Габниа еиҭеиҳәеит Баслаҭа инхо ӡыла реиқәыршәаразы аусқәа ахьынӡанагоу атәы
Раионк аԥсҭазаараҟынтә: Габниа Баслаҭа инхо ӡыла реиқәыршәара иазкны
"…Аӡрыжәтә ақалақь аҟынтәи иаагон. Ус ҳшыҟаз, аӡы ҳзыҟарҵеит ақалақь аҟынтәи иаауа, аха рыцҳарас иҟалаз, аӡеизакырҭа 400 нызқь кубометра зкуа, иахьшьоу аҟынтә аӡы иахәҭоу ирызҭаҭәом. Аӡы ҳазхом, аԥхын ауадаҩрақәа ҳамоуп. Аграфик ала ашәахьа, ахаша, ахәаша асааҭ акы инаркны фба рҟынӡа иҳарҭон. Ауаа зегь рахь аӡы знеиуамызт… Иҳаӡбеит аҭыԥан иҳамоу аӡхагалагатә станциаҟынтәи здиаметр маҷу аӡымҩангага шьҭаҵаны, уи аҟынтәигьы ауаа аӡныхтә рхы иадырхәо аҟаҵара, ақалақь аҟынтәи иаауа аӡрыжәтәгьы рто. Амаҭәахәқәа зегьы аахәаны ишьҭарҵахьеит, аныҳәақәа рышьҭахь иҟарҵозар ҳәа ауп", - иҳәеит Габниа.
Шәазыӡырҩы аудио.
Иара убас шәаԥхьар ҟалоит:
-
Раионк аԥсҭазаараҟнытә: Габниа Баслаҭа аӡазы иҟоу ауадаҩрақәа ртәы
-
Габниа еиҭеиҳәеит Баслаҭа ақыҭа абзазашьа атәы
Раионк аԥсҭазаараҟынтә: Барцыц Урыстәылатәи аделегациа Гагра аобектқәа ргәаҭара иазкны
Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсны иааны иҟоуп Аинвестициатә программала асоциал-економикатә ҿиара ацхрааразы аобиектқәа рыргылара шцо рбаразы.
Раионк аԥсҭазаараҟынтә: Барцыц Урыстәылатәи аделегациа Гагра аобиектқәа ргәаҭара иазкны
"Шықәсқәак раԥхьа Аинвестпрограммала иазгәаҭан Гагра иҳамоу аколоннада аремонттә усурқәа амҩаԥгара. Урҭ ирылагараны иҟан 2017 шықәса рзы, ихдыркәшаран иҟан 2019 шықәса рзы, аха адунеи аҿы иҟалаз аҭагылазаашьа иахҟьаны аусурақәа анкылан, аҳәаа аартра ашьҭахь дара аусурақәа инарыцҵаны имҩаԥган, насгьы ихыркәшан 2020 шықәса анҵәамҭазы. Аремонттә усурақәа рзы 17 миллион аԥара азоушьҭын, иахьа аусурақәа хыркәшоуп, акомиссиа иҟаз аусурақәа шымҩаԥгаз иахәаԥшит, даара ргәы иахәеит. Аԥсшьаҩцәа Аԥсныҟа иаауа раԥхьа ирбо изыргәырӷьаша аколоннада акәны иҟалоит", - ҳәа еиҭеиҳәеит Барцыц.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
-
Урыстәылатәи аделегациа Гагра Аинвестпрограммала идыргыло аобиектқәа гәарҭеит
-
Гагра ацрыҵрыцқьарҭеи астанциа маҷи: аурыс делегациа аинспекциа иацнаҵеит
Еицырдыруа ахьыӡқәа: Қәҭарба Шәлиман Цыба иҭоурых иазкны
Еицырдыруа ахьыӡқәа: Қәҭарба Шәлиман Цыба иҭоурых иазкны
"Бешьикташь аклуб аԥсуаа ишьақәдыргылеит ҳәа ирҳәо ииашоуп. Бешьикташь османуаа раамҭазы аԥсуаа, аубыхцәа, адыгаа ирацәаны иахьынхоз раионын. Усҟан ампыл асра игәнаҳаран ҳәа иԥхьаӡан, аԥсылманцәа афутбол иасӡомызт, кавказуаагьы ампыл асра азин рымаӡамызт. Аха аԥсуа, аубых ҷкәынцәа еизаны ари Башьикташь ҳәа иахьыҟаз аҳаблаҿы маӡала ампыл иасуан. Нас клуб шьақәдыргыларц рҭаххеит. Ажәанбацәа аишьцәа аҷқәынцәа ааизырган, ақәԥара иазку аклуб аадыртит", - ҳәа еиҭеиҳәеит Қәҭарба.
Шәлиман Цыба Џьгьарда датәуп. Сақариа ашкол дҭан, аашықәса данаԥхьа ашьҭахь Сҭамԥыл дцеит, уа Бешьикташь аҳаблаҿы дынхон. Раԥхьа Галатасараи иатәу аклуб аҿы аҵара далагеит, аха нас Бешьикташь иҟаз Қабашь ахь диасит, уа иҵара далгеит ҳәа еиҭеиҳәеит Қәҭарба.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Гәдоуҭатәи агоспитали галтәи арҵаҩцәеи рзы ашәарақәа рҭагылазаашьа атәы рҳәеит
(ирҿыцуп 10:22 16.04.2021)
Sputnik Аԥсны акорреспондент еиликаауан асоциалтә ҳа Феисбук аҿы Гәдоуҭатәи агоспитали Галтәи арҵаҩцәеи хымз ирықәуп ауалафахәқәа рмоуижьҭеи ҳәа ицәырҵыз аинформациа ахьынӡаиашоу.АҞӘА, мшаԥы 16 – Sputnik, Бадри Есиава. Гәдоуҭатәи араионтә хәышәтәырҭа амедусзуҩцәа ашықәс иаалагазар руалафахәы рызшәоуп ҳәа Sputnik иазеиҭеиҳәеит Гәдоуҭа араион афинанстә ҟәша аиҳабы Роман Гамсаниа.
Иара иҳәеит арахь иаҵанакуа ауалафахәқәа роуп, аковидтә центр аҿы аус зуа рзы ашәарацҵақәа ракәымкәа ҳәа. Урҭ ашәарацҵақәа Ареспубликатә биуџьет аҟынтәи ауп ишынарышьҭуа.
"Араион иарбанзаалак уал амам. Ажьырныҳәа, жәабран, хәажәкыра рзы аԥарақәа зегь шәоуп. Асоциалтә ҳаҿы излацәажәо аковидтә центр аусзуҩцәа рԥарацҵа акәзар ҟалап", - ҳәа иҳәоит Гамсаниа.
Аҵара аусхк аҿы акәзар, арҵаҩцәа руалафахәы роураҿы иҟан аиҵахара, аха урҭ аԥарақәа уажәы араион абиуџьет иахыԥхьаӡалоуп, ашәахьа инаркны ашәарақәа ирылагоит.
"Проблеманы иҟоу уи ауп - ҳара дотациатә раионуп. Ҳхатә ԥарақәа ҳазхом. Мызкахьала абиуџьетникцәа руалафахәы азы 27 миллион мааҭ ҳҭахуп. Убри азы аулафахәқәа реиҳарак ареспублика иашәоит. Ианаамҭоу иаарышьҭуам ҳәа сызҳәом, избанзар графикла амза 10 - 15 рзоуп ашәарақәа анымҩаԥырго. Ҩымш-хымш анахылало ҟалоит, аха уи учҳартә иҟоуп. Мызк ахыланы ауалафахәы ҳшәоны исгәалашәом", - ҳәа иҳәоит Гамсаниа.
©
Sputnik / Томас Тхайцук
Гәдоуҭатәи араионтә хәышәтәырҭа аҳақьым хада ихаҭыԥуаҩ Ангелина Оҭырԥҳа ишьақәлырӷәӷәеит ауалафахәы ашәаразы еиҵахара шыҟам, аиҵахара аҭыԥ шамоу аковид госпиталь аусзуҩцәа ршәарацҵаҿы.
"Иахьынӡаздыруа ала атәыла зегьы аҿы ашәарацҵа еиҵаханы иҟан. Ҳара ҳҿы мацара акәым. Уажәы асиақәа еиҿдырԥшуеит", - ҳәа лҳәоит Оҭырԥҳа, иагьазгәалҭоит ашәарацҵақәа зхьыԥшу амаҵзуреи аҷаԥшьара ахыԥхьаӡареи шракәу.
Аԥсны афинансқәа рминистр ихаҭыԥуаҩ Саид Гәбаз иҳәеит амедусзуҩцәа рзы ашәарацҵақәа Агәабзиарахьчара аминистрра ишышьақәнаргыло. Иароуп Афинансқәа рминистррахь аԥаразоужьразы азыҳәа ҟазҵо.
"Ажьырныҳәеи жәабрани рзы аԥарақәа шәоуп. Хәажәкыразы аминистрраҟынтә аинформациа ҳмоуцт", - ҳәа иҳәеит иара.
Sputnik аредакциа Агәабзиарахьчара аминистррахь аҭагылазаашьа аилкааразы иҵааит, аха макьаназы хҳәаа амоуцт.
Гал араион ахадара аҵара аҟәша аиҳабы Екатерина Габелиаԥҳа асоциалтә ҳақәа рҿтәи аинформациа мцуп ҳәа ахылҳәааит.
"Арҵаҩцәа ауалафахәы роухьеит. Еиҵахарак ыҟазаргьы, ҩбаҟа мчыбжь роуп, аԥсуа уалафахәи аурыс уалафахәи хаз-хазы иахьроуа аҟынтә. Ҳаҳасабеилыргаҩцәа ари аус адырулон. Убри ауп изыхҟьаз. Ииасыз амчыбжь азы ауалафахәы неит, аха еихша-еихшаны", - ҳәа лҳәеит лара.