Эраст Квирая

Қәираиа еиҭеиҳәеит абнатә кәатақәа Шәқәырча патуқәҵарыла изрыдыркыло атәы

89
(ирҿыцуп 11:17 06.02.2021)
Аӡҩыбжьа Шәқәырча аӡиа ааигәа анхара змоу, ашәарыцаҩ Ерасҭ Қәираиа арадио Sputnik аефир аҟны еиҭеиҳәеит абнатә кәатақәа рахь ирымоу азҿлымҳареи, апатуқәҵареи, ус изрызныҟәои ртәы.
Қәираиа еиҭеиҳәеит абнатә кәатақәа Шәқәырча патуқәҵарыла изрыдыркыло атәы

"Аӡиа акәшамыкәша ашәарыцара ҟалаӡом, убри аҟынтәи аԥсаатәқәа, дара акәатақәагьы иҭынчраны ирбоит азы иаанкылоит, иԥхьоит. Хԥа-ԥшьба шықәса раԥхьа акәзар ҟалап ианаҳбаз, аангылара ишалагаз, иаҳа-иаҳа ирацәахоит рхыԥхьаӡара. Нас акрырҿаҵара ҳалагеит. Аџьықәреи аарыхны акуатақәа иаҳзаауа рзы ҳәа ааныжьра ҳалагеит. Уи аҩыза аԥҟара аԥызҵаз саб иоуп, урҭ "ҳасасцәа" роуп, урҭгьы пату рықәҵатәуп иҳәеит. Есышьыжь ҳгыланы акрырҿаҳҵон, аџьықәреи каҳаԥсон. Аԥхьа имаҷын, 10-20 рҟынӡа еизон, нас иаҳа-иаҳа ирацәахеит, анапгьы иашьцылеит, апортреҭгьы рыцҭухыртә иҟалеит", - иҳәеит Қәираиа.

Иара иазгәеиҭеит абнатә кәатақәа аӡиа Шәқәырча иадԥхьалартә иҟазҵаз ауаа рҟынтә ԥырхага ахьырмоуа шакәу.

"Саргьы ашәарыцара ныҟәызгар сҭахуп, ахәыҷқәа аԥсабара бзиа дсырбар сҭахуп, агәынкылара ацзар сҭахуп. Ауаа рыкәшамыкәша еимырдароуп аԥсабара абзиабара, иҟауҵар иауа-иамуа. Ишдыру еиԥш, аԥсабараҟны ахымҩаԥгашьазы аԥҟарақәа рацәоуп… Абиԥарала еимдатәуп, аҿар ираҳәалатәуп ахынкылара шаҭаху. Иаҳбоит есышықәса ашәарыцара иаҳа ишԥсыҽу, ҳаззышәарацогьы маҷхеит, сҳәашьа акалашәа иҟазаргьы аԥсыцәгьара иааҳарԥшуа ауп изыхҟьо. Хәыҷык ҳаҽнаҳкылар аԥсабара иазеиӷьхоит", - иҳәеит Қәираиа.

Шәазыӡырҩы аудио.

Иара убас шәаԥхьар ҟалоит:

89

Барганџьиа: атәылаҿы иҟоу атехника зегьы ацәаӷәара аамҭазы еиқәыршәахоит

2
(ирҿыцуп 09:56 05.03.2021)
Ацәаӷәаразы араионқәа рҿы амашьынатә-трактортә станциақәа ахьынӡазыхиоу атәы арадио Sputnik аефир аҿы еиҭеиҳәеит, ақыҭанхамҩа аминистрра агрономиа аҟәша аиҳабы Едуард Барганџьиа.
Хра злоу ахҭысқәа: Барганџьиа араионқәа ацәаӷәара разырхиара иазкны

"Ацәаӷәара аамҭа макьана имааицт, аха уи азы иҳамоу атехника архиаразы аусура мҩаԥысуеит. Ақыҭанхамҩа аминистрраҿы иаԥҵан акомиссиа, араионқәа рахь иныҟәон, игәарҭон атехниказы аҭагылазашьаа зеиԥшроу атәы. Уажәнатә иуҳәар ҟалоит атәылаҿы иҟоу атехника зегьы еиқәыршәахоит ҳәа, иагыз ҟаҵахоит. Ацәаӷәара зҭаху иҟаиҵоит аҳәара, анаҩс инеины ирцәаӷәоит. Ҳара иҳамоу атехникала ҵыԥх аасҭа сынтәа аиҳа ҩынтә еиҳаны иаҳцәаӷәарҭә алшара ҳамоуп, аха ацәаӷәара аамҭа анааилак, иаразанак зегьы рҿы иузыцәаӷәаӡом, амшцәгьагьы уи аус еиԥнарҟьоит. Астанциа ақалақь аҿоуп иахьыҟоу, атехника ақыҭақәа рахь ицароуп, уигьы аамҭа агоит. Знык дахьцо даҽа ҩынтә-хынтә ацара иқәшәоит, избанзар, зегьы аԥара еицрымам", - ҳәа еиҭеиҳәеит Барганџьиа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

2

Гыцба аҭыԥантәи алхрақәа рзы: асиақәа рганахьала ауадаҩрақәа цәырҵлоит

16
Гагра араион алхратә комиссиа алахәыла Гарри Гыцба арадио Sputnik аефир аҟны арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит аҭыԥантәи ахаланапхгараҭаратә усбарҭақәа рахь алхрақәа рахь аҽазыҟаҵарақәа шцо, уадаҩрас ирԥыло.

Аԥсны аҭыԥантәи ахаланапхгараҭаратә усбарҭақәа рахь алхрақәа мҩаԥысраны иҟоуп мшаԥы 11 рзы. Хәажәкыра ҩба рзы акандидатцәа рҭаҩра иалагеит.

 

Раионк аԥсҭазаараҟынтә: Гыцба алхрақәа рыҽшырзыҟарҵо атәы

"Аиаша уҳәозар, хәыҷык ауадаҩрақәа ыҟоуп уи аганахьала (алхыҩцәа рсиазы - аред.), избанзар ауаа ԥсуеит, иҟоуп 18 шықәса зхыҵыз, шьҭа қәрала абжьыҭарахь инеир зылшо. Абри аиҿкаара уадаҩуп (асиазы - аред.), избанзар акомиссиаҿы зегьы ирҭахым аусура, ҳаҭыргьы амам уи ҳәа сгәы иаанагоит. Аиашазы, адепутатцәа иалырхуагьы, ианнеиуа аҭыԥаҟны, рнапы ианырҵо ишахәҭоу ирзынагӡом. Уи даҽа зҵаароуп, аха алхрақәа анааиуа ауп зегьы ҳаҩуа ҳанрышьҭало. Еиқәҳаршәоит асиақәа, аха агхақәа рацәаны ианрымоу ыҟоуп. Исҭахын изахәҭоу зегьы алхрақәа рҟны инеиларц… Есымша ауадаҩрақәа цәырҵлоит ақыҭақәа рҟны алхратә комиссиақәа реиқәыршәаразы. Уи аамҭа агоит… Алхрақәа раан асиақәа рызҵаара есымша ицәырҵоит", - ҳәа азгәеиҭеит Гыцба.

 

Иара игәаанагарала алхратә комиссиақәа рхантәаҩцәа ҿҳәарак рыҭаны иарҭозҭгьы, аҭагылазаашьа иаҳа еиӷьхон.

Шәазыӡырҩы аудио.

Иара убас шәаԥхьар ҟалоит:

16