Аҳәба Агәы-Бедиа ибгаз амҩазы: адгьыл ахьҳәазаз ала амҩа аҟаҵара аҭагылазаашьа амам

33
(ирҿыцуп 17:06 22.02.2021)
Адгьылхархәареи акадастри рзы аусбарҭа аиҳабы Адамыр Аҳәба арадио Sputnik аефир аҿы еиҭеиҳәеит Тҟәарчал араион, Агәы-Бедиа ақыҭаҟны ибгаз амҩа аҭагылазаашьа атәы.
Аҳәба Агәыбедиа ибгаз амҩазы: адгьыл ахьҳәазаз ала амҩа аҟаҵара аҭагылазаашьа амам

"Аԥыза министр идҵала ҳцеит, ҳахәаԥшит иҟоу аҭагылазаашьа. Жәа-гектарк адгьыл бганы иҿпны аара иаҿуп, макьана аҵыхәанӡа имтәаӡацт. Амҩа аиҭашьақәыргылара ишыҟаз ала иамур ҟалап. Амҩа даҽаџьара аԥҟара ақәшәоит ҳәа ҳахәаԥшуеит, амҩа даара иҳәазеит. Ари аԥсабара иарҿиаз усуп. Иаалырҟьаны аус арҽеиразы ак ҟасҵоит ҳәа уалагаргьы иалҵӡом. Апроект ҟаҵатәуп, иҭҵаатәуп. Уналаԥалан иузыҟаҵаӡом. Аӡы ииагатәхар, ацҳақәа хҵатәхоит. Хыхьла иаауа аӡқәа ииагазар, адгьыл аҳәазара иаҳа иаангылоит. Аӡыхьқәа ыҵыҵуеит, урҭ дара рхаҭақәа ацарҭақәа рыԥшаауеит, адгьыл ҷҷаны иахьыҟоу ибжьалоит, иаӡәӡәоит. Адгьылҵысреи аӡи роуп адгьыл ҳәазара зыхҟьо", - ҳәа еиҭеиҳәеит Аҳәба.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Тҟәарчал ақалақьи араион ақыҭақәеи еимаздо амҩа аремонт азуны еиҭашьақәыргылан Аԥсны асоциал-економикатә ҿиараз Аинвестпрограмма аԥарақәа рыла. Иақәхарџьын 60 миллион мааҭ. Аусурақәа мҩаԥысуан 2017 - 2020 шықәсқәа рзы.

Иара убас шәаԥхьар ҟалоит:

33

"Ақыҭа - нхарҭа ҭыԥуп": Сақаниа ақыҭа абзазашьеи аҿиареи ирызкны

24
(ирҿыцуп 11:38 09.03.2021)
Лыхны ақыҭа анхаҩы, Гәдоуҭатәи амашьына-трактортә станциа аиҳабы Лавренти Сақаниа арадио Sputnik адырраҭара "Ақыҭа - нхарҭа ҭыԥуп" аҟны еиҭеиҳәеит аԥсуа қыҭақәа иахьатәи рыбзазашьеи, урҭ рырҿиаразы иаҭахны ҳәа ииԥхьаӡои ртәы.
"Ақыҭа - нхарҭа ҭыԥуп": Сақаниа ақыҭа абзазашьеи аҿиареи ртәы

Ақыҭа – нхарҭа ҭыԥуп. Ақыҭа иахьатәи аԥсҭазаашьеи уаҵәтәи аԥеиԥши, иацу адоуҳаи иҟоу ауадаҩрақәеи ҳрылацәажәоит. Аԥсуа қыҭа азхьаԥшразы иҟаҵатәу азы ргәаанагара рҳәоит уи иадҳәалоу ауаа.

Шәазыӡырҩы аудио.

Иара убас шәаԥхьар ҟалоит:

24
Пресс-конференция молодежного театра

Актриса Агәмааԥҳа: аԥхьа исоуаз ашәҭқәа еснагь схатә ҩыза иҟынтә акәын

16
(ирҿыцуп 17:17 08.03.2021)
Хәажәкыра 8 - аҳәса Жәларбжьаратәи рымш ныҳәоуп. Сыԥсҭазаараҿы разҟны исыман схатә ҩыза еилкаарыла сусуреи сзанааҭи дахьазнеиуаз, абри атәы лҳәеит арадио Sputnik аефир аҟны Аԥсны Жәлар рартистка Софа Агәмааԥҳа.
Актриса Агәмааԥҳа: аԥхьа исоуаз ашәҭқәа еснагь схатә ҩыза иҟынтә акәын

"Сыԥсҭазаараҿы разҟны исоуит аҭаацәараҟны аилибакаара, уи иара иганахьала иҟан, сара сганахьалагьы. Ирымҳәалои аихыбаара ҟалалоит ҳәа, ҳаҩнаҭаҟны иҟамызт. Уи иаргьы иџьшьоуп, саргьы", - лҳәеит Софа Агәмааԥҳа.

Аԥсны Жәлар рартистка иазгәалҭеит асценаҟны лықәгылара ашьҭахь раԥхьатәи ашәҭқәа лхатә ҩыза Виктор Џьниа (Абаза) иҟынтәи ишлоуаз, лзанааҭ акәымызҭгьы еинасыԥымхаргьы ауан ҳәа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

16

Урыстәыла Атәылахьчара аминистрра арратә госпиталь аҭыԥ ахь амҩа иқәлеит

3
(ирҿыцуп 12:21 09.03.2021)
2020 шықәса жьҭаара 20 рзы аусура иалагаз Урыстәыла Атәылахьчара аминистрра арратә мобилтә госпиталь ашәахьа хәажәкыра 1 азы Аԥсны аусура хнаркәшеит.

АҞӘА, хәажәкыра 9 - Sputnik, Бадраҟ Аҩӡба. Урыстәыла Атәылахьчара аминистрра арратә госпиталь, 2020 шықәса жьҭаара 20 рзы Аԥсны аусура иалагаз аҭыԥ ахь амҩа иқәлеит арратә техника аколонна иаланы.

Урыстәылатәи амедусзуҩцәа ҩымш рышьҭахь арратә техника аилазаара иаланы, 800 километра амҩа иахысны есқьаангьтәи ргыларҭа ҭыԥ иазыхынҳәуеит, Ставропольтәи атәылаҿацәахь.

Аколонна амҩатә ныҟәара ашәарҭадара ахылаԥшра арҭоит Аладатәи арратә округ арратә автоинспекциа.

Амобилтә медицинатә ҟәша аилазаара иалахәын шәҩык рҟынӡа амедусзуҩцәа, 30 ак арратә техника.

Аԥсны ауааԥсыра аҿкчымазара рацәыхьчаразы иҟанаҵаз аҳәарала Урыстәыла Атәылахьчара аминистрра арахь иаанашьҭит хырхарҭарацәалатәи амобилтә госпиталь шә-иарак зкышаз, ареспубликаҿ акоронавирустә инфекциа аҿагылара аҭаразы 2020 шықәса жьҭаара 20 рзы.

Иарбоу аамҭа иалагӡаны амбулатор-консультациатә цхыраара рыҭан хнызқьи быжьшәҩык инареиҳаны Аԥсны ауааԥсыра, амбулатортә дкылара рыҭан 3,3 нызқьҩык, астационартә – 450-ҩык рҟынӡа.

Иара убасгьы агоспиталь алабораториаҿ 18 000 рҟынӡа клиникатә ҭҵаара мҩаԥган, урҭ рҟынтәи 5,3 нызқь ПЦР-тест, 2 000 рентгенограмма.

Иара убас шәаԥхьар ҟалоит:

3
Атемақәа:
Аҿкычымазара – акоронавирус Аԥсни адунеи аҿи: иалкаау