Сангәлиаԥҳа еиҭалҳәеит лыҭҵааратә усура апандемиа шаныԥшыз атәы

20
(ирҿыцуп 18:05 09.02.2021)
Аԥсуаҭҵааратә институт аетнографиа аҟәша аусзуҩ Елисо Сангәлиаԥҳа арадио Sputnik аефир аҟны еиҭалҳәеит ачымазара ҿкы COVID-19 иахҟьаз аԥкрақәа русура ныррас ианаҭо атәы.
Сангәлиаԥҳа еиҭалҳәеит лыҭҵааратә усура апандемиа шаныԥшыз атәы

"Ҳаззыԥшымыз ахҭыс (апандемиа - аред) аԥсҭазаара иаҳзаанагаз ҳаргьы ҳусура кыр ианыԥшит, аха анаука знапы алаку еиҳарак иусура аҩны имҩаԥигоит аҟынтә, егьырҭ раасҭа ҳҭагылазаашьа иаҳа еиӷьын ҳҳәартә алшара ҳамоуп. Аматериал ианаҳҵахьаз аус адаҳулон аҩны. Аматериал аидкылара атәы ҳҳәозар, аетнографцәа, афольклористцәа, археологцәа русура иаҳа адәы иадҳәалоуп. Убри аҟынтә шықәсыкгьы акыр аҵанакуеит, аматериал аидкылара иаԥырхагахеит. Абыргцәа рыԥсҭазаара иалҵит, аматериал зыҟны еидаҳкылоз. Апандемиа сԥырхагахеит, мшаԥы 14 рзы скандидаттә диссертациа ахьачара иазхиан, сҽазыҟасҵон, сыззыԥшыз хҭысын, иахьа уажәраанӡа еилыргаӡам ианыҟало. Онлаин ала акәзар, сҽазысшәеит аматериал аҭаҩра. Ҭырқәтәыла инхо еиҳабык, ажәабжь здыруаз данысҵеит. Аԥсны ус еиԥш анҵара ҳзеиҿымкааит, избанзар ҳаԥсуа қыҭақәа рҟны авидео ала ицәырҵыртә алшара змам ыҟоуп. Ус еиԥш аиҿцәажәареи хаҭалатәи аибабареи узеидкылом, хаҭалатәи аиҿцәажәара хадоуп", - лҳәеит аҵарауаҩ.

Убри аан лара иазгәалҭеит иахьатәи аҭагылазаашьа аҵарауаа излауала рхы анрааланы, русура мҩақәак азырԥшаауеит, аамҭа иаҳагьы ирцәымцарц азы ҳәа.

Шәазыӡырҩы аудио.

Иара убас шәаԥхьар ҟалоит:

20

Барганџьиа: атәылаҿы иҟоу атехника зегьы ацәаӷәара аамҭазы еиқәыршәахоит

4
(ирҿыцуп 09:56 05.03.2021)
Ацәаӷәаразы араионқәа рҿы амашьынатә-трактортә станциақәа ахьынӡазыхиоу атәы арадио Sputnik аефир аҿы еиҭеиҳәеит, ақыҭанхамҩа аминистрра агрономиа аҟәша аиҳабы Едуард Барганџьиа.
Хра злоу ахҭысқәа: Барганџьиа араионқәа ацәаӷәара разырхиара иазкны

"Ацәаӷәара аамҭа макьана имааицт, аха уи азы иҳамоу атехника архиаразы аусура мҩаԥысуеит. Ақыҭанхамҩа аминистрраҿы иаԥҵан акомиссиа, араионқәа рахь иныҟәон, игәарҭон атехниказы аҭагылазашьаа зеиԥшроу атәы. Уажәнатә иуҳәар ҟалоит атәылаҿы иҟоу атехника зегьы еиқәыршәахоит ҳәа, иагыз ҟаҵахоит. Ацәаӷәара зҭаху иҟаиҵоит аҳәара, анаҩс инеины ирцәаӷәоит. Ҳара иҳамоу атехникала ҵыԥх аасҭа сынтәа аиҳа ҩынтә еиҳаны иаҳцәаӷәарҭә алшара ҳамоуп, аха ацәаӷәара аамҭа анааилак, иаразанак зегьы рҿы иузыцәаӷәаӡом, амшцәгьагьы уи аус еиԥнарҟьоит. Астанциа ақалақь аҿоуп иахьыҟоу, атехника ақыҭақәа рахь ицароуп, уигьы аамҭа агоит. Знык дахьцо даҽа ҩынтә-хынтә ацара иқәшәоит, избанзар, зегьы аԥара еицрымам", - ҳәа еиҭеиҳәеит Барганџьиа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

4

Гыцба аҭыԥантәи алхрақәа рзы: асиақәа рганахьала ауадаҩрақәа цәырҵлоит

16
Гагра араион алхратә комиссиа алахәыла Гарри Гыцба арадио Sputnik аефир аҟны арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит аҭыԥантәи ахаланапхгараҭаратә усбарҭақәа рахь алхрақәа рахь аҽазыҟаҵарақәа шцо, уадаҩрас ирԥыло.

Аԥсны аҭыԥантәи ахаланапхгараҭаратә усбарҭақәа рахь алхрақәа мҩаԥысраны иҟоуп мшаԥы 11 рзы. Хәажәкыра ҩба рзы акандидатцәа рҭаҩра иалагеит.

 

Раионк аԥсҭазаараҟынтә: Гыцба алхрақәа рыҽшырзыҟарҵо атәы

"Аиаша уҳәозар, хәыҷык ауадаҩрақәа ыҟоуп уи аганахьала (алхыҩцәа рсиазы - аред.), избанзар ауаа ԥсуеит, иҟоуп 18 шықәса зхыҵыз, шьҭа қәрала абжьыҭарахь инеир зылшо. Абри аиҿкаара уадаҩуп (асиазы - аред.), избанзар акомиссиаҿы зегьы ирҭахым аусура, ҳаҭыргьы амам уи ҳәа сгәы иаанагоит. Аиашазы, адепутатцәа иалырхуагьы, ианнеиуа аҭыԥаҟны, рнапы ианырҵо ишахәҭоу ирзынагӡом. Уи даҽа зҵаароуп, аха алхрақәа анааиуа ауп зегьы ҳаҩуа ҳанрышьҭало. Еиқәҳаршәоит асиақәа, аха агхақәа рацәаны ианрымоу ыҟоуп. Исҭахын изахәҭоу зегьы алхрақәа рҟны инеиларц… Есымша ауадаҩрақәа цәырҵлоит ақыҭақәа рҟны алхратә комиссиақәа реиқәыршәаразы. Уи аамҭа агоит… Алхрақәа раан асиақәа рызҵаара есымша ицәырҵоит", - ҳәа азгәеиҭеит Гыцба.

 

Иара игәаанагарала алхратә комиссиақәа рхантәаҩцәа ҿҳәарак рыҭаны иарҭозҭгьы, аҭагылазаашьа иаҳа еиӷьхон.

Шәазыӡырҩы аудио.

Иара убас шәаԥхьар ҟалоит:

16

120 миллион шәҭы Урыстәылаҟа инашьҭуп жәабран 15 раахыс

2
(ирҿыцуп 10:20 05.03.2021)
Аҳәса рымшныҳәа аламҭалаз Урыстәылаҟа иаларгалоит ашәҭқәа рацәаны. Аиҳарак Нидерландқәеи Еквадори рҟынтә.

АҞӘА, хәажәкыра 5 - Sputnik. 120 миллион шәҭы Урыстәылаҟа иаашьҭуп жәабран 15 инаркны хәажәкыра 3 рҟынӡа. Абри атәы аанацҳауеит Урыстәыла Афедералтә ҳазалхратә маҵзура.

Иарбоу аамҭазы Урыстәыла адекларациатә електронтә центрқәа ашәҟәы иҭаргалеит 9,15 нызқь тонна ашәҭ. Уи 2020 шықәсазы аасҭа ҩынтә еиҳауп (4259 тонн), 1,7 рыла еиҳауп 2019 шықәсазы (5271 тонн) аасҭа.

Уаанӡеиԥш сынтәагьы аекспортиор хадацәа ҳәа ишьоуп Нидерландқәеи Еквадори, иара убасгьы Кениеи Колумбиеи.

Аԥсны аҳазалхратә еилакы адыррақәа рыла, иахьазы 250 тонна 19 кьыла амимоза Аԥснынтәи иалыргахьеит. Ҵыԥх аасҭа ари арбага 50% рыла еиҳауп.

2020 шықәса абри аамҭазы 138 тонна 998 кьыла амимоза аҳәаа иахыган, 2019 шықәсазы – 175 тонна 22 кьыла.

2