Маланиаԥҳа атуристцәа Аԥсныҟа радԥхьаларазы: аӡыргарақәа рацәазароуп

31
(ирҿыцуп 19:37 07.02.2021)
Атуристтә фирма "Аԥсуа-тур" аиҳабы Елизавета Маланиаԥҳа арадио Sputnik аефир аҿы иахьатәи аамҭазы аԥсшьаҩцәа Аԥсныҟа радԥхьаларазы хшыҩзышьҭра зҭатәу азы лгәаанагара лҳәеит.
Маланиаԥҳа атуристцәа Аԥсныҟа радԥхьаларазы: аӡыргарақәа рацәазароуп

Абарҭ амшқәа рзы Аԥсны атуризм аминистр Ҭеимураз Хышба Москва усутә визитла дыҟоуп, уа иҟазаара иалагӡаны еиуеиԥшым аиԥыларақәа мҩаԥигеит.

"Еиҳарак атуристцәа Аԥсныҟа иаауеит атуроперторцәа рҟынтә, иара убас атурист ихаҭа, имацара аинтернет даҟьақәа рҿы иԥшаауеит изыманшәалоу атур, анаҩс аҭыԥ заа иаҿаҵаны Аԥсныҟа даауеит. Атурист дахьаауа ҭымҵаакәа дааӡом. Убри аҟнытә араҟа ихадароуп асоциалтә даҟьақәа рҿы иуԥыло Аԥсназы аинформациа. Уи аус зыдулатәу ак акәны сахәаԥшуеит. Иахьазы сгәаанагарала имаҷуп аинформациатә ӡыргара асоциалтә даҟьақәа рҿы. Иаҭахуп Аԥсны ацәыргақәҵақәа реиҿкаара, иҿыцу атуроператорцәа радԥхьалара, усҟан иара атуристцәагьы рхыԥхьаӡара еизҳауеит. Иҟаҵатәуп апрофессионалтә ӡыргарақәа. Ухы иаурхәар ҟалоит аблогерцәагьы. Дара ахәаԥшцәа рацәаҩны ирымоуп. Убарҭ Аԥсныҟа иааԥхьатәуп ҳтәыла ӡырыргартә еиԥш. Асасааирҭақәа, аԥсабара аԥшӡара, иҳамоу зегьы рааԥшразы. Аус ҳаулароуп иахьатәи аамҭа иақәшәо амаругақәа ҳхы иархәаны", – ҳәа еиҭалҳәеит Маланиаԥҳа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

31

Џьопуа Тҟәарчалтәи аџьармыкьазы: апроект ала иаартны иазгәаҭоуп, аха иаркызар иаҳа еиӷьхон

4
(ирҿыцуп 19:41 24.02.2021)
Тҟәарчалтәи аџьармыкьа аиҳабы Сасрыҟәа Џьопуа арадио Sputnik аефир аҿы еиҭеиҳәеит аџьармыкьаҿы ицо аргыларатә усурақәа ртәы.
Раионк аԥсҭазаараҟынтә: Џьопуа Тҟәарчалтәи аџьармыкьа аиҭашьақәыргылара иазкны

"Аремонттә усурақәа ирзоурыжьран иҟоуп 3 миллионки 500 нызқь мааҭи. Урҭ аԥарақәа ҳарзыԥшуп. Апроект ала аџьармыкьа аартны иазгәаҭоуп, аха иаркызар иаҳа еиӷьхон. Уажәы ахәаахәҭразы аџьармыкьахь иааиуа ауаа маҷуп. Иахьықәгыло ыҟаӡам, ақәа леи, асы леи, адәы иқәгылазароуп. Бедиа ибгаз амҩа иахҟьаны аџьармыкьаҿы ахәаахәҭыҩцәа агхеит. Уажәы ауаа адәахьы ихәаахәҭуеит, астолқәа ргыланы ирымоуп", - ҳәа еиҭеиҳәеит Џьопуа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

4

Жәлар рдоуҳа: Ҭодуаԥҳа аҳамҭақәа рҵакы, урҭ рахьынтә аԥхьа игылоу

2
(ирҿыцуп 17:48 24.02.2021)
Аҳамҭа аҵакы, аҳамҭақәа рҟынтәи зегь раԥхьа игылоу, иреиҳау уҳәа ртәы дазааҭгылоит Нарҭдырреи адәынтәи афольклорҭҵаареи рцентр аҭҵаарадырратә усзуҩы Есма Ҭодуаԥҳа.
Жәлар рдоуҳа: Ҭодуаԥҳа аҳамҭақәа рҵакы, урҭ рахьынтә аԥхьа игылоу

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит абра>> "Амалқәа зегьы ирмалу" – аҳамҭа аҵаки ҳамҭас иҟарҵои

 

2