Џьынџьал Тҟәарчал ашахтақәа аус аныруаз аамҭазы: ақалақь аԥсҭазаашьа бзиан, ауаа рацәан

11
(ирҿыцуп 16:03 01.02.2021)
75 шықәса раԥхьа уажәааны Тҟәарчал иаатит арацәаҵхырҭа аҩбатәи ашахта. Актәи аусура иалагахьан 1935 шықәса рзы. Акыр шықәса ашахҭақәа рҿы аус зухьаз Анатоли Џьынџьал арадио Sputnik аефир аҿы еиҭеиҳәеит Тҟәарчал арацәа аныҵырхуаз аамҭазы ақалақь аԥсҭазаашьа зеиԥшраз.
Џьынџьал Тҟәарчал ашахтақәа аус аныруаз аамҭазы: ақалақь аԥсҭазаашьа бзиан, ауаа рацәан

"Арацәа асоветтә ҳәынҭқарраан ахьы еиқәаҵәа ҳәа иашьҭан. Даара азҿлымҳара арҭон, избанзар арацәада аџыр узырҭәомызт, аҩнқәа узырԥхомызт. Усҟан арацәа ахархәара бзиа аман. Сара Тҟәарчал сҵара салган сааит 1981 шықәса рзы. Усҟан ақалақь аԥсҭазаашьа бзиан. Ауаа рацәан. Сара афбатәи ашахтахь аусура срышьҭит. Усҟантәи аамҭаз имаҷын аԥсуа специалистцәа ашахтақәа рҿы аус зуаз. Аус зуаз ракәзар, зегьы ауалафахәы бзиа роуан, ибзиан инхон. 80-тәи ашықәсақәа рзы Тҟәарчал аус руан быжь-шахтак. Усҟан ара иҵырхуан миллионки бжаки арацәа. Актәи ашахта аноурыжь аамҭазы аибашьра ыҟан. Донбасс аркын. Уаантә ашахтиорцәа Тҟәарчал иааган. Аибашьра анеилга ашьҭахь ҳрацәа Урыстәылаҟа, Украинаҟа иргон. Усҟан аҳәаақәа ыҟамызт. Ашахта аиҳабы иҵихуаз иахьыҭиуа атәы дазхәыцуамызт. Иара идыз аплан наигӡар акәын", - ҳәа еиҭеиҳәеит Џьынџьал.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

Иара убас шәаԥхьар ҟалоит:

11

Џьопуа Тҟәарчалтәи аџьармыкьазы: апроект ала иаартны иазгәаҭоуп, аха иаркызар иаҳа еиӷьхон

12
(ирҿыцуп 19:41 24.02.2021)
Тҟәарчалтәи аџьармыкьа аиҳабы Сасрыҟәа Џьопуа арадио Sputnik аефир аҿы еиҭеиҳәеит аџьармыкьаҿы ицо аргыларатә усурақәа ртәы.
Раионк аԥсҭазаараҟынтә: Џьопуа Тҟәарчалтәи аџьармыкьа аиҭашьақәыргылара иазкны

"Аремонттә усурақәа ирзоурыжьран иҟоуп 3 миллионки 500 нызқь мааҭи. Урҭ аԥарақәа ҳарзыԥшуп. Апроект ала аџьармыкьа аартны иазгәаҭоуп, аха иаркызар иаҳа еиӷьхон. Уажәы ахәаахәҭразы аџьармыкьахь иааиуа ауаа маҷуп. Иахьықәгыло ыҟаӡам, ақәа леи, асы леи, адәы иқәгылазароуп. Бедиа ибгаз амҩа иахҟьаны аџьармыкьаҿы ахәаахәҭыҩцәа агхеит. Уажәы ауаа адәахьы ихәаахәҭуеит, астолқәа ргыланы ирымоуп", - ҳәа еиҭеиҳәеит Џьопуа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

12

Жәлар рдоуҳа: Ҭодуаԥҳа аҳамҭақәа рҵакы, урҭ рахьынтә аԥхьа игылоу

6
(ирҿыцуп 17:48 24.02.2021)
Аҳамҭа аҵакы, аҳамҭақәа рҟынтәи зегь раԥхьа игылоу, иреиҳау уҳәа ртәы дазааҭгылоит Нарҭдырреи адәынтәи афольклорҭҵаареи рцентр аҭҵаарадырратә усзуҩы Есма Ҭодуаԥҳа.
Жәлар рдоуҳа: Ҭодуаԥҳа аҳамҭақәа рҵакы, урҭ рахьынтә аԥхьа игылоу

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит абра>> "Амалқәа зегьы ирмалу" – аҳамҭа аҵаки ҳамҭас иҟарҵои

 

6

Иҳаҩсыз уахыки-ҽнаки рыла Аԥсны акоронавирус ҩажәаҩык ирыдырбалеит

5
(ирҿыцуп 21:06 24.02.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12745-ҩык ыҟоуп, ргәы бзиахеит 12097-ҩык, рыԥсҭазаара иалҵит 196-ҩык.

АҞӘА, жәабран 24 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 260-ҩык атестқәа рзыҟаҵан, урҭ рахьтә 20-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 49-ҩык, урҭ рахьтә 43-ҩык акоронавирус адиагноз рзышьақәыргылоуп, рҭагылазаашьа бааԥсуп 16-ҩык, ибжьаратәуп - 14-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 12-ҩык апациентцәа, Очамчыра ирхәышәтәуеит быжьҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 13-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 14-ҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12745-ҩык ыҟоуп, ргәы бзиахеит 12097-ҩык, рыԥсҭазаара иалҵит 196-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

5
Атемақәа:
Аҿкычымазара – акоронавирус Аԥсни адунеи аҿи: иалкаау