Ареаниматолог Бганба: асанитар даныҟам иус џьаргьы ицаӡом, уи ҟазҵо иаанхаз роуп

81
Ареаниматолог Алмас Бганба арадио Sputnik аефир аҿы еиҭеиҳәеит Гәдоуҭатәи аковид-госпиталь аҿы аусзуҩцәа разымхара азҵаара атәы.
Хра злоу ахҭысқәа: Бганба Гәдоуҭатәи аковид-госпиталь аҿы аусзуҩцәа разымхаразы

"Есыҽны ахәышәтәырҭаҿы ишьҭоуп 12-ҩык ачымазаҩцәа, аҭыԥ ҭацәыр иаразнак уи иҭыԥ ахь инаҳгаша ыҟоуп. Аҭыԥ ҭацәны иҟоуп ҳәа аҭагылазаашьа ыҟам. Ачымазаҩцәа уажәы рхыԥхьаӡара иаҳа иацлеит, уи адагьы, ачымазара ахаҭа аформа ӷәӷәахеит, аамҭа рацәа аҭахуп ареанимациаҿы аҟазааразы. Ареанимациахь иҳазнамго, аха зҭагылазаашьа цәгьоу ачымазаҩ дҳамазар, иара дахьышьҭоу иаҭаху ацхыраара иоуеит. Ареанимациаҿы аус иуеит ареаниматолог - аӡәы, аҳақьым. Иара хымш дҷаԥшьоит, аха иус ишиҭаху изыҟаҵаӡом. Ахәышәтәырҭаҿы доусы дара рус ыҟоуп. Аҳақьым иара иус ҟаиҵоит, амедиаҳәшьа лара лус, асанитаргьы иус. Асанитар даныҟам иус џьаргьы ицаӡом. Уи ҟазҵо иаанхаз ауаа роуп. Иахәҭаӡам ареанимациаҿы ауацәа рыҟазаара, аха иҟоуп, иҳацхраауеит, иҟарҵогьы ҳахәаԥшуеит, иҳахәозар, иаанҳажьуеит. Даргьы амаҭәа ҷыда ршәуп, иҟаҵатәу зегьы дырдырны иақәшаҳаҭзар, иҳацхраауеит", - иҳәеит Бганба.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

81

Гыцба аҭыԥантәи алхрақәа рзы: асиақәа рганахьала ауадаҩрақәа цәырҵлоит

13
Гагра араион алхратә комиссиа алахәыла Гарри Гыцба арадио Sputnik аефир аҟны арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит аҭыԥантәи ахаланапхгараҭаратә усбарҭақәа рахь алхрақәа рахь аҽазыҟаҵарақәа шцо, уадаҩрас ирԥыло.

Аԥсны аҭыԥантәи ахаланапхгараҭаратә усбарҭақәа рахь алхрақәа мҩаԥысраны иҟоуп мшаԥы 11 рзы. Хәажәкыра ҩба рзы акандидатцәа рҭаҩра иалагеит.

 

Раионк аԥсҭазаараҟынтә: Гыцба алхрақәа рыҽшырзыҟарҵо атәы

"Аиаша уҳәозар, хәыҷык ауадаҩрақәа ыҟоуп уи аганахьала (алхыҩцәа рсиазы - аред.), избанзар ауаа ԥсуеит, иҟоуп 18 шықәса зхыҵыз, шьҭа қәрала абжьыҭарахь инеир зылшо. Абри аиҿкаара уадаҩуп (асиазы - аред.), избанзар акомиссиаҿы зегьы ирҭахым аусура, ҳаҭыргьы амам уи ҳәа сгәы иаанагоит. Аиашазы, адепутатцәа иалырхуагьы, ианнеиуа аҭыԥаҟны, рнапы ианырҵо ишахәҭоу ирзынагӡом. Уи даҽа зҵаароуп, аха алхрақәа анааиуа ауп зегьы ҳаҩуа ҳанрышьҭало. Еиқәҳаршәоит асиақәа, аха агхақәа рацәаны ианрымоу ыҟоуп. Исҭахын изахәҭоу зегьы алхрақәа рҟны инеиларц… Есымша ауадаҩрақәа цәырҵлоит ақыҭақәа рҟны алхратә комиссиақәа реиқәыршәаразы. Уи аамҭа агоит… Алхрақәа раан асиақәа рызҵаара есымша ицәырҵоит", - ҳәа азгәеиҭеит Гыцба.

