Раионк аԥсҭазаараҟынтә: Џьуӷьелиа Аҟәатәи аџьармыкьа аусура иазкны

27
(ирҿыцуп 16:42 17.01.2021)
Аҟәатәи аџьармыкьа хада ахылаԥшҩы еиҳабы Абдураҳман Џьуӷьелиа арадио Sputnik аефир аҿы еиҭеиҳәеит аџьармыкьа аусушьа атәы, насгьы ирацәоума урҭ амшқәа рзы ауааԥсыра рхыԥхьаӡара.

Аԥсны Аҳәынҭқарра Ахада Аслан Бжьаниа инапы аҵаиҩит жәабранмза 10 рҟынӡа ауааԥсыра акоронавирустә ҿкы COVID-19 рацәыхьчара иазку ауснагӡатәқәа ирыцҵазарц Адҵа. Аԥкрақәа ирыҵаркуеит ацәамаҭәеи афатәи рџьармыкьақәа аамҭа-аамҭалатәи русура.

Аҟәатәи аџьармыкьа хада аус аулоит мчыбжьык ахь ҩынтә: аԥшьашеи асабшеи. Ацәамаҭәатә џьармыкьа "Ахәаахәҭратә комплекс "Сухумприбор" аус аулоит аҩашеи амҽышеи.

Раионк аԥсҭазаараҟынтә: Џьуӷьелиа Аҟәатәи аџьармыкьа аусура иазкны

"Аныҳәақәа ирыхҟьаны макьана иуадаҩуп аҳәара аџьармыкьа аус анауа амш азы ауаа рацәахо ирацәамхо. Уажәы анеиааира иаҳа имаҷуп. Аџьармыкьа иаҵанакуеит иара аҩнуҵҟа иҟоу аргыларақәеи, ԥшьганк рҳәааи, амҩанхыҵ шьҭа аџьармыкьа иаҵанакӡом. Ҳара иҳаҵанакуа зегьы аркуп, аӡәгьы аус иуӡом. Изгәаԥхо ыҟоуп, аха уи ԥсыхәа змам ҳәа иԥхьаӡаны иҟаҵоу ауп. Аҭиҩцәа ршәахтә аус шаҟа мшы ируаз ала убри шәаны-изаны иршәоит ҳәа ауп ишыздыруа. Иахьатәи ала усоуп. Ҩышықәса раԥхьа ҳара архьшәашәага дуқәа ықәҳаргылеит, доусы ибжьысуа итауар уахь инаганы иҩнаиргылар алшоит. Убри ала ма ҳрыцхраар ҳалшоит. Егьыс ибжьысуагьы ҟалар ауеит, аха ари аԥшьызгаз уи рзымдыркәа иҟам", - ҳәа еиҭеиҳәеит Џьуӷьелиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

27

Аџьынџьал иҳәеит аҭыԥантәи ахаланапхгараҭарақәа рахь алхрақәа раан иалагалоу аԥсахрақәа

5
(ирҿыцуп 15:53 02.03.2021)
Алхратә комиссиа алахәылацәа раԥшьгарала аҭыԥантәи ахаланапхгараҭарақәа рахь алхрақәа рымҩаԥагаразы иалагалоуп азакәантә шьаҭа змоу арҽеирақәеи, арҿыцрақәеи ртәы арадио Sputnik аефир аҿы еиҭеиҳәеит Аҟәатәи алхратә комиссиа алахәыла Рисмаг Аџьынџьал.
Хра злоу ахҭысқәа: Аџьынџьал аҭыԥантәи ахаланапхгараҭарақәа рахь алхрақәа рымҩаԥгара иазкны

Аҟәатәи алхратә комиссиа аинициативтә гәыԥқәа ашәҟәы ранҵара хацдыркуеит хәажәкыра 2 инаркны.

Аԥсны Аҳәынҭқарра Азакәан "Аԥсны Аҳәынҭқарра аҭыԥантәи ахаланапхгараҭара аусбарҭақәа рахь алхрақәа рымҩаԥгаразы" ахәҭаҷ 5 инақәыршәаны, алхрақәа мҩаԥгахоит 2021 шықәса мшаԥы 11 рзы".

"Акомиссиа астатус амазароуп. Алхарақәа рымш аҽны ауаа аусутә раҳҭоит алхрақәа аус рыдырулартә еиԥш. Алхратә комиссиа ирылаҭалатәуп ауалафахәы. Азакәан излаҳәоз ала уи азы азин ҳамамызт, аӡәы аусура иааԥхьара, уи азы аԥара изшәаразы, аха уажәшьҭа уи аҭагылазаашьа ԥсахуп. Аҩбатәи- есымша проблемас иҳаман алхратә сиақәа. Хаҭала асиақәа уанрызхәыцлак, алхраҿы ауаҩы ихы рылаирхәуеит атәылауаҩшәҟәы ала. Закәанла уахәаԥшуазар, алхратә сиақәа иаҳа ииашаны измоу апаспорт-визатә маҵзуроуп. Шықәсқәак раԥхьа апаспортизациа Аԥсны имҩаԥган, аҩныҵҟатәи аусқәа рминистр иахь ашәҟәы ҳҩит, дахаҵгылеит, иҳауит апаспортә-визатә маҵзура иамоу абаза. Убарҭ рыла аус хурц ҳҭахуп, еилаҳкаарц ҳҭахуп, шаҟаҩы Аҟәа инхо. Иара убас иԥсахын алхырҭатә ҭыԥқәа. Иҟан аҭыԥқәа 400-ҩык алхрақәа рхы ахьрыладырхәуаз, иҟан 1500-ҩык раҟара алхыҩцәа ахьыҟазгьы. Иахьынӡаҳалшоз зегьы еиҟараны еицырзеиԥшны иҟаҳҵеит", - еиҭеиҳәеит Аџьынџьал.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

Иара убас шәаԥхьар ҟалоит:

5

Цәеиба Аҟәатәи афымцеихшарҭақәа рзы: иқәгылоу атрансформаторқәа рымчхара маҷуп

6
(ирҿыцуп 08:31 02.03.2021)
Аҟәатәи аподстанциақәа ргәыԥ аусзуҩ Денис Цәеиба арадио Sputnik аефир аҿы еиҭеиҳәеит аҳҭнықалақь аҿы иҟоу афымцеихшарҭақәа ацәаҳәақәа рымчхара анеизҳауа аамҭазы рҭагылазаашьа атәы.
Цәеиба Аҟәатәи афымцеихшарҭақәа рзы: иқәгылоу атрансформаторқәа рымчхара маҷуп

"Аҟәа аподстанциақәа хәба ыҟоуп, дара зегьы раионцыԥхьаӡа иаҵанакуеит. Ҩышықәса - хышықәса ҵуеит ақәыӷәӷәарақәа ирыцлеижьҭеи, аха уажәы иаҳа анырра ҟало иалагеит. Дара астанциа маҷқәа рҿы иқәгылоу атрансформаторқәа амчхара ирымоу иахысуа иалагеит. Ақалақь азҳара иаҿуп. Ауаа рхыԥхьаӡара иацлеит. Анаплакқәа еиҳахеит. Ахьҭақәа раан иаҿаркуа амаругақәа иаҳа ирацәахоит. Алашара аҩнаҭаҿы инеиаанӡа ацәыӡгьы рацәоуп ацәаҳәақәа ирыхҟьаны. Аҭагылазаашьа зынӡагьы ицәгьоуп ҳазҳәаӡом, хәыҷы-хәыҷла аԥсахра иаҿуп амаругақәа. Хәышықәса рахьтә знык имҩаԥгалатәуп апрофилактикатә усурақәа. Акапиталтә усурақәа ракәзар, "Синоп" аподстанциа 2014 шықәса рзы ихыркәшан, аподстанциа "Аҟәа-2" ҟаҵан 2016 шықәса рзы. Уажәы "Аҟәа-1" аҿы Аинвестпрограммала аусурақәа мҩаԥысуеит. Акызаҵәык, арҭ аподстанциақәа рҿы атрансформаторқәа зымчхара иаҳа иҳараку ықәыргылахом макьана, апроект аханатә ианышьақәдыргылоз иарбамызт", - ҳәа еиҭеиҳәеит Цәеиба.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

6
Атемақәа:
Аԥсны аенергетика апроблемақәа

"Аруаа" адҵа ҟарҵоит ҩаӡарарацәалатәи Қырҭтәыла алацәажәарақәа ирҟәаҵтәуп ҳәа

8
Аҩаша, хәажәкыра 2 рзы Аҟәа, Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

АҞӘА, хәажәкыра 2 - Sputnik. Апарламент ахь инеиз аоппозициатә партиа "Аруаа" адҵа ҟарҵоит Аԥсны адәныҟаполитикатә концепциаҿы ҩаӡарарацәалатәи Қырҭтәыла алацәажәарақәа ирҟәаҵтәуп ҳәа.

"Арҭ ауаа – ақырҭцәа, ҳара ҳраӷаны ҳарбоит. Урыстәылатәи аҳәаахьчаҩцәа ракәымзар егьараантә абџьар шьҭыхны иҳақәлахьазаарын. Аахыҵ Уаԥстәыла иҟалаз ҳара ҳҿгьы иҟарҵон. Ахада иконцепциаҿы иарбоуп ҩаӡарарацәалатәи аизыҟазаашьақәа, ари иалацәажәатәума ҳәынҭқарраны ҳрымԥхьаӡозар?", - иҳәеит аиҿкаара "Аруаа" алахәыла Ҭемур Надараиа.

Надараиа иара убасгьы дазааҭгылеит ахәаахәҭратә еизыҟазаашьа. Аполитикатә зҵаарақәа ӡбамкәа ахәаахәҭра азҵаара алацәажәара иашам ҳәа азиԥхьаӡоит иара.

"Ҳара иаҳҭаху иацы ирылаҵәаз авидео азы адепутатцәа ргәаанагара адырреи, Апарламент аполитикатә зҵаарақәа рыӡбаанӡа иарбанызаалак ахәаахәҭратә формақәа ралмыршараз азакәан адкылареи роуп", - иҳәеит Надараиа.

Иара иҳәеит Қырҭтәыла алахәаахәҭра аԥсадгьыл аинтересқәа рыҭира акәны ишахәаԥштәу.

Аҩаша, хәажәкыра 2 рзы Аҟәа, Ахақәиҭра ашҭаҿы ауаажәларратә еиҿкаара "Аруаа" ааԥхьара ҟанаҵеит ачынуаа Қырҭтәыла рцара згәы амырҭынчуа зегьы еизарц азы.

Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

Ауаажәларратә еиҿкаарақәа рхаҭарнакцәа – ауаажәларратә ветерантә еиҿкаара "Аруаа" аиҳабы Ҭимур Гәлиа, АУЕ "Аруаа" Иреиҳаӡоу ахеилак алахәыла Ҭемур Надараиа, апартиа "Аԥсны" аиҳабы Витали Габниа, Жәлар ракзаара Афорум аиҳабы Аслан Барцыц Бенура Қвираиа иумҭа ахәшьара аҭаразы Апарламент адепутатцәа рыҿцәажәаразы инеиит. Аицәажәара ашьҭахь дара ахада иахь инеираны иҟоуп.

Уаанӡа аопоззициатә партиақәа рхаҭарнакцәа аҳәамҭа ҟарҵахьан Бенур Қәираиа ԥхьатәара ицаразы адҵа шыҟаҵахо азы. Убри аан ахада Иусбарҭа аҳәамҭа ҟанаҵеит Қвираиа жәабран 19 рзы инапынҵақәа шьҭеиҵеит ҳәа.

"Аԥсны Аҳәынҭқарра адәныҟатә политика аконцепциазы" адҵа Аслан Бжьаниа инапы аҵеиҩит ԥхынҷкәын 7 рзы.

Аконституциа инақәыршәаны атәыла ахада иҳәаақәиҵоит адәныҟатәии аҩныҵҟатәии политика ахырхарҭақәа.

Иара убас шәаԥхьар ҟалоит:

8