Гәымԥҳа еиҭалҳәеит COVID-19 змоу ахшараиура иазыԥшу аҳәса Гәдоуҭа ишрыдыркыло атәы

56
(ирҿыцуп 20:29 05.02.2021)
Гәдоуҭатәи араионтә хәышәтәырҭа амедиеҳәшьа еиҳабы Ииа Гәымба-Барзаниа арадио Sputnik аефир аҟны еиҭалҳәеит иахьатәи аамҭазы ахшараиурҭаҟны русушьа шеиҿкаау атәы.
Раионк аԥсҭазаараҟынтә: Гәымԥҳа COVID-19 змоу ахшараиура иазыԥшу аҳәса шрыдыркыло атәы

Астатистикатә рбагақәа рыла 2020 шықәсазы, Аҟәа ақалақь алаумҵозар, иаҳа ирацәаны ахәыҷқәа ахьииз Гәдоуҭа араион аҟны инхо аҭаацәарақәа рҿы ауп.

"Хәажәкыра 24 инаркны ҳара ҳҿы ишьҭан 24 –ҩык ахәыҷқәа. Фҩык анацәа ианԥырҟа ашьҭахь ахшара роуит, егьырҭ рхала ироуит. Иахьатәи аамҭазы Гәдоуҭатәи ахәышәтәырҭаҟны ирыдыркылоит ачымазара ҿкы COVID-19 зыхьуа, уи иазку аҟәша ыҟоуп, акгьы агӡам, аҳақьымцәа ахшара дзыдызкыло роума, амедеиҳәшьцәа. Ахшараиура иазыԥшу аҳәса акороновирустә чмазара змоу араионқәа зегьы рҟынтәи иҳадаҳкылоит. Убасгьы хазы ицқьоу ауадақәа алхны иҳамоуп, араион ақыҭақәа рҟынтәи иаауа, ахшара дзауа аҳәса рзы. Урҭ рҟынтәи 4-ҩык ахәыҷқәа зауз ыҟоуп", - лҳәеит Ииа Гәымба-Барзаниа.

Лара иазгәалҭеит ахшараиура иазыԥшу аҳәса ишахәҭоу рыдкыларазы Гәдоуҭатәи ахәышәтәырҭа шеиқәшәоу.

Шәазыӡырҩы аудио.

56
Атемақәа:
Аҿкычымазара – акоронавирус Аԥсни адунеи аҿи: иалкаау (1077)

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

14
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

14
Нонна Делба

Делԥҳа еиҭалҳәеит COVID-19 зыдбалаз арҵаҩцәа рышьҭахь иарбан усмҩаԥгатәқәоу ирыдыркылаз

22
Аҟәатәи актәи абжьаратә школ аиҳабы Нонна Делԥҳа арадио Sputnik аефир аҿы еиҭалҳәеит COVID-19 зыдбалаз хҩык арҵаҩцәа рышьҭахь, ахәыҷқәеи егьырҭ арҵаҩцәеи ршәарҭадаразы иарбан усмҩаԥгатәқәоу ирыдыркылаз.
Делԥҳа еиҭалҳәеит COVID-19 зыдбалаз арҵаҩцәа рышьҭахь иарбан усмҩаԥгатәқәоу ирыдыркылаз

"Ашколқәа зегьы рҿеиԥш ҳаргьы аҵаратә процесс хацҳаркит, аусурагьы еиҿкаан асанитартә ԥҟарақәа инарықәыршәаны. Аҵаҩцәа рхыԥхьаӡара ахьырацәоу аклассқәа еихшан ҩ-гәыԥкны. Арҵаҩцәагьы аҵаҩцәагьы ашкол ахь ианааиуа иаҳшәоит ршоурақәа. Аха убри аан аиҵбыратә классқәа рырҵаҩцәа хҩык ачымазара рцәа иалалеит. Иазгәаҭатәуп, дара рхы ишакум ирбаанӡа аусура аҟнытә рхы ишақәиҭтәыз. Ҩ-ҭаацәарак рҿы ахәыҷқәа анычмазаҩха, дара зычмазаҩхаз еилкаахаанӡа, ачымазараҿкы ҳаламларцаз даргьы русура аанкылан. Арҵаҩцәа ҩыџьа рҿы ачымазара аналкааха, асанитартә ҳақьым лахь адырра ҟасҵеит акласс аҿы итәоу ахәыҷқәа зегьы ргәаҭаразы. Адырҩаҽны, иаашьҭын абригада иҟаз аҵаҩцәа зегьы рҟнытә иган анализ, иара убасгьы арҵаҩцәа рҟнытәгьы. Игәарҭаз аҵаҩцәа рҟнытә аӡәы иҟны ачымазара шьақәдырӷәӷәеит. Аклассқәа рыхԥа аҽыԥхьакрахь ишьҭуп хәажәкырамза 4-нӡа", - ҳәа еиҭалҳәеит Делԥҳа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

22
Атемақәа:
Аҿкычымазара – акоронавирус Аԥсни адунеи аҿи: иалкаау (1077)