 

Иара игәаанагарала алхратә комиссиақәа рхантәаҩцәа ҿҳәарак рыҭаны иарҭозҭгьы, аҭагылазаашьа иаҳа еиӷьхон.

Шәазыӡырҩы аудио.

Иара убас шәаԥхьар ҟалоит:

13

Амобилтә госпиталь аҵыхәтәантәи ачымазаҩ: аҳақьымцәа рҿыԥшылара мацара акыр иаԥсан

45
(ирҿыцуп 18:07 04.03.2021)
Жьҭаара 20 2020 шықәса рзы Аҟәа иаатыз урыстәылатәи амобилтә госпиталь аус ауан хәажәкыра 1-нӡа. Ари аамҭа иалагӡаны 500-ҩык ачымазцәа рыдыркылеит. Аҵыхәтәантәи апациент Оҭар Делба арадио Sputnik аефир аҿы еиҭеиҳәеит уи дшырхәышәтәуаз, аурыс ҳақьымцәа русура шеиҿкааз.

 

Амобилтә госпиталь аҵыхәтәантәи ачымазаҩ: аҳақьымцәа рҿыԥшылара мацара акыр иаԥсан

"Тҟәарчалынтә Аҟәаҟа ҳаарышьҭит. Арратә госпиталь аҿы ибзиан ҳрыдыркылеит. Аҳақьымцәа ихааны, иԥшӡаны иҳаҿцәажәон. Ҳҳақьым Фатима Баширова ҳахьышьҭаз даныҩналалак мацара лҿыԥшылара акыр иаԥсан, убысҟак дыбзиан. Сыԥшәмеи сареи ҳашьҭан 11 мшы Аҟәа, анаҩс дара мцар ауамызт, ианцоз иахәҭаз зегьы ҳзыҟарҵеит. Ахәшәқәа ҳзылырҩааит, анаҩс еиҭа ҳанцозгьы ԥыҭк ҳарҭеит, урҭ иахьагьы иҳадаҳкылоит. Даара иӷәӷәаны иаҳхаҵгылеит. Зегьы хәыда-ԥсада иаҳзыҟарҵеит. Уахык убас еиԥш аҭагылазаашьа шьақәгылеит, сыԥшәма данеимҳәоз ашьа лҿыҵуан, убасҟан лара илзыҟарҵеит гәыр ӷәӷәак, уи азы аӡәгьы аԥара ҳамимхит. Убасҟан илзыҟарымҵазҭгьы, ауха дыԥсуан", - ҳәа еиҭеиҳәеит Делба.

 

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

45
Сторонники и родственники Ахры Авидзба собрались у СГБ Абхазии

Аҩӡба дзыхдырҟьаз ҳәа идгылаҩцәа гәҩарас ирымоу рҳәеит

37
(ирҿыцуп 02:20 05.03.2021)
Аԥсны Аҳәынҭқарратә шәарҭадаратә маҵзура ахыбра аҿаԥхьа еизаз Ахра Аҩӡба идгылаҩцәеи иуацәеи еимпырц ргәы иҭаӡам иара доурышьҭаанӡа.

АҞӘА, хәажәкыра 5 - Sputnik. Ахра Аҩӡба даанкылазар ҟалоит изакәанымкәа бџьарла еибыҭоу Донецктәи жәлар Рреспублика атәылауаа ахьицу азы ҳәа агәаанагара рымоуп иара иуацәеи идгылаҩцәеи.

Абри азы адырра ҟалеит Аҩӡба иуацәақәак АШәМ ахыбра ианыҩнала ашьҭахь. Дара изларҳәаз ала, Ахра Аҩӡба ицу донецктәи атәылауаагьы аанкылоуп.

Дара Ахра Аҩӡба доурышьҭаанӡа еимпырц ргәы иҭаӡам.

Ахра Аҩӡба даанкылоуп ҳәа адырра ҟалеит хәажәкыра 4 ахәылԥаз. Уи ирҵабыргит изааигәоу ауаҩы.

Азинхьчаҩцәа иҩны иакәшаны игылоуп, аԥшаарақәа мҩаԥыргоит ҳәа ааицҳаит акоррреспондент аҭыԥ аҟынтәи.

Ашәарҭадаратә маҵзура апресс-маҵзураҟны ари аҭагылазаашьа ахҳәаа арҭом.

 

37