Сабекьиа: ашәырбаҳча дуқәа змоу иахьанатә аусурақәа ирылагар ауп

24
(ирҿыцуп 10:21 05.02.2021)
Аԥсны Ақыҭанхамҩа аҭҵаарадырратә институт аспециалист хада, ақыҭанхамҩатә ҭҵаарадыррақәа ркандидат Дмитри Сабекьиа арадио Sputnik аефир аҟны еиҭеиҳәеит ҳазҭагылоу аамҭазы абаҳчақәа рҟны иарбан усурақәоу зымҩаԥгара ахәҭоу.
Сабекьиа: ашәырбаҳча дуқәа змоу иахьанатә аусурақәа ирылагар ауп

"Збаҳчақәа иаҳа инеиҵыху, ашәыр ԥыҭк змоу аҵлақәа нап рыдкыларазы аусурақәа дрылагароуп ари амзазы, нас дахьымӡар ауеит. Иаагозар акиви адгьыл аҟынтәи аԥхарра анаиулак, аӡы шьҭнахуа иалагоит, нас ҳнаскьаны аԥҟара, аилыхра ҳалагар, ҳагхар ауеит. Аԥхаррақәа иахьа ишыҟоу еиԥш ицалар, аӡахәа, акиви змоу, убасгьы аҳәаса, атама, аца, аҵәа, аҳа раԥхьа ашәҭра иалаго аҵлақәа еилыхны, амза 20 шыҟоу реиԥш ахәшәтәра иалагар ауп аҵармақьи акьыри еилаҭәаны… Араса авҵиаақәа уажәы иамухыр, ақәа леит, ма асы ҳәа ԥырхага анаҭаӡом", - иҳәеит Сабекьиа.

Иаҳа инарҭбааны аицәажәара шәаҳар шәылшоит аудиофаил шәазыӡырҩыр.

Иара убас шәаԥхьар ҟалоит:

24

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

14
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

14
Нонна Делба

Делԥҳа еиҭалҳәеит COVID-19 зыдбалаз арҵаҩцәа рышьҭахь иарбан усмҩаԥгатәқәоу ирыдыркылаз

22
Аҟәатәи актәи абжьаратә школ аиҳабы Нонна Делԥҳа арадио Sputnik аефир аҿы еиҭалҳәеит COVID-19 зыдбалаз хҩык арҵаҩцәа рышьҭахь, ахәыҷқәеи егьырҭ арҵаҩцәеи ршәарҭадаразы иарбан усмҩаԥгатәқәоу ирыдыркылаз.
Делԥҳа еиҭалҳәеит COVID-19 зыдбалаз арҵаҩцәа рышьҭахь иарбан усмҩаԥгатәқәоу ирыдыркылаз

"Ашколқәа зегьы рҿеиԥш ҳаргьы аҵаратә процесс хацҳаркит, аусурагьы еиҿкаан асанитартә ԥҟарақәа инарықәыршәаны. Аҵаҩцәа рхыԥхьаӡара ахьырацәоу аклассқәа еихшан ҩ-гәыԥкны. Арҵаҩцәагьы аҵаҩцәагьы ашкол ахь ианааиуа иаҳшәоит ршоурақәа. Аха убри аан аиҵбыратә классқәа рырҵаҩцәа хҩык ачымазара рцәа иалалеит. Иазгәаҭатәуп, дара рхы ишакум ирбаанӡа аусура аҟнытә рхы ишақәиҭтәыз. Ҩ-ҭаацәарак рҿы ахәыҷқәа анычмазаҩха, дара зычмазаҩхаз еилкаахаанӡа, ачымазараҿкы ҳаламларцаз даргьы русура аанкылан. Арҵаҩцәа ҩыџьа рҿы ачымазара аналкааха, асанитартә ҳақьым лахь адырра ҟасҵеит акласс аҿы итәоу ахәыҷқәа зегьы ргәаҭаразы. Адырҩаҽны, иаашьҭын абригада иҟаз аҵаҩцәа зегьы рҟнытә иган анализ, иара убасгьы арҵаҩцәа рҟнытәгьы. Игәарҭаз аҵаҩцәа рҟнытә аӡәы иҟны ачымазара шьақәдырӷәӷәеит. Аклассқәа рыхԥа аҽыԥхьакрахь ишьҭуп хәажәкырамза 4-нӡа", - ҳәа еиҭалҳәеит Делԥҳа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

22
Атемақәа:
Аҿкычымазара – акоронавирус Аԥсни адунеи аҿи: иалкаау