхаз ала", - ҳәа еиҭеиҳәеит Камкиа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит
(ирҿыцуп 09:22 19.01.2021)
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу. Река ақыҭа афельдшер: ажәлар рзы даара иуадаҩу аҭагылазаашьа шьақәгылеит
"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.
Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.
"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Акоронавирус иазку ажәабжьқәа зегьы шәрыԥхьар ҟалоит абра>>