Гамгьиа амаинингтә маругақәа рзы: аӡәы ҳаимазҵаакәа аҿакра ҳхы иаҳзаҭәашьом

242
(ирҿыцуп 15:15 26.01.2021)
Гәылрыԥшь араион аҟны инхо Адгәыр Гамгьиа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны игәаанагара иҳәеит амаинингтә фермақәа рҿыхра ироуа афымцамч ахаҭабзиара ишаныԥшыз атәы.
Раионк аԥсҭазаараҟынтә: Гамгьиа амаинингтә фермақәа русура иазкны

"Иҟоуп раионла иахьырԥырхагоу (амаинингтә фермақәа – аред.), џьара идырцәоит алашара, иҟоуп иахьмаҷу. Ҳара ҳганахьала Гәылрыԥшь араион аҟны даара иаҳԥырхагоуп ҳәа збом амаинерқәа. Уаанӡа ишыҟаз еиԥш иҟоуп алашара сахьынхо. Иара амаинингқәа ирыхҳәааны исҳәар сҭахын, аҷкәынцәа аџьабаа рбеит, аԥара рацәа ахҭнырҵеит. Иахьа Аԥсны аԥарарҳара маҷуп, рхы иахәаны акы ҟарҵозар, алашара ахә аофициалла иршәо, ишахәҭоу азин роуны лшарак ҟалар ицәгьамызт ҳәа сгәы иаанагоит. Ҳԥарагьы Аԥсынра иҭыҵны џьаргьы ицаӡом, анхара иадҵахоит. Алшара ҟалар закәанла алашаразы иахәҭоу аофициалла ауаҩы днеины ишәо, уи бзиагәышьоуп. Ак ҳамазар акәхақәап ҳаргьы (акриптоԥара арҳаразы амаргуақәа рзы-аред), иаҿашәымкын афымцалашара амч амаӡам рҳәан, ирцәаны иҟоуп зегьынџьара, сара сҿы мацара акәым. Уаҩы ҳаимазҵаакәа аҿакра ҳхы иаҳзаҭәашьом, азакәангьы ҳацныҟәароуп, аиҳабыра ирҳәогьы ҳаизхәыцны акахьы ҳкылсроуп ҳәа сгәы иаанагоит", - иҳәеит Гамгьиа.

Иара иазгәеиҭеит аҳәынҭқарраҟны амаинингтә фермақәа русуразы азин аныҟала, киловатт сааҭ цыԥхьаӡа амаинерцәа иршәо азы аофициалла ашәахтә рықәырҵар, дшазыразу уи ахшәаара.

Шәазыӡырҩы аудио.

Иара убас шәаԥхьар ҟалоит:

242
Атемақәа:
Аԥсны амаинингтә фермақәа раҿыхра (70)
Диана Ахба

Аҭоурых иагәылаҵәаху: Ахԥҳа Аԥсны аҩыҟаҵареи аӡахәааӡареи ирыдҳәалоу ажәытә ԥшаахқәа ртәы

11
Аԥснытәи аҳәынҭқарратә музеи ажәытәӡатәи абжьаратәи ашәышықәсақәа рыҟәша аиҳабы Диана Ахԥҳа арадио Sputnik аефир аҟны дрылацәажәеит аҩыҟаҵареи аӡахәааӡареи ркультура Аԥсны акырӡа шахыҵуа шьақәзырӷәӷәо археологиатә ԥшаахқәа ртәы.
Аҭоурых иагәылаҵәаху: Ахԥҳа Аԥсны аҩыҟаҵареи аӡахәааӡареи ирыдҳәалоу ажәытә ԥшаахқәа ртәы

Шәазыӡырҩла арубрика "Аҭоурых иагәылаҵәаху" есмҽыша арадио Sputnik Аԥсны аефир аҿы.

Иара убас шәаԥхьар ҟалоит:

11

Блабба афымцаусзуҩцәа аҵарахьы иаадырԥшыз агәаҳәаразы: аԥышәа атеориа ацумҵар, иуадаҩуп

16
ААУ агро-нџьныртә факультет аенергетика акафедра арҵаҩы, "Амшынеиқәафымцамч" аусзуҩ Саид Блабба арадио Sputnik аефир аҟны еиҭеиҳәеит аенергетик изанааҭ азҿлымҳара ахьынӡамоу, аҿар уи иацу аҭакԥхықәра шеилыркаауа атәы.
Блабба афымцаусзуҩцәа аҵарахьы иаадырԥшыз агәаҳәаразы: аԥышәа атеориа ацумҵар, иуадаҩуп

Жәабран 22 инаркны хәажәкыра 5-нӡа Аԥснытәи аҳәынҭқарратә университет аҟны латәарадатәи аҟәша "Афымцаенергетикеи афымцатехникеи" рхырхарҭала аҩбатәи азанааҭ аиуразы ашәҟәқәа рыдыркылоит. Ас еиԥш ажәалагала ҟарҵеит "Амшынеиқәафымцамч" анапхгара.

"…Ҳусзуҩцәа рыбжьара иҟоуп раԥхьа ишьҭырхыз азанааҭ афымца аус адулара иадҳәалам. Аԥышәа шьҭыркааит, акыр аамҭа аус рухьеит, аха азҵаара цәырҵит атеориа аганахьалагьы. Аԥышәа акраҵанакует, аха атеориа ацумҵар ауадаҩрақәа амоуп ас еиԥш азанааҭ, уи удыруазароуп. Уи инамаданы аҷкәынцәа, аӡӷабцәа аус ҳацызуа исарҳәеит ацхыраара рысҭарц, аҩбатәи азанааҭ шьҭыркаарц азы. Ус еиԥш азҵаара цәырҵит ҩышықәсаҟа раԥхьа. Гәыԥк азхара ауаа ҳзеизымгеит усҟан, аҵаразы аԥара ахшәаарагьы злымшоз ыҟан. Ааигәа "Амшынеиқәафымцамч" ахада иасҳәеит ҳусзуҩцәа аҩбатәи азанааҭ роурц азы аҵара рҵар шырҭаху. Ахә уадаҩрас иҟарымҵааит, иҳаӡбоит аниҳәа, акафедра адекан иласҳәеит агәыԥ еизаҳгарц шаҳҭаху, амала латәарадатәи аҟәша, аусуреи аҵареи еиларыгӡарц",- иҳәеит Блабба.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

16

Ашьапылампыл азы Аԥсны аҿар еизгоу ркоманда Ростов акоманда иаҵахеит

8
(ирҿыцуп 19:28 28.02.2021)
Аԥсназы ростовтәи акомандеи иареи реицыхәмарра аԥшьбатәи аиҩызаратә хәмарра акәхеит аҵара-ҽазыҟаҵаратә ҽеизгарақәа рҳәаақәа иҭагӡаны.

АҞӘА, жәабран 28 – Sputnik. Ашьапылампыл азы Аԥсны аҿар еизгоу ркоманда Ростовтәи Аолимпиатә резерв аучилишье акоманда иаҵахеит амҽыша жәабран 28 рзы. Абри азы адырра ҟанаҵоит Аԥсны Аспорт азы аҳәынҭеилакы.

Ҭамаз Бжьаниа иааӡамҭацәа Аԥсни Урыстәылеи зҽаԥсазтәыз разыҟаҵаҩ Александр Тумасиан иазыҟаиҵо акоманда иацыхәмаруан Шәача Аолимпиатә парк аҟны, иагьхыркәшахеит 2:1 ҳәа ростоваа риааирала.

Ахәмарра даҭааит Аԥсны Аҿари аспорти рзы аҳәынҭқарратә еилакы ахантәаҩы Џьамал Гәбаз, иара Александр Тумасиан идиныҳәалеит "Ахьӡ-аԥша" аорден III аорден ахьианаршьаз, уи азы Аԥсны ахада аусԥҟа инапы аҵаиҩхьан жәабран 9 рзы.

"Сара сазыҟаҵаҩ Александр Тумасиан аорден ахьианаршьаз идсныҳәалоит. Ари ауаҩ еснагь аԥснытәи аспортсменцәа илаԥш рхуп, ҳтәылаҿы аспорт арҿиара, аларҵәара дацхраауеит. Сынтәа иара ибзоураны аԥснытәи ашьапылампыласцәа қәыԥшқәа ааҩык Ростовтәи аолимпиатә резерв иаҵанакуа атәылаҿацәтә училишье иҭалеит. Иара гәыла-ԥсыла аспорт даласоуп, ианаауҭаххалак зегь рыла дувагылоит", - ҳәа азгәеиҭеит иара.

Ашьапылампыл азы Аԥсны аҿар ркоманда аҵара-ҽазыҟаҵаратә еизгарақәа рҳәаақәа ирҭагӡаны уаанӡа иацыхәмаруан шәачатәи акоманда "Медик", урҭ ирыҵахеит 4:0 ҳәа. Анаҩс ирыцыхәмарит аклуб "Шәача", аԥснытәи акоманда ари ахәмарраан иаиааит 4:2 ҳәа. Анаҩс, ҳкоманда астрахантәи "Волгарь" адубль иацыхәмарит, ара "Волгарь" аиааит 4:1 ҳәа.

8