Ԥлиаԥҳа 2020-тәи ашықәс Аԥсназы: аҳәынҭқарра дуқәа ирзышьҭымхуа ахҭысқәа мҩаԥысит
(ирҿыцуп 16:28 12.01.2021)
2020 -тәи ашықәс азы Аԥсны аҩныҵҟа имҩаԥысуаз аполитикатә хҭысқәеи, аҿкычымазара ицәырнагаз азҵаарақәеи, атәыла анапхгареи аоппозициеи реизыҟазаашьеи ртәы арадио Sputnik аефир аҿы еиҭалҳәеит аполитолог Далила Ԥлиаԥҳа.Ԥлиаԥҳа 2020-тәи ашықәс Аԥсназы: аҳәынҭқарра дуқәа ирзышьҭымхуа ахҭысқәа мҩаԥысит
"Иҳаҩсыз ашықәс ианалага инаркны зегьы ирбарҭан ишыхьынҭахаз, ажәлар рзгьы, аполитикатә процессқәа рзгьы. Алхрақәа еилганы иҭышәынтәалан аполитикатә процесс зымцеит, атәыла ахадарахьы иҟаз акандидат ичымазара иахҟьаны дзықәымгылаӡеит, Алхас Кәыҵниа далырхит, аха аҭышәынтәалара ҟамлаӡеит. Аполитикатә процесс иаҳа-иаҳа иацлон. Зегьы авба зырҭоз аиҳабыра ракәын. Ачынуаа зегьы мыцхәы рхымҩаԥгашьа ажәлар ирныруа иалагеит, ажәлар ирыдрымкыло иалагеит. Аҵыхәтәаны Рауль Ҳаџьымба арзаҳал иҩны дымцар амуит. Уи ашьҭахь атәыла ахада инапынҵақәа назыгӡоз Валери Бганба аус иуан хымз рыҩныҵҟа. Ҳаҩныҵҟа иҳаман даҽа проблемакгьы. Уи акоррупциазы азакәан азы имҩаԥысуаз ахҭысқәа роуп. Апарламент ықәцалан азакәан рыдыркылеит, аха аекспертцәа изларҳәо ала уи бжатоуп. Анаҩс атәыла ахада иалхрақәа рышьҭахь иаҳа аҭышәынтәлара ҟалеит. Хәыҷык иадымхаргьы аполитикатә процессқәа еиқәтәеит. Аслан Бжьаниа аҳәынҭқарраҿы аҭагылазаашьа шыуадаҩу ажәлар рҟынӡа инаигеит. Ииуа, дахьнеи-дахьааиуа иахьа зегьы ирбарҭоуп, иусура дазҿлымҳан дшазнеиуа, аҳәынҭқарра аусура аԥхьа иширгыло ажәлар ирныруа иалагеит ҳәа агәаанагара сымоуп", - ҳәа еиҭалҳәеит Ԥлиаԥҳа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ҭарба апандемиа аамҭазы ансамбль "Кавказ" абзазашьазы: ҳусқәа еилажьны иҟоуп
(ирҿыцуп 20:58 26.01.2021)
Ансамбль "Кавказ" асахьаркыратә напхгаҩы, Аԥсны Жәлар рартист Арвелод Ҭарба арадио Sputnik аефир аҟны еиҭеиҳәеит аҿкычымазара иахҟьаны атәылаҟны иалагалоу аԥкрақәа ансамбль акәашацәа рҟазара ишаныԥшуа атәы.Ҭарба апандемиа аамҭазы ансамбль "Кавказ" абзазашьазы: даара ҳусқәа еилажьны иҟоуп
Аԥсны Жәлар рартист Арвелод Ҭарба иҳәеит аҿкычымазара COVID – 19 шихьыз, аҳақьымцәа ирырҭо абжьгарақәа рыла аҩны иҭаацәеи иареи аҽыхәышәтәра ишахысуа.
"…ижәбоит акарантин ишацҵоу, даара ҳгәы хьаауеит, ансамбль аҟынтәи аҷкәынцәеи аӡӷабцәеи аҭел иасуеит, ҳанбаҭыҵуеи ҳәа иҵаауеит, ихьааргоит. Даара ҳусқәа еилажьны иҟоуп, азин ҳарҭар, аусура ҳанбалагои ҳәа иԥшуп. Ас еиԥш аҭагылазаашьа зынӡа ишьақәнарҟьагәышьоит, аха иҟаҳҵари? Досу хаҭала рҽазыҟарҵоит, аха уи ахәаӡом. Аусура ҳҭыҵыргьы мызкы-ҩымз аҽазыҟаҵара ӷәӷәа аҭаххоит, ижәбоит шаҟа аамҭа цахьоу. Мызкы аколлектив аԥсшьара ианауҳажьуаз, аусура ҿыц ҳалагазшәа ашьапеихгара ҳцәыцәгьан, уажәы шаҟа аамҭа ҵуа аус ҳамуеижьҭеи. Акәашаҩ ашьапылымпыласҩы диҩызоуп, иҽазыҟаимҵакәа ампыл иҭаны астадион дықәуҵар, ахы-аҵыхәа дызнеиӡом, игәы аангылоит, иԥсы акуеит, - ус иҟоуп акәашацәагьы", - иҳәеит Ҭарба.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.
