Батал Хагуш

Хагәышь иҳәеит апандемиа аамҭазы ауниверситет аҿы аҵаратә процесс ацҵара шалыршахаз

588
(ирҿыцуп 11:03 02.02.2021)
ААУ афилологиатә факультет адекан Баҭал Хагәышь арадио Sputnik аефир аҿы еиҭеиҳәеит иреиҳаӡоу аҵара усбарҭаҿы аӡынтәи асессиа шымҩаԥысуа.
Хра злоу ахҭысқәа: Хагәышь ААУ аӡынтәи асессиа амҩасшьа иазкны

"Аԥышәарқәа раԥхьа алекциақәа мҩаԥгатәын, акурсқәа еихшахеит ауаа рацәамхарц азы, ҩба-ҩба курс хԥа-хԥа мшы рыҭаны иҟаҳҵеит. Ауадақәа рҟны итәаз 10-ҩык иреиҳамызт. Онлаинла имҩаԥаҳгаз амаҭәарқәа ыҟоуп, урҭ азеиԥштә маҭәарқәа афилософиа, аполитологиа уҳәа. Егьырҭ алекциақәа абызшәа иадҳәалоу, иааганы ҳарзаԥхьон. Урҭ амаҭәаркәа рылоуп анаҩс аԥышәарақәагьы шымҩаԥгазгьы. Иааз алекциақәа раан аӡәгьы дычмазаҩханы дымцеит. Аҭагылазаашьа иҳамаз ҳхы иархәаны, ирмарианы, алекциақәа мҩаԥаагеит. Азшьақәа зегьы онлаинла иҳадаҳкылеит. Аԥышәарқәагьы џьара-џьара онлаинла иаԥхьозгьы ҟалеит, избанзар 60- шықәса ирхысхьоу аусзуҩцәа аԥкрақәа ирыҵаркит. Дара техникала еиқәыршәан, аҩнынтә онлаинла аҵаҩцәа ирзаԥхьо. Астудентцәа зегьы ирыман аҭагылазаашьа аҵараҵара. Онлаин аҵара ҵараӡам, аха маҷк иадымхаргьы, адыррақәа роуртә иҟаҳҵеит. Ажәакала, аԥышәара адкыларазы иҟаҵатәыз рацәан, апандемиа аамҭазы иҳалшоз зегьы ҟаҳҵеит аҵаратә процесс аиԥмырҟьаразы, сгәы иаанагоит ашколқәа рҿы абас иҟаҵазар акәын ҳәа", - еиҭеиҳәеит Хагәышь.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

Иара убас шәаԥхьар ҟалоит:

588
Диана Ахба

Аҭоурых иагәылаҵәаху: Ахԥҳа Аԥсны аҩыҟаҵареи аӡахәааӡареи ирыдҳәалоу ажәытә ԥшаахқәа ртәы

11
Аԥснытәи аҳәынҭқарратә музеи ажәытәӡатәи абжьаратәи ашәышықәсақәа рыҟәша аиҳабы Диана Ахԥҳа арадио Sputnik аефир аҟны дрылацәажәеит аҩыҟаҵареи аӡахәааӡареи ркультура Аԥсны акырӡа шахыҵуа шьақәзырӷәӷәо археологиатә ԥшаахқәа ртәы.
Аҭоурых иагәылаҵәаху: Ахԥҳа Аԥсны аҩыҟаҵареи аӡахәааӡареи ирыдҳәалоу ажәытә ԥшаахқәа ртәы

Шәазыӡырҩла арубрика "Аҭоурых иагәылаҵәаху" есмҽыша арадио Sputnik Аԥсны аефир аҿы.

Иара убас шәаԥхьар ҟалоит:

11

Блабба афымцаусзуҩцәа аҵарахьы иаадырԥшыз агәаҳәаразы: аԥышәа атеориа ацумҵар, иуадаҩуп

17
ААУ агро-нџьныртә факультет аенергетика акафедра арҵаҩы, "Амшынеиқәафымцамч" аусзуҩ Саид Блабба арадио Sputnik аефир аҟны еиҭеиҳәеит аенергетик изанааҭ азҿлымҳара ахьынӡамоу, аҿар уи иацу аҭакԥхықәра шеилыркаауа атәы.
Блабба афымцаусзуҩцәа аҵарахьы иаадырԥшыз агәаҳәаразы: аԥышәа атеориа ацумҵар, иуадаҩуп

Жәабран 22 инаркны хәажәкыра 5-нӡа Аԥснытәи аҳәынҭқарратә университет аҟны латәарадатәи аҟәша "Афымцаенергетикеи афымцатехникеи" рхырхарҭала аҩбатәи азанааҭ аиуразы ашәҟәқәа рыдыркылоит. Ас еиԥш ажәалагала ҟарҵеит "Амшынеиқәафымцамч" анапхгара.

"…Ҳусзуҩцәа рыбжьара иҟоуп раԥхьа ишьҭырхыз азанааҭ афымца аус адулара иадҳәалам. Аԥышәа шьҭыркааит, акыр аамҭа аус рухьеит, аха азҵаара цәырҵит атеориа аганахьалагьы. Аԥышәа акраҵанакует, аха атеориа ацумҵар ауадаҩрақәа амоуп ас еиԥш азанааҭ, уи удыруазароуп. Уи инамаданы аҷкәынцәа, аӡӷабцәа аус ҳацызуа исарҳәеит ацхыраара рысҭарц, аҩбатәи азанааҭ шьҭыркаарц азы. Ус еиԥш азҵаара цәырҵит ҩышықәсаҟа раԥхьа. Гәыԥк азхара ауаа ҳзеизымгеит усҟан, аҵаразы аԥара ахшәаарагьы злымшоз ыҟан. Ааигәа "Амшынеиқәафымцамч" ахада иасҳәеит ҳусзуҩцәа аҩбатәи азанааҭ роурц азы аҵара рҵар шырҭаху. Ахә уадаҩрас иҟарымҵааит, иҳаӡбоит аниҳәа, акафедра адекан иласҳәеит агәыԥ еизаҳгарц шаҳҭаху, амала латәарадатәи аҟәша, аусуреи аҵареи еиларыгӡарц",- иҳәеит Блабба.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

17

Ашьапылампыл азы Аԥсны аҿар еизгоу ркоманда Ростов акоманда иаҵахеит

10
(ирҿыцуп 19:28 28.02.2021)
Аԥсназы ростовтәи акомандеи иареи реицыхәмарра аԥшьбатәи аиҩызаратә хәмарра акәхеит аҵара-ҽазыҟаҵаратә ҽеизгарақәа рҳәаақәа иҭагӡаны.

АҞӘА, жәабран 28 – Sputnik. Ашьапылампыл азы Аԥсны аҿар еизгоу ркоманда Ростовтәи Аолимпиатә резерв аучилишье акоманда иаҵахеит амҽыша жәабран 28 рзы. Абри азы адырра ҟанаҵоит Аԥсны Аспорт азы аҳәынҭеилакы.

Ҭамаз Бжьаниа иааӡамҭацәа Аԥсни Урыстәылеи зҽаԥсазтәыз разыҟаҵаҩ Александр Тумасиан иазыҟаиҵо акоманда иацыхәмаруан Шәача Аолимпиатә парк аҟны, иагьхыркәшахеит 2:1 ҳәа ростоваа риааирала.

Ахәмарра даҭааит Аԥсны Аҿари аспорти рзы аҳәынҭқарратә еилакы ахантәаҩы Џьамал Гәбаз, иара Александр Тумасиан идиныҳәалеит "Ахьӡ-аԥша" аорден III аорден ахьианаршьаз, уи азы Аԥсны ахада аусԥҟа инапы аҵаиҩхьан жәабран 9 рзы.

"Сара сазыҟаҵаҩ Александр Тумасиан аорден ахьианаршьаз идсныҳәалоит. Ари ауаҩ еснагь аԥснытәи аспортсменцәа илаԥш рхуп, ҳтәылаҿы аспорт арҿиара, аларҵәара дацхраауеит. Сынтәа иара ибзоураны аԥснытәи ашьапылампыласцәа қәыԥшқәа ааҩык Ростовтәи аолимпиатә резерв иаҵанакуа атәылаҿацәтә училишье иҭалеит. Иара гәыла-ԥсыла аспорт даласоуп, ианаауҭаххалак зегь рыла дувагылоит", - ҳәа азгәеиҭеит иара.

Ашьапылампыл азы Аԥсны аҿар ркоманда аҵара-ҽазыҟаҵаратә еизгарақәа рҳәаақәа ирҭагӡаны уаанӡа иацыхәмаруан шәачатәи акоманда "Медик", урҭ ирыҵахеит 4:0 ҳәа. Анаҩс ирыцыхәмарит аклуб "Шәача", аԥснытәи акоманда ари ахәмарраан иаиааит 4:2 ҳәа. Анаҩс, ҳкоманда астрахантәи "Волгарь" адубль иацыхәмарит, ара "Волгарь" аиааит 4:1 ҳәа.

10