Иара убас шәаԥхьар ҟалоит:
- Логәуа аҳәынҭқарратә ансамбльқәа рзы: рыпрофессионалтә ҩаӡара еиӷьзар ҟалон
-
Сурманиӡе аԥкрақәа рықәныҟәаразы агәаҭарақәа рылҵшәазы: ауаа иаҳа игәцараркит
Ҭаркьылԥҳа еиҭалҳәеит ашкол ахь ацара азин ҟалар, аҵаратә процесс шеиҿкаахо
(ирҿыцуп 17:48 26.01.2021)
Аҟәа ахадара аҵараусбарҭа аиҳабы Асҭанда Ҭаркьылԥҳа арадио Sputnik аефир аҟны еиҭалҳәеит аҿкычымазара иахҟьаны уажәтәи аԥкрақәа рыҿҳәара нҵәаны ашкол ахь ацара азин аныҟала аамҭазы, аҵаратә процесс шышьақәгылахо атәы. Ҭаркьылԥҳа еиҭалҳәеит ашкол ахь ацара азин ҟалар, аҵара шеиҿкаахо атәы
Аԥсны иахьаҵанакуа акоронавирустә ҿкы COVID-19 аламырҵәаразы аԥкрақәа жәабран 10 рҟынӡа ирыцҵоуп. Урҭ инарықәыршәаны ашколқәраҟынӡатәии азеиԥшҵаратәи еиҿкаарақәа аус руам.
"Ари аамҭазы ашколи аҵаҩи реимадара акызаҵәык ауп иаҳнаҭаз, ахәыҷы ашкол ихамшҭуа аҟаҵара. Ҳара ҳханҳәны ҳаныҟала, ҳахьаанхаз ала ҳалагоит (аҵара-аред.). Ари ахәыҷқәа иддырҵаз, хаҭалатәи арҵаҩы изнеишьа атәы ҳахәаԥшӡом. Ахәыҷқәа аҩныҟа ианаҳашьҭуаз ирҵуаз ахь ҳгьежьыроуп. Хәыҷы-хәыҷла идырҵатәуп, аԥхынтәи амшқәа мызкы ацҵаны, насгьы асабша алаҵаны, ахәыҷқәа ирымҵаз зегьы харҭәаатәуп, убасҟан ауп инрыҭатәу ахәшьара", - лҳәеит Ҭаркьылԥҳа.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.
Иара убас шәаԥхьар ҟалоит:
- Владимир Делба: Аԥсны аҵаратә процесс хацыркхар алшоит
-
Смыр аҵаратә процесс ахацыркразы: аҭагылазаашьа ҳҽаршьцыланы имҩаԥаҳгароуп
Аԥсны акоронавирус 85-ҩык ирыдырбалеит, аӡәы лыԥсҭазаара далҵит
(ирҿыцуп 23:55 26.01.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 11301-ы ыҟоуп, ргәы бзиахеит 9207-ҩык, рыԥсҭазаара иалҵит 161-ы.АҞӘА, ажьырныҳәа 26 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 555-ҩык атестқәа рзыҟаҵан, урҭ рахьтә 85-ҩык акоронавирус рцәа ишалаз аадырԥшитҳәа аанацҳауеит Ауааԥсыра COVID-19 рацәыхьчаразы аоперативтә штаб.
Гәдоуҭатәи ахәышәтәырҭаҿы лыԥсҭазаара далҵит 1947 шықәса рзы ииз апациентка. Илзықәыргылаз адиагноз хадаакоронавирустә инфекциа ҿыц ауп, иара убас илыдбалан ҩганктәи ахәышәтәырҭанҭыҵтә аполисегментартә гәыҵәкра.
Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 125-ҩык, урҭ рахьтә 107-ҩык акоронавирус адиагноз рзышьақәыргылоуп, рҭагылазаашьа бааԥсуп 33-ҩык, ибжьаратәуп - 54-ҩык.
Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 33-ҩык апациентцәа, Очамчыра ирхәышәтәуеит 18-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 25-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 48-ҩык апациентцәа.
Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.
Акоронавирус иазку ажәабжьқәа зегьы шәрыԥхьар ҟалоит абра